സ്കൂൾ കവാടത്തിൽനിന്ന്​ ജി. കാർത്തികേയന്‍റെ പേര് ഒഴിവാക്കിയതിൽ വ്യാപക പ്രതിഷേധം

നെ​ടു​മ​ങ്ങാ​ട്: വെ​ള്ള​നാ​ട് ജി. ​കാ​ർ​ത്തി​കേ​യ​ൻ സ്മാ​ര​ക ഗ​വ.​വൊ​ക്കേ​ഷ​ണ​ൽ ഹ​യ​ർ സെ​ക്ക​ൻ​ഡ​റി സ്കൂ​ൾ ക​വാ​ട​ത്തി​ൽ​നി​ന്ന്​ മു​ൻ സ്പീ​ക്ക​ർ ജി. ​കാ​ർ​ത്തി​കേ​യ​ന്‍റെ പേ​ര് ഒ​ഴി​വാ​ക്കി​യ​തി​ൽ പ്ര​തി​ഷേ​ധം. ജി​ല്ല പ​ഞ്ചാ​യ​ത്ത് എ​ട്ടു ല​ക്ഷം രൂ​പ മു​ട​ക്കി പു​തു​താ​യി നി​ർ​മി​ച്ച ക​വാ​ട​ത്തി​ലാ​ണ് ജി. ​കാ​ർ​ത്തി​കേ​യ​ന്‍റെ പേ​ര് ഒ​ഴി​വാ​ക്കി​യ​ത്.

ക​വാ​ട​ത്തി​ൽ ജി​ല്ല പ​ഞ്ചാ​യ​ത്ത് ഗ​വ. വൊ​ക്കേ​ഷ​ന​ൽ ആ​ൻ​ഡ് ഹ​യ​ർ സെ​ക്ക​ൻ​ഡ​റി സ്കൂ​ൾ എ​ന്നാ​ണ് എ​ഴു​തി​യി​രി​ക്കു​ന്ന​ത്. ഇ​തി​ന്‍റെ പി​ന്നി​ലു​ള്ള പ​ഴ​യ കെ​ട്ടി​ട​ത്തി​ൽ ഇ​പ്പോ​ഴും ജി. ​കാ​ർ​ത്തി​കേ​യ​ൻ സ്മാ​ര​ക സ്കൂ​ൾ എ​ന്ന് രേ​ഖ​പ്പെ​ടു​ത്തി​യി​ട്ടു​ണ്ട്. സം​ഭ​വ​ത്തി​ൽ കോ​ൺ​ഗ്ര​സ്- യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​ർ പ്ര​തി​ഷേ​ധ​വു​മാ​യി രം​ഗ​ത്തെ​ത്തി. വെ​ള്ള​നാ​ട് ഗ്രാ​മ​പ​ഞ്ചാ​യ​ത്തി​ലെ വി​ക​സ​ന പ്ര​വ​ർ​ത്ത​ന​ങ്ങ​ളു​ടെ ഉ​ദ്ഘാ​ട​ന​ത്തി​ന് മു​ൻ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി എ​ത്തി​യ​പ്പോ​ൾ സ്കൂ​ളി​ൽ പു​തി​യ മ​ന്ദി​രം വേ​ണ​മെ​ന്ന് സ്ഥ​ലം എം.​എ​ൽ.​എ കൂ​ടി​യാ​യ ജി. ​കാ​ർ​ത്തി​കേ​യ​ൻ അ​ന്ന് മു​ഖ്യ​മ​ന്ത്രി​യോ​ട് ആ​വ​ശ്യ​പ്പെ​ട്ടി​രു​ന്നു.

മ​ന്ദി​രം പൂ​ർ​ത്തി​യാ​യ​പ്പോ​ൾ ജി. ​കാ​ർ​ത്തി​കേ​യ​ൻ അ​സു​ഖ​ബാ​ധി​ത​നാ​യി മ​ര​ണ​പ്പെ​ട്ടു. പു​തി​യ മ​ന്ദി​ര​ത്തി​ന്‍റെ ഉ​ദ്ഘാ​ട​ന​വേ​ള​യി​ലാ​ണ് സ്കൂ​ളി​ന് ജി. ​കാ​ർ​ത്തി​കേ​യ​ൻ സ്മാ​ര​ക ഗ​വ.​വൊ​ക്കേ​ഷ​ന​ൽ ഹ​യ​ർ സെ​ക്ക​ൻ​ഡ​റി സ്കൂ​ൾ എ​ന്ന് പേ​ര്​ ന​ൽ​കു​മെ​ന്ന്​ ഉ​മ്മ​ൻ ചാ​ണ്ടി പ്ര​ഖ്യാ​പി​ച്ച​ത്. അ​തേ​സ​മ​യം ഔ​ദ്യോ​ഗി​ക പ്ര​ഖ്യാ​പ​നം ന​ട​ത്തി​യ​ത​ല്ലാ​തെ ഇ​ത് സം​ബ​ന്ധി​ച്ച രേ​ഖ​ക​ളൊ​ന്നും ല​ഭി​ച്ചി​ട്ടി​ല്ലെ​ന്ന്​ പി.​ടി.​എ പ്ര​സി​ഡ​ൻ​റ് ശോ​ഭ​ൻ കു​മാ​ർ പ​റ​ഞ്ഞു. സ്കൂ​ളി​ന്‍റെ പേ​ര്​ മാ​റ്റി അ​റി​യി​പ്പ് ല​ഭി​ച്ചാ​ൽ ബോ​ർ​ഡ്​ വെ​ക്കാ​ൻ ത​യാ​റാ​ണെ​ന്നും അ​ദ്ദേ​ഹം പ​റ​ഞ്ഞു.