വയനാട്ടിൽ ചൂ​ട് വ​ർ​ധി​ക്കു​ന്നു

ക​ൽ​പ​റ്റ: ജി​ല്ല​യി​ൽ ദി​വ​സം ക​ഴി​യു​ന്തോ​റും ചൂ​ട് ക​ന​ക്കു​ന്നു. ചൂ​ട് വ​ർ​ധി​ച്ച​തോ​ടെ കൃ​ഷി ക​രി​ഞ്ഞു​ണ​ങ്ങാ​നും തു​ട​ങ്ങി​യി​ട്ടു​ണ്ട്. പു​ഴ​ക​ളും തോ​ടു​ക​ളും വ​റ്റി​ത്തു​ട​ങ്ങി. പ​ല സ്ഥ​ല​ങ്ങ​ളി​ലും കി​ണ​റു​ക​ൾ നേ​ര​ത്തേ ത​ന്നെ വ​റ്റി​ത്തു​ട​ങ്ങി​യ​ത് കാ​ര​ണം കു​ടി​വെ​ള്ള ക്ഷാ​മം രൂ​ക്ഷ​മാ​കാ​ൻ തു​ട​ങ്ങി​യിട്ടു​ണ്ട്. ജി​ല്ല​യി​ലെ പ​ല ഭാ​ഗ​ങ്ങ​ളി​ലും കു​ടി​വെ​ള്ള​ത്തി​ന് കി​ലോ മീ​റ്റ​റു​ക​ൾ താ​ണ്ടേ​ണ്ട അ​വ​സ്ഥ​യാ​ണു​ള്ള​ത്. പു​ഴ​ക​ളി​ലും തോ​ടു​ക​ളി​ലും ജ​ലം കു​റ​ഞ്ഞ​തോ​ടെ പ​ല സ്ഥ​ല​ങ്ങ​ളി​ലും കൃ​ഷി​ക്ക് ആ​വ​ശ്യ​മാ​യ ജ​ല​സേ​ച​നം ന​ട​ത്താ​നും ക​ഴി​യു​ന്നി​ല്ല.

ജാ​ഗ്ര​ത പാ​ലി​ക്ക​ണം –ആ​രോ​ഗ്യ വ​കു​പ്പ്

അ​ന്ത​രീ​ക്ഷ​ത്തി​ല്‍ ചൂ​ട് ഉ​യ​രു​ന്ന സാ​ഹ​ച​ര്യ​ത്തി​ല്‍ ജാ​ഗ്ര​ത നി​ര്‍ദേ​ശ​വു​മാ​യി ആ​രോ​ഗ്യ വ​കു​പ്പ്. സൂ​ര്യാ​ഘാ​തം, സൂ​ര്യാ​ത​പം തു​ട​ങ്ങി നി​ര​വ​ധി പ്ര​ശ്ന​ങ്ങ​ളു​ണ്ടാ​കാ​ന്‍ സാ​ധ്യ​ത​യു​ള്ള​തി​നാ​ല്‍ പൊ​തു​ജ​ന​ങ്ങ​ള്‍ ജാ​ഗ്ര​ത പാ​ലി​ക്ക​ണ​മെ​ന്ന് ജി​ല്ല മെ​ഡി​ക്ക​ല്‍ ഓ​ഫി​സ​ര്‍ ഡോ. ​പി. ദി​നീ​ഷ് പ​റ​ഞ്ഞു.

അ​ന്ത​രീ​ക്ഷ​താ​പം ഉ​യ​രു​മ്പോ​ള്‍ ശ​രീ​ര​ത്തി​ന്റെ താ​പ​നി​യ​ന്ത്ര​ണ സം​വി​ധാ​ന​ങ്ങ​ള്‍ ത​ക​രാ​റി​ലാ​കു​ക​യും ചൂ​ട് പു​റ​ന്ത​ള്ള​പ്പെ​ടു​ന്ന​തി​ന് വി​ഘാ​തം നേ​രി​ടു​ക​യും ചെ​യ്യു​ന്ന​തി​ലൂ​ടെ ശാ​രീ​രി​ക പ്ര​വ​ര്‍ത്ത​ന​ങ്ങ​ള്‍ ത​ക​രാ​റി​ലാ​കു​ന്ന അ​വ​സ്ഥ​യാ​ണ് സൂ​ര്യാ​ഘാ​തം.

ക​ന​ത്ത ചൂ​ടി​ല്‍ ശ​രീ​ര​ത്തി​ല്‍നി​ന്ന് ജ​ല​വും ല​വ​ണ​ങ്ങ​ളും വി​യ​ര്‍പ്പി​ലൂ​ടെ അ​മി​ത അ​ള​വി​ല്‍ ന​ഷ്ട​മാ​കു​ന്ന​തി​നെ തു​ട​ര്‍ന്നു​ണ്ടാ​കു​ന്ന അ​വ​സ്ഥ​യാ​ണ് സൂ​ര്യാ​ത​പം. ക്ഷീ​ണം, ത​ല​ക​റ​ക്കം, ഛര്‍ദി, ബോ​ധ​ക്ഷ​യം ശ​രീ​രം ചു​വ​ന്ന് ചൂ​ടാ​കു​ക, ശ​ക്ത​മാ​യ ത​ല​വേ​ദ​ന, പേ​ശീ​വ​ലി​വ്, ത​ല​ക്ക​റ​ക്കം, ഉ​യ​ര്‍ന്ന ശ​രീ​ര താ​പ​നി​ല തു​ട​ങ്ങി​യ​വ താ​പ സം​ബ​ന്ധ​മാ​യ രോ​ഗ​ങ്ങ​ളു​ടെ പ്ര​ധാ​ന ല​ക്ഷ​ണ​ങ്ങ​ളാ​ണ്. ല​ക്ഷ​ണ​ങ്ങ​ള്‍ ക​ണ്ടാ​ല്‍ ഉ​ട​ന്‍ ആ​ശു​പ​ത്രി​യി​ലെ​ത്തി ചി​കി​ത്സ ന​ട​ത്ത​ണം.

