മാലിന്യ സംസ്കരണത്തിൽ ഈ നഗരത്തിന് ഡിസ് ലൈക്ക്; രൂക്ഷ ഗന്ധം നിറഞ്ഞ് പാളയം മാർക്കറ്റും പരിസരവും; നഗരമാലിന്യം തള്ളുന്നത് മാർക്കറ്റ് പരിസരത്ത്

തി​രു​വ​ന​ന്ത​പു​രം: സ​മ്പൂ​ർ​ണ മാ​ലി​ന്യ​മു​ക്​​ത ത​ദ്ദേ​ശ സ്ഥാ​പ​ന​ങ്ങ​ളു​ടെ പ്ര​ഖ്യാ​പ​നം ഒ​രു​വ​ശ​ത്ത്​ പു​രോ​ഗ​മി​ക്കു​മ്പോ​ഴും ത​ല​സ്ഥാ​ന​ന​ഗ​ര​ത്തി​ൽ പാ​ള​യം മ​ത്സ്യ-​മാം​സ മാ​ർ​ക്ക​റ്റും പ​രി​സ​ര​വും മാ​ലി​ന്യം നി​റ​ഞ്ഞ്​ രൂ​ക്ഷ​ഗ​ന്ധ​ത്തി​ലാ​ണ്. ന​ഗ​ര​ത്തി​ലെ വി​വി​ധ​യി​ട​ങ്ങ​ളി​ൽ​നി​ന്നു​ള്ള മാ​ലി​ന്യ​ങ്ങ​ളും പാ​ഴ് വ​സ്തു​ക്ക​ളും ഇ​വി​ടെ ത​ള്ളു​ക​യാ​ണ്. ​ആ​ശു​പ​ത്രി മാ​ലി​ന്യ​ങ്ങ​ളും ഇ​ക്കൂ​ട്ട​ത്തി​ലു​ണ്ടെ​ന്നും പ​രാ​തി​യു​ണ്ട്. പൊ​തു​ജ​ന​ങ്ങ​ൾ മാ​ലി​ന്യം നി​ര​ത്തി​ലെ​റി​ഞ്ഞാ​ൽ വ​ൻ പി​ഴ ഈ​ടാ​ക്കു​ന്ന കോ​ർ​പ​​റേ​ഷ​ൻ ആ​രോ​ഗ്യ​വി​ഭാ​ഗ​ത്തി​ന്‍റേ​ത​ട​ക്കം നി​യ​മ​ലം​ഘ​ന​ത്തി​നു​നേ​രെ ക​ണ്ണ​ട​യ്ക്കു​ന്നെ​ന്നാ​ണ്​ പ​രാ​തി.

ജി​ല്ല​യു​ടെ ഇ​ത​ര ഭാ​ഗ​ങ്ങ​ളി​ൽ​നി​ന്ന്​ വ​രു​ന്ന മ​ത്സ്യ-​മാം​സ ക​ച്ച​വ​ട​ക്കാ​രു​ൾ​പ്പെ​ടെ 300 ല​ധി​കം പേ​ർ നി​ബ​ന്ധ​ന​ക​ൾ പാ​ലി​ക്കാ​തെ പാ​ള​യ​ത്തും പ​രി​സ​ര പ്ര​ദേ​ശ​ങ്ങ​ളി​ലും ക​ച്ച​വ​ടം ന​ട​ത്തു​ന്നു. ഇ​വ​ർ വ​ൻ​തോ​തി​ൽ മാ​ലി​ന്യം ത​ള്ളു​ന്നെ​ന്നാ​ണ്​ ആ​ക്ഷേ​പം.​ സ​മീ​പ​ത്തെ വീ​ടു​ക​ളി​ൽ താ​മ​സി​ക്കു​ന്ന​വ​രും ആ​രാ​ധ​നാ​ല​യ​ങ്ങ​ളി​ൽ എ​ത്തു​ന്ന​വ​രും ദു​ർ​ഗ​ന്ധം​കാ​ര​ണം പൊ​റു​തി​മു​ട്ടു​ക​യാ​ണ്. എ​ന്നാ​ൽ മ​ത്സ്യ-​മാം​സ ക​ച്ച​വ​ട​ക്കാ​ർ​ക്ക്​ ആ​ധു​നി​ക സൗ​ക​ര്യ​ങ്ങ​ളോ​ടെ മാ​ർ​ക്ക​റ്റ്​ തു​റ​ന്നി​ട്ടു ണ്ടെ​ങ്കി​ലും ആ​രും അ​വി​ടേ​ക്ക്​ മാ​റു​ന്നി​ല്ല.

