വര്‍ക്കല: ദമ്പതികളെ വീടുകയറി ആക്രമിച്ച കേസില്‍ ആറുപേര്‍ അറസ്റ്റിലായി. ചെമ്മരുതി മുരിങ്ങവിള വീട്ടില്‍ വിജിത്ത് (21), ഇടവിള വീട്ടില്‍ പ്രശാന്ത് (20), പുത്തന്‍വീട്ടില്‍ രാജീവ് (23), ചരുവിള വീട്ടില്‍ ശ്രീജിത്ത് (23), വലിയപൊയ്ക വീട്ടില്‍ അനൂപ് (19), പുത്തന്‍വിള വീട്ടില്‍ മുകുന്ദന്‍ (19) എന്നിവരാണ് അറസ്റ്റിലായത്. ഇവര്‍ക്ക് പുറമെ പ്രായപൂര്‍ത്തിയാകാത്ത ഒരു വിദ്യാര്‍ഥിയും കേസില്‍ ഉള്‍പ്പെട്ടിട്ടുണ്ട്. ഇക്കഴിഞ്ഞ മേയ് 29ന് രാവിലെയാണ് കേസിനാസ്പദമായ സംഭവം.
കുന്നുവിള ലക്ഷംവീട് കോളനിയില്‍ താമസിക്കുന്ന ഷിബു-ഗീത ദമ്പതികളെയും മക്കളെയുമാണ് യുവാക്കൾ സംഘം ചേർന്ന് ആക്രമിച്ച് പരിക്കേല്‍പിച്ചത്. ചെമ്മരുതി കുന്നുവിള കോളനിയില്‍ കഞ്ചാവും പുകയില ഉൽപന്നങ്ങളും ഉപയോഗിക്കുന്നതും വിൽപന നടത്തുന്നതും പറഞ്ഞുവിലക്കിയതി‍െൻറ വൈരാഗ്യത്തിലായിരുന്നു ആക്രമണം.
പ്രതികളിലൊരാള്‍ ഷിബുവിന്റെ ബന്ധുവാണ്. അയിരൂര്‍ ഇന്‍സ്‌പെക്ടര്‍ വി.കെ. ശ്രീജേഷിന്റെ നേതൃത്വത്തില്‍ എസ്.ഐ സജിത്ത്, എ.എസ്.ഐമാരായ സുനില്‍കുമാര്‍, ബൈജു, പൊലീസുകാരായ സജീവ്, ജയ്മുരുകന്‍ എന്നിവര്‍ ചേര്‍ന്നാണ് പ്രതികളെ പിടികൂടിയത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.