താൽക്കാലിക നിയമനങ്ങളിൽ സി.പി.എം-സി.പി.ഐ തർക്കം

നെ​ടു​മ​ങ്ങാ​ട്: വി​തു​ര പ​ഞ്ചാ​യ​ത്ത്​ ക​മ്മി​റ്റി​യോ​ഗം മാ​റ്റി​വെ​ച്ച​ത്​ താ​ൽ​ക്കാ​ലി​ക നി​യ​മ​ന​ങ്ങ​ൾ സം​ബ​ന്ധി​ച്ച്​ ഭ​ര​ണ​ക​ക്ഷി​യി​ലെ ത​ർ​ക്ക​ത്തെ​തു​ട​ർ​ന്ന്. ബു​ധ​നാ​ഴ്ച വി​ളി​ച്ചു​ചേ​ർ​ത്ത പ​ഞ്ചാ​യ​ത്തു ക​മ്മി​റ്റി​യി​ൽ പ്ര​സി​ഡ​ൻ​റും വൈ​സ് പ്ര​സി​ഡ​ന്റും പ​ങ്കെ​ടു​ക്കാ​ത്ത​തി​നാ​ൽ യോ​ഗം കൂ​ടി​യ​ത് പ്ര​തി​പ​ക്ഷ അം​ഗ​ത്തി​ന്റെ അ​ധ്യ​ക്ഷ​ത​യി​ൽ. പ​ഞ്ചാ​യ​ത്തി​ലെ താ​ൽ​ക്കാ​ലി​ക നി​യ​മ​ന​ങ്ങ​ളു​മാ​യി ബ​ന്ധ​പ്പെ​ട്ട പ്ര​ശ്ന​ങ്ങ​ളാ​ണ് ക​മ്മി​റ്റി​ക്കി​ട​യി​ലെ സം​ഭ​വ​ങ്ങ​ൾ​ക്കു കാ​ര​ണ​മാ​യി ഭ​ര​ണ​പ​ക്ഷ​വും പ്ര​തി​പ​ക്ഷ​വും പ​റ​യു​ന്ന​ത്.

തൊ​ഴി​ലു​റ​പ്പു​വി​ഭാ​ഗ​ത്തി​ൽ പ്രോ​ജ​ക്ട് അ​സി​സ്റ്റ​ൻ​റ്, ഡാ​റ്റാ എ​ൻ​ട്രി ഓ​പ​റേ​റ്റ​ർ കം ​അ​ക്കൗ​ണ്ട​ൻ​റ് തു​ട​ങ്ങി​യ ത​സ്തി​ക​ക​ളി​ലേ​ക്ക് അ​ഭി​മു​ഖം ക​ഴി​ഞ്ഞി​രു​ന്നു. നി​യ​മ​ന​തീ​രു​മാ​നം ബു​ധ​നാ​ഴ്ച​ത്തെ ച​ർ​ച്ച​യി​ലെ അ​ജ​ൻ​ഡ​യാ​യി​രു​ന്നു. ഇ​ത് ഒ​ഴി​വാ​ക്ക​ണ​മെ​ന്ന് സി.​പി.​ഐ അം​ഗ​ങ്ങ​ൾ ആ​വ​ശ്യ​പ്പെ​ട്ട​തോ​ടെ​യാ​ണ് ക​മ്മി​റ്റി മാ​റ്റി​വെ​ക്കാ​ൻ ഭ​ര​ണ​പ​ക്ഷം തീ​രു​മാ​നി​ച്ച​ത്. എ​ന്നാ​ൽ, പ്ര​സി​ഡ​ന്റി​ന്റെ അ​സാ​ന്നി​ധ്യ​ത്തി​ൽ അം​ഗ​ങ്ങ​ൾ ഒ​പ്പി​ട്ട​തോ​ടെ ക​മ്മി​റ്റി കൂ​ടേ​ണ്ട സ്ഥി​തി​യാ​യി.

