പിടിയിലായ പ്രതികൾ
കഴക്കൂട്ടം: മദ്യപാനത്തിനിടെ യുവാവിനെ വെട്ടിപ്പരിക്കേൽപിച്ച കേസിൽ മൂന്നുപേരെ കഴക്കൂട്ടം പൊലീസ് അറസ്റ്റ് ചെയ്തു. മേനംകുളം പാർവതീനഗർ പുതുവൽ പുത്തൻവീട്ടിൽ ഗോകുൽ ഗോപൻ (26), ജി. രാഹുൽ (24), മേനംകുളം കരിഞ്ഞവയൽ വീട്ടിൽ വിവേക് (27) എന്നിവരെയാണ് അറസ്റ്റ് ചെയ്തത്. ഒരാഴ്ച മുമ്പാണ് സംഭവം. സുഹൃത്തുക്കളായ എട്ടംഗ സംഘം മേനംകുളം പാർവതി പുത്തനാറിന് സമീപം മദ്യപിച്ചു.
തുടർന്നു നടന്ന വാക്കേറ്റത്തിൽ സംഘം ഒപ്പമുണ്ടായിരുന്ന മുട്ടത്തറ ശിവക്കുട്ട ലെയിനിൽ പുതുവൽ പുത്തൻവീട്ടിൽ വിഷ്ണുവിനെ (29) വെട്ടിപ്പരിക്കേൽപിച്ചിരുന്നു. ഗുരുതരമായി പരിക്കേറ്റ വിഷ്ണു മെഡിക്കൽ കോളജ് ആശുപത്രിയിൽ ചികിത്സയിലാണ്. അറസ്റ്റിലായ സംഘം മോഷണം, കഞ്ചാവ് കച്ചവടം തുടങ്ങിയ കേസുകളിലെ പ്രതികളാണെന്ന് പൊലീസ് പറഞ്ഞു.
കഴക്കൂട്ടം അസി. കമീഷണർ പൃഥ്വിരാജിന്‍റെ നേതൃത്വത്തിൽ എസ്.എച്ച്.ഒ ജി. അജിത്കുമാർ, എസ് ഐമാരായ മിഥുൻ, ശരത്, സി.പി.ഒമാരായ അരുൺ രാജ്, സജാദ് ഖാൻ എന്നിവർ ചേർന്നാണ് പ്രതികളെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.