മോഷണക്കേസ് പ്രതികൾ അറസ്റ്റിൽ

നെ​ടു​മ​ങ്ങാ​ട്: വാ​ളി​ക്കോ​ട് റിം​സ് ആ​ശു​പ​ത്രി കെ​ട്ടി​ട​ത്തി​ന്റെ മൂ​ന്നാം​നി​ല​യി​ലെ അ​ലു​മി​നി​യം ചു​മ​ർ​പാ​ളി പൊ​ളി​ച്ച് മോ​ഷ​ണം ന​ട​ത്തി​യ ര​ണ്ടു​പേ​രെ നെ​ടു​മ​ങ്ങാ​ട് പൊ​ലീ​സ് അ​റ​സ്റ്റ് ചെ​യ്തു. 4000 രൂ​പ വി​ല​വ​രു​ന്ന 11 ക​ഷ​ണം അ​ലു​മി​നി​യം ഫ്ര​യിം ആ​ണ് മോ​ഷ്ടി​ച്ച​ത്. നെ​ടു​മ​ങ്ങാ​ട് മ​ഞ്ച പേ​രു​മ​ല ത​ട​ത്ത​രി​ക​ത്ത് വീ​ട്ടി​ൽ താ​മ​സി​ക്കു​ന്ന ക​ര​കു​ളം വേ​ങ്കോ​ട് മു​ല്ല​ശേ​രി തോ​പ്പ് നെ​യ്യ​പ്പ​ള്ളി സ്വ​ദേ​ശി ഷൈ​ജു (38), പൂ​വ​ത്തൂ​ർ ചെ​ല്ലാം​ങ്കോ​ട് പു​ന്ന​പ്പു​രം സ്വ​ദേ​ശി രാ​ജീ​വ് (42) എ​ന്നി​വ​രെ​യാ​ണ് അ​റ​സ്റ്റ് ചെ​യ്ത​ത്.

വാ​ളി​ക്കോ​ട് റിം​സ് ആ​ശു​പ​ത്രി​ക്ക് സ​മീ​പം താ​മ​സി​ക്കു​ന്ന ശി​വാ​ന​ന്ദ​ന്റെ മൊ​ഴി​യു​ടെ അ​ടി​സ്ഥാ​ന​ത്തി​ലാ​ണ് കേ​സ് ര​ജി​സ്റ്റ​ർ ചെ​യ്ത​ത്. ഒ​ന്നാം​പ്ര​തി ഷൈ​ജു​വി​ന് തി​രു​വ​ന​ന്ത​പു​രം സി​റ്റി, ക​ര​മ​ന സ്റ്റേ​ഷ​നു​ക​ളി​ൽ കൊ​ല​പാ​ത​ക കേ​സും നെ​ടു​മ​ങ്ങാ​ട് സ്റ്റേ​ഷ​നി​ൽ പ​ത്തോ​ളം ക്രി​മി​ന​ൽ കേ​സു​ക​ളും നി​ല​വി​ലു​ണ്ടെ​ന്ന് പൊ​ലീ​സ് പ​റ​ഞ്ഞു.

നെ​ടു​മ​ങ്ങാ​ട് എ​സ്.​എ​ച്ച്.​ഒ ശ്രീ​കു​മാ​ര​ൻ നാ​യ​രു​ടെ നേ​തൃ​ത്വ​ത്തി​ൽ എ​സ്. ശ്രീ​ലാ​ൽ​ച​ന്ദ്ര​ശേ​ഖ​ർ, ജോ​സ് ആ​ന്റ​ണി, സി.​പി.​ഒ വൈ​ശാ​ഖ് എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്. കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.