മര്യനാട് മത്സ്യതൊഴിലാളികൾക്ക് 16 കിലോ​ഗ്രാം ‘തിമിംഗല ഛർദി’ ലഭിച്ചു

ക​ഴ​ക്കൂ​ട്ടം: തി​രു​വ​ന​ന്ത​പു​രം മ​ര്യ​നാ​ട് മ​ത്സ്യ​തൊ​ഴി​ലാ​ളി​ക​ൾ​ക്ക് ക​ട​ലി​ൽ നി​ന്ന്​ തി​മിം​ഗ​ല ഛർ​ദ്ദി ല​ഭി​ച്ചു. ഇ​ത്​ പി​ന്നി​ട് വ​നം വ​കു​പ്പി​ന് കൈ​മാ​റി. മ​ര്യ​നാ​ട് നി​ന്ന്​ മ​ത്സ്യ​ബ​ന്ധ​ന​ത്തി​ന് പോ​യ തൊ​ഴി​ലാ​ളി​ക​ൾ​ക്കാ​ണ് പ​തി​നേ​ഴ് കി​ലോ​യോ​ളം വ​രു​ന്ന തി​മിം​ഗ​ല ഛർ​ദ്ദി കി​ട്ടി​യ​ത്. ക​ട​ലി​ൽ ഒ​ഴു​കി​യ നി​ല​യി​ലാ​യി​രു​ന്നി​ത്. ഉ​ട​ൻ ത​ന്നെ ഇ​വ​ർ ക​ര​യി​ലേ​യ്ക്ക് എ​ത്തി​ച്ചു. മ​ത്സ്യ​ത്തൊ​ഴി​ലാ​ളി​ക​ൾ കോ​സ്റ്റ​ൽ പോ​ലീ​സി​നെ​യും വ​നം വ​കു​പ്പി​നെ​യും വി​വ​ര​മ​റി​യി​ച്ചു.

പാ​ലോ​ട് സ്റ്റേ​ഷ​ൻ ഫോ​റ​സ്റ്റ് ഓ​ഫീ​സ​ർ രാ​ജേ​ഷ് പി​ള്ള​യു​ടെ നേ​തൃ​ത്വ​ത്തി​ലു​ള്ള സം​ഘം മ​ര്യ​നാ​ടെ​ത്തി​യാ​ണ് ഇ​ത് ഏ​റ്റു വാ​ങ്ങി​യ​ത്. തി​മിം​ഗ​ല ഛർ​ദി​ക്ക്​ 16.790 കി​ലോ തൂ​ക്കം ഭാ​രം ഉ​ണ്ടെ​ന്നും വി​പ​ണി​യി​ൽ കി​ലോ​യ്ക്ക് ഒ​രു കോ​ടി​യോ​ളം രൂ​പ വി​ല വ​രു​മെ​ന്നാ​ണ് ക​ണ​ക്കാ​ക്കു​ന്ന​ത്. ഇ​തി​ന്‍റെ ഗു​ണ പ​രി​ശോ​ധ​ന രാ​ജീ​വ് ഗാ​ന്ധി ബ​യോ​ടെ​ക്നോ​ള​ജി​യി​ൽ ന​ട​ത്തു​മെ​ന്ന് വ​നം വ​കു​പ്പ് ഉ​ദ്യോ​ഗ​സ്ഥ​ർ അ​റി​യി​ച്ചു. പ​ഴ​ക്കം കൂ​ടും​തോ​റും തി​മിം​ഗ​ല​ത്തി​ന്‍റെ ഛർ​ദ്ദി പ്രീ​മി​യം പെ​ർ​ഫ്യൂ​മു​ക​ൾ​ക്ക് അ​നു​യോ​ജ്യ​മാ​യ ഘ​ട​ക​മാ​യി മാ​റും.ആ​മ്പ​ർ​ഗ്രീ​സ് ചേ​ർ​ത്ത സു​ഗ​ന്ധ​ദ്ര​വ്യ​ങ്ങ​ൾ ലോ​ക​ത്തു​ട​നീ​ളം ഉ​പ​യോ​ഗ​ത്തി​ലു​ണ്ടെ​ങ്കി​ലും അ​മേ​രി​ക്ക​യി​ൽ ഇ​തി​ന് നി​രോ​ധ​ന​മേ​ർ​പ്പെ​ടു​ത്തി​യി​ട്ടു​ണ്ട്. 1970 മു​ത​ൽ സ്പേം ​തി​മിം​ഗ​ല​ങ്ങ​ളെ വം​ശ​നാ​ശ​ഭീ​ഷ​ണി നേ​രി​ടു​ന്ന ജീ​വി​ക​ളു​ടെ പ​ട്ടി​ക​യി​ൽ ഉ​ൾ​പ്പെ​ടു​ത്തി​യ​തോ​ടെ ആ​മ്പ​ര്‍ഗ്രി​സ് കൈ​വ​ശം വ​യ്ക്കു​ന്ന​ത് നി​യ​മ​വി​രു​ദ്ധ​മാ​യി പ്ര​ഖ്യാ​പി​ച്ചി​ട്ടു​ണ്ട്.

ഉ​യ​ർ​ന്ന ഡി​മാ​ൻ​ഡ് കാ​ര​ണം ഇ​ന്ത്യ​യി​ൽ ആ​മ്പ​ര്‍ഗ്രി​സി​ന്‍റെ സം​ഭ​ര​ണ​വും വി​ൽ​പ്പ​ന​യും നി​യ​മ​വി​രു​ദ്ധ​മാ​ണ്. ലൈ​സ​ൻ​സ് ഇ​ല്ലാ​തെ ആ​മ്പ​ര്‍ഗ്രി​സ് വി​ൽ​ക്കു​ന്ന​തും കൈ​വ​ശ​വും വ​യ്ക്കു​ന്ന​തും കു​റ്റ​ക​ര​വു​മാ​ണ്.