പു​തി​യ മാ​ർ​ക്ക​റ്റി​ൽ ചെ​റി​യ കു​ടു​സ്സു​മു​റി​ക​ളാ​ണ്​ നി​ർ​മി​ച്ചു​ന​ൽ​കി​യ​തെ​ന്നും അ​ടി​സ്ഥാ​ന സൗ​ക​ര്യ​മി​ല്ലെ​ന്നും ക​ച്ച​വ​ട​ക്കാ​ർ പ​റ​യു​ന്നു. ത​ല​സ്ഥാ​ന​ന​ഗ​രി​യു​ടെ ഹൃ​ദ​യ​ഭാ​ഗം ദു​ർ​ഗ​ന്ധ​പൂ​രി​ത​മാ​യി​ട്ടും കോ​ർ​പ​റേ​ഷ​നോ മ​റ്റ്​ സ​ർ​ക്കാ​ർ സം​വി​ധാ​ന​ങ്ങ​ളോ തി​രി​ഞ്ഞു​നോ​ക്കു​ന്നി​ല്ല. സെ​ക്ര​ട്ടേ​റി​യ​റ്റും നി​യ​മ​സ​ഭ മ​ന്ദി​ര​വും പ​ബ്ലി​ക് ലൈ​ബ്ര​റി​യും റി​സ​ർ​വ് ബാ​ങ്കും കേ​ര​ള സ​ർ​വ​ക​ലാ​ശാ​ല​യും ഉ​ൾ​പ്പെ​ടെ നി​ര​വ​ധി സ്ഥാ​പ​ന​ങ്ങ​ൾ ഈ ​ദു​ർ​ഗ​ന്ധ കേ​ന്ദ്ര​ത്തി​ന്റെ 500 മീ​റ്റ​ർ പ​രി​ധി​ക്കു​ള്ളി​ലാ​ണ്. ബ​ന്ധ​പ്പെ​ട്ട വ​കു​പ്പു​ക​ൾ​ക്ക്​ പ്ര​ദേ​ശ​വാ​സി​ക​ൾ നി​ര​വ​ധി പ​രാ​തി​ക​ൾ സ​മ​ർ​പ്പി​ച്ചി​ട്ടും ഒ​രു ന​ട​പ​ടി​യു​മി​ല്ലെ​ന്ന്​ അ​വ​ർ പ​റ​യു​ന്നു.

1987ൽ ​തി​രു​വ​ന​ന്ത​പു​ര​ത്ത്​ ദേ​ശീ​യ ഗെ​യിം​സ് ന​ട​ത്തു​ന്ന​തി​നോ​ട​നു​ബ​ന്ധി​ച്ച് അ​ന്ന​ത്തെ ക​ല​ക്ട​ർ മ​ൽ​സ്യ മാ​ർ​ക്ക​റ്റ് ഇ​ട​പ്പ​ഴ​ഞ്ഞി​യി​ലേ​ക്ക്​ മാ​റ്റി​സ്ഥാ​പി​ച്ചി​രു​ന്നു. എ​ന്നാ​ൽ, ലേ​ലം വി​ളി ഉ​ൾ​പ്പ​ടെ മ​ത്സ്യ വി​പ​ണ​നം ഇ​ട​പ്പ​ഴ​ഞ്ഞി​യി​ൽ തു​ട​ര​വേ ത​ന്നെ റീ​ട്ടെ​യി​ൽ വ്യാ​പാ​രി​ക​ൾ ക്ര​മേ​ണ ക​ച്ച​വ​ടം വീ​ണ്ടും പാ​ള​യം മാ​ർ​ക്ക​റ്റ് പ​രി​സ​ര​ത്തേ​ക്ക് മാ​റ്റു​ക​യാ​ണു​ണ്ടാ​യ​ത്.