ഉ​യ​ര്‍ന്ന ചൂ​ട്, സൂ​ര്യാ​ഘാ​തം, സൂ​ര്യാ​ത​പം, നി​ര്‍ജ​ലീ​ക​ര​ണം തു​ട​ങ്ങി​യ​വ നി​ര​വ​ധി ഗു​രു​ത​ര ആ​രോ​ഗ്യ പ്ര​ശ്ന​ങ്ങ​ള്‍ക്കും മ​ര​ണ​ത്തി​നും കാ​ര​ണ​മാ​യേ​ക്കാ​മെ​ന്നും ജി​ല്ല മെ​ഡി​ക്ക​ല്‍ ഓ​ഫി​സ​ര്‍ അ​റി​യി​ച്ചു. 

ചൂ​ടുകാ​ല​ത്ത് ശ്ര​ദ്ധി​ക്കാ​ന്‍

→ ഇ​ളം നി​റ​ത്തി​ലു​ള്ള അ​യ​ഞ്ഞ കോ​ട്ട​ണ്‍ വ​സ്ത്ര​ങ്ങ​ള്‍ ഉ​പ​യോ​ഗി​ക്കു​ക.

→ യാ​ത്ര​യി​ലും ജോ​ലി​സ്ഥ​ല​ത്തും തി​ള​പ്പി​ച്ചാ​റി​യ ശു​ദ്ധ​ജ​ലം ക​രു​തു​ക​യും ഇ​ട​ക്കി​ടെ കു​ടി​ക്കു​ക​യും ചെ​യ്യു​ക.

→ ക​ടു​ത്ത വെ​യി​ലു​മാ​യി നേ​രി​ട്ട് സ​മ്പ​ര്‍ക്കം പു​ല​ര്‍ത്താ​തി​രി​ക്കു​ക. കു​ട, തൊ​പ്പി എ​ന്നി​വ ഉ​പ​യോ​ഗി​ക്കു​ക.

→ പ​ക​ല്‍ 11 മു​ത​ല്‍ വൈ​കീ​ട്ട് മൂ​ന്ന് വ​രെ​യു​ള്ള സ​മ​യ​ത്ത് നേ​രി​ട്ട് ശ​രീ​ര​ത്തി​ല്‍ കൂ​ടു​ത​ല്‍ സ​മ​യം തു​ട​ര്‍ച്ച​യാ​യി സൂ​ര്യ​പ്ര​കാ​ശം ഏ​ല്‍ക്കു​ന്ന​ത് ഒ​ഴി​വാ​ക്കു​ക.

→ കു​ട്ടി​ക​ളെ ഈ ​സ​മ​യ​ത്ത് വെ​യി​ല​ത്ത് ക​ളി​ക്കാ​ന്‍ വി​ടാ​തി​രി​ക്കു​ക.

→ നി​ര്‍ത്തി​യി​ട്ടി​രി​ക്കു​ന്ന വാ​ഹ​ന​ങ്ങ​ളി​ല്‍ കു​ട്ടി​ക​ളെ ഒ​റ്റ​ക്കി​രു​ത്തി പോ​കാ​തി​രി​ക്കു​ക.

→ പു​റ​ത്തി​റ​ങ്ങു​മ്പോ​ള്‍ പ​ര​മാ​വ​ധി ത​ണ​ല​ിലൂടെ ന​ട​ക്കു​ക.

→ തു​റ​സ്സാ​യ സ്ഥ​ല​ങ്ങ​ളി​ല്‍ തൊ​ഴി​ലു​ക​ളി​ല്‍ ഏ​ര്‍പ്പെ​ടു​ന്ന​വ​ര്‍ ജോ​ലി സ​മ​യം ക്ര​മീ​ക​രി​ക്കു​ക. മ​തി​യാ​യ സു​ര​ക്ഷ മാ​ര്‍ഗ​ങ്ങ​ള്‍ സ്വീ​ക​രി​ക്കു​ക.

→ ചാ​യ, കാ​പ്പി, മ​ദ്യം, കൃ​ത്രിമ പാ​നീ​യ​ങ്ങ​ള്‍ എ​ന്നി​വ പ​ര​മാ​വ​ധി ഒ​ഴി​വാ​ക്കു​ക.

→ സൂ​ര്യാ​ഘാ​ത ല​ക്ഷ​ണ​ങ്ങ​ള്‍ ശ്ര​ദ്ധ​യി​ല്‍ പെ​ട്ടാ​ല്‍ എ​ത്ര​യും പെ​ട്ടെ​ന്ന് ആ​ശു​പ​ത്രി​യി​ലെ​ത്തി​ക്കു​ക.