കോവിഡ് ബാധിച്ച് മരിച്ച വീട്ടമ്മയുടെ മൃതദേഹത്തോട് നഗരസഭയുടെ അനാദരവെന്ന്​

വ​ർ​ക്ക​ല: കോ​വി​ഡ് ബാ​ധി​ച്ച് മ​രി​ച്ച വീ​ട്ട​മ്മ​യു​ടെ മൃ​ത​ദേ​ഹ​ത്തോ​ട് ന​ഗ​ര​സ​ഭ​യു​ടെ അ​നാ​ദ​ര​വ്. 13 മ​ണി​ക്കൂ​റി​ല​ധി​കം മൃ​ത​ദേ​ഹ​വു​മാ​യി ബ​ന്ധു​ക്ക​ൾ ന​ഗ​ര​സ​ഭാ അ​ധി​കൃ​ത​രെ​ത്തു​ന്ന​തി​നാ​യി കാ​ത്തു​നി​ന്നു. ഒ​ടു​വി​ൽ രാ​ത്രി ഏ​ഴ​ര​യോ​ടെ സം​ഭ​വം ചാ​ന​ലു​ക​ളി​ൽ വാ​ർ​ത്ത​യാ​കു​ക​യും വി​വാ​ദ​മാ​കു​ക​യും ചെ​യ്ത ശേ​ഷ​മാ​ണ് ന​ഗ​ര​സ​ഭാ അ​ധി​കൃ​ത​ർ മൃ​ത​ദേ​ഹം ഏ​റ്റു​വാ​ങ്ങി​യ​ത്. കോ​വി​ഡ് ബാ​ധി​ച്ച വ​ർ​ക്ക​ല സ്വ​ദേ​ശി​യാ​യ വീ​ട്ട​മ്മ തി​രു​വ​ന​ന്ത​പു​ര​ത്ത് മ​രു​തൂ​രി​ലു​ള്ള സ്വ​കാ​ര്യ ആ​ശു​പ​ത്രി​യി​ലാ​ണ് ചി​കി​ത്സ തേ​ടി​യ​ത്.

ചി​കി​ത്സ​യി​ലി​രി​ക്കെ, തി​ങ്ക​ളാ​ഴ്ച രാ​വി​ലെ​യോ​ടെ മ​ര​ണ​പ്പെ​ടു​ക​യാ​യി​രു​ന്നു. കോ​വി​ഡ് മാ​ന​ദ​ണ്ഡ​ങ്ങ​ൾ പാ​ലി​ച്ചു​വേ​ണം സം​സ്കാ​രം ന​ട​ത്തേ​ണ്ട​ത് എ​ന്ന​തി​നാ​ൽ വ​ർ​ക്ക​ല ന​ഗ​ര​സ​ഭാ അ​ധി​കൃ​ത​രെ​ത്തി മൃ​ത​ദേ​ഹം ഏ​റ്റു​വാ​ങ്ങി അ​ന​ന്ത​ര ന​ട​പ​ടി​ക​ൾ സ്വീ​ക​രി​ക്കേ​ണ്ട​താ​യി​രു​ന്നു. മ​ര​ണ വി​വ​രം വീ​ട്ട​മ്മ​യു​ടെ ബ​ന്ധു​ക്ക​ൾ രാ​വി​ലെ ത​ന്നെ ന​ഗ​ര​സ​ഭ​യി​ൽ അ​റി​യി​ച്ച​ത്രെ. ന​ഗ​ര​സ​ഭാ ആ​രോ​ഗ്യ വി​ഭാ​ഗം എ​ത്തി തു​ട​ർ ന​ട​പ​ടി​ക​ൾ സ്വീ​ക​രി​ക്കു​മെ​ന്ന്​ ധ​രി​ച്ച് ബ​ന്ധു​ക്ക​ൾ ആ​ശു​പ​ത്രി​യി​ൽ കാ​ത്തു​നി​ന്നു. പ​ക​ലൊ​ടു​ങ്ങി​യി​ട്ടും പ​ക്ഷേ, വ​ർ​ക്ക​ല ന​ഗ​ര​സ​ഭ സം​ഭ​വം അ​റി​ഞ്ഞ​താ​യി​പ്പോ​ലും ഭാ​വി​ച്ചി​ല്ല. ഇ​തി​നി​ട​യി​ലാ​ണ് സം​ഭ​വം ചാ​ന​ൽ വാ​ർ​ത്ത​യാ​യ​ത്.

ഇ​തോ​ടെ വി​ഷ​യം വി​വാ​ദ​മാ​കു​ക​യും ന​ഗ​ര​സ​ഭ​ക്കെ​തി​രെ ആ​ക്ഷേ​പ​ങ്ങ​ൾ ഉ​യ​രു​ക​യും ചെ​യ്തു. തു​ട​ർ​ന്നാ​ണ് അ​ധി​കൃ​ത​ർ ന​ട​പ​ടി സ്വീ​ക​രി​ക്കാ​ൻ രം​ഗ​ത്തു​വ​ന്ന​ത്. അതേസമയം ആംബുലൻസ്​ ഏർപ്പെടുത്തുന്നതി​നെ ചൊല്ലിയുള്ള തിരുവനന്തപുരം നഗരസഭയും വർക്കല നഗരസഭയും തമ്മിലുള്ള തർക്കമാണ്​ നടപടികൾ വൈകിപ്പിച്ചതെന്ന്​ അറിയുന്നു. എ​ന്നാ​ൽ, തി​ങ്ക​ളാ​ഴ്ച വൈ​കു​ന്നേ​രം മൂ​ന്നി​ന് ശേ​ഷ​മാ​ണ് വീ​ട്ട​മ്മ​യു​ടെ മ​ര​ണ​വി​വ​രം ന​ഗ​ര​സ​ഭ​യി​ൽ അ​റി​യു​ന്ന​തെ​ന്നാ​ണ് ന​ഗ​ര​സ​ഭാ ചെ​യ​ർ​പേ​ഴ്സ​ൺ ബി​ന്ദു ഹ​രി​ദാ​സ് അ​റി​യി​ച്ച​ത്.