രാ​വി​ലെ 11 നാ​ണ് യോ​ഗം നി​ശ്ച​യി​ച്ചി​രു​ന്ന​ത്. കൃ​ത്യ​സ​മ​യ​ത്തു​ത​ന്നെ ആ​കെ​യു​ള്ള 17 അം​ഗ​ങ്ങ​ളി​ൽ 15 പേ​ർ മി​നി​റ്റ്സി​ൽ ഒ​പ്പി​ട്ടു. സെ​ക്ര​ട്ട​റി ഉ​ൾ​പ്പെ​ടെ​യു​ള്ള ജീ​വ​ന​ക്കാ​രും എ​ത്തി. എ​ന്നാ​ൽ, യോ​ഗാ​ധ്യ​ക്ഷ​നാ​യ പ​ഞ്ചാ​യ​ത്ത് പ്ര​സി​ഡ​ന്റ്‌ എ​ത്തി​യി​രു​ന്നി​ല്ല. 12 മ​ണി​യാ​യി​ട്ടും യോ​ഗം ആ​രം​ഭി​ക്കാ​ത്ത​തി​നെ​തു​ട​ർ​ന്ന് വൈ​സ് പ്ര​സി​ഡ​ന്റി​ന്റെ അ​ധ്യ​ക്ഷ​ത​യി​ൽ യോ​ഗം ചേ​രാ​ൻ പ്ര​തി​പ​ക്ഷം ആ​വ​ശ്യ​പ്പെ​ട്ടു. എ​ന്നാ​ൽ, ഇ​തി​ന് ത​യാ​റാ​കാ​തെ​വ​ന്ന​തോ​ടെ പ്ര​തി​പ​ക്ഷ അം​ഗ​ങ്ങ​ൾ പ്ര​തി​ഷേ​ധ​മു​യ​ർ​ത്തി. ഇ​തി​നി​ട​യി​ൽ യോ​ഗം മാ​റ്റി​വെ​ക്ക​ണ​മെ​ന്ന ആ​വ​ശ്യം ഭ​ര​ണ​പ​ക്ഷ​ത്തെ അം​ഗ​ങ്ങ​ൾ ഉ​ന്ന​യി​ച്ചു. ഭൂ​രി​പ​ക്ഷം അം​ഗ​ങ്ങ​ളും യോ​ഗ​ത്തി​ൽ പ​ങ്കെ​ടു​ക്കു​ക​യും ഒ​പ്പി​ടു​ക​യും ചെ​യ്ത​തി​നാ​ൽ യോ​ഗം മാ​റ്റി​വെ​ക്കാ​ൻ ക​ഴി​യി​ല്ലെ​ന്ന് പ്ര​തി​പ​ക്ഷം വാ​ദി​ച്ചു. ഇ​തോ​ടെ എ​ൽ.​ഡി.​എ​ഫ് അം​ഗ​ങ്ങ​ൾ ഇ​റ​ങ്ങി​പ്പോ​യി.

ഒ​ടു​വി​ൽ പ്ര​തി​പ​ക്ഷ അം​ഗ​വും ആ​രോ​ഗ്യ, വി​ദ്യാ​ഭ്യാ​സ സ്ഥി​രം​സ​മി​തി അ​ധ്യ​ക്ഷ​നു​മാ​യ കോ​ൺ​ഗ്ര​സി​ലെ മേ​മ​ല വി​ജ​യ​ന്‍റെ അ​ധ്യ​ക്ഷ​ത​യി​ൽ യോ​ഗം ആ​രം​ഭി​ച്ചു. ഒ​രു മ​ണി​യോ​ടെ പ​ഞ്ചാ​യ​ത്ത് പ്ര​സി​ഡ​ന്റ്‌ വി.​എ​സ്. ബാ​ബു​രാ​ജ് ഹാ​ളി​ലെ​ത്തി അ​ധ്യ​ക്ഷ​സ്ഥാ​നം ഏ​റ്റെ​ടു​ത്തു. എ​ന്നാ​ൽ, അ​ടു​ത്ത അ​ജ​ൻ​ഡ ച​ർ​ച്ച​ചെ​യ്യു​ന്ന​തി​നി​ടെ യോ​ഗം അ​ടു​ത്ത ദി​വ​സ​ത്തേ​ക്ക്​ മാ​റ്റി​വെ​ക്കു​ന്ന​താ​യി പ്ര​സി​ഡ​ന്റ്‌ അ​റി​യി​ച്ചു. പ്ര​തി​പ​ക്ഷ പ്ര​തി​ഷേ​ധ​ത്തി​നി​ടെ യോ​ഗം മാ​റ്റി​വെ​ക്കു​ന്ന​താ​യി സെ​ക്ര​ട്ട​റി​യും അ​റി​യി​ച്ചു.