മോഹങ്ങൾക്കൊപ്പം വൈഷ്​ണവി;​ മോഹിനിയാട്ടത്തിൽ റാങ്ക് തിളക്കം

 ക​ൽ​പ​റ്റ: നൃ​ത്ത​ത്തെ മ​ന​സ്സി​ലു​പാ​സി​ച്ച്​ ജീ​വി​ത​ത്തി​ൽ പി​ഴ​ക്കാ​ത്ത ചു​വ​ടു​ക​ളോ​ടെ പ​ഠ​ന​വ​ഴി​യി​ലും മി​ക​വു​കാ​ട്ടി വൈ​ഷ്ണ​വി മോ​ഹ​ൻ. ചെ​റു​പ്പം​മു​ത​ൽ ഉ​ള്ളി​ൽ​നി​റ​ഞ്ഞ നൃ​ത്ത​മോ​ഹ​ങ്ങ​ൾ​ക്ക്​ റാ​ങ്കി‍െൻറ തി​ള​ക്കം​പ​ക​ർ​ന്നാ​ണ്​ ഈ ​വ​യ​നാ​ട്ടു​കാ​രി ശ്ര​ദ്ധേ​യ​നേ​ട്ടം സ്വ​ന്ത​മാ​ക്കി​യ​ത്. മ​രു​ന്നു​ക​ളു​ടെ ലോ​ക​ത്തു​നി​ന്നും ക​ല​യു​ടെ വ​ർ​ണാ​ഭ​മാ​യ അ​ര​ങ്ങി​ലേ​ക്ക്​ ചു​വ​ടു​മാ​റ്റി​യ വൈ​ഷ്ണ​വി എം.​എ മോ​ഹി​നി​യാ​ട്ട​ത്തി​ൽ ര​ണ്ടാം റാ​ങ്കു​മാ​യാ​ണ്​ മി​ന്നു​ന്ന നേ​ട്ടം കൈ​വ​രി​ച്ച​ത്. മീ​ന​ങ്ങാ​ടി അ​മ്പ​ല​പ്പ​ടി സ്വ​ദേ​ശി​യാ​ണ്. തൃ​പ്പൂ​ണി​ത്തു​റ ആ​ർ.​എ​ൽ.​വി കോ​ള​ജി​ൽ​നി​ന്നാ​ണ്​ മോ​ഹ​ങ്ങ​ൾ​ക്കൊ​പ്പം എം.​ജി. യൂ​നി​വേ​ഴ്​​സി​റ്റി​യു​ടെ എം.​എ മോ​ഹി​നി​യാ​ട്ട​ത്തി​ൽ റാ​ങ്കി‍െൻറ പ​കി​ട്ടു​മാ​യി വി​ജ​യം നേ​ടി​യ​ത്.

എ​ൽ.​കെ.​ജി മു​ത​ൽ ഏ​ഴാം ക്ലാ​സു​വ​രെ അ​മ്പ​ല​പ്പ​ടി​യി​ലെ വി​വേ​കാ​ന​ന്ദ വി​ദ്യാ​മ​ന്ദി​ര​ത്തി​ലാ​യി​രു​ന്നു പ​ഠ​നം. ഏ​ഴു മു​ത​ൽ 10 വ​രെ മീ​ന​ങ്ങാ​ടി ഗ​വ. ഹൈ​സ്കൂ​ളി​ൽ. ഹ​യ​ർ സെ​ക്ക​ൻ​ഡ​റി പ​ഠ​നം പ​ന​ങ്ക​ണ്ടി ജി.​എ​ച്ച്.​എ​സ്.​എ​സി​ൽ. മെ​ഡി​ക്ക​ൽ ഫീ​ൽ​ഡി​ൽ താ​ൽ​പ​ര്യ​മു​ണ്ടാ​യി​രു​ന്ന​തി​നാ​ൽ സ​യ​ൻ​സ്​ ഗ്രൂ​പ്​ എ​ടു​ത്താ​ണ്​ പ​ഠി​ച്ച​ത്.

പി​ന്നീ​ട്​ സു​ൽ​ത്താ​ൻ ബ​ത്തേ​രി ഏ​ഞ്ച​ൽ മേ​രി കോ​ള​ജി​ൽ​നി​ന്ന്​ ഡി.​ഫാം ഫ​സ്റ്റ്​ ക്ലാ​​സോ​ടെ പാ​സാ​യി. ശേ​ഷം മ​ല​പ്പു​റ​ത്ത്​ ഒ​രു ആ​ശു​പ​ത്രി ഫാ​ർ​മ​സി​യി​ൽ ജോ​ലി നോ​ക്കു​ന്ന​തി​നി​ട​യി​ലാ​ണ്​ നൃ​ത്ത​രം​ഗ​ത്ത്​ തു​ട​ര​ണ​മെ​ന്ന മോ​ഹം ക​ല​ശ​ലാ​യ​ത്. അ​തോ​ടെ ജോ​ലി ഉ​പേ​ക്ഷി​ച്ച്​ ആ​ർ.​എ​ൽ.​വി കോ​ള​ജി​ൽ ബി.​എ മോ​ഹി​നി​യാ​ട്ടം പ​ഠി​ക്കാ​ൻ ചേ​ർ​ന്നു. നാ​ലാം റാ​ങ്കോ​ടെ ബി​രു​ദം പാ​സാ​യ​പ്പോ​ൾ തു​ട​ർ​ന്ന്​ എം.​എ​ക്ക്. ഒ​ടു​വി​ൽ റാ​ങ്കി‍െൻറ മ​ധു​ര​വും.

വ​ള​രെ പ​രി​മി​ത​മാ​യ സാ​ഹ​ച​ര്യ​ങ്ങ​ളി​ൽ​നി​ന്നാ​ണ്​ വൈ​ഷ്ണ​വി റാ​ങ്കി​ലേ​ക്ക്​ പൊ​രു​തി​ക്ക​യ​റി​യ​ത്. ടാ​പ്പി​ങ്​ തൊ​ഴി​ലാ​ളി​യാ​യ പി​താ​വ്​ എ​ൻ. മോ​ഹ​ന​നും കോ​ഓ​പ​റേ​റ്റി​വ്​ സൊ​സൈ​റ്റി​യി​ൽ ജീ​വ​ന​ക്കാ​രി​യാ​യ മാ​താ​വ്​ സു​വ​ർ​ണ​രേ​ഖ​യും വൈ​ഷ്ണ​വി​യു​ടെ സ്വ​പ്ന​ങ്ങ​ൾ​ക്ക്​ ​ നി​റ​ഞ്ഞ പി​ന്തു​ണ​യു​മാ​യി കൂ​ടെ​നി​ന്നു. കു​ഞ്ഞു​ന്നാ​ൾ മു​ത​ൽ കു​റേ​ക്കാ​ലം വാ​ട​ക​വീ​ട്ടി​ലാ​യി​രു​ന്നു താ​മ​സം. നാ​ലാം വ​യ​സ്സു​മു​ത​ൽ നൃ​ത്തം ​ചെ​യ്യാ​ൻ താ​ൽ​പ​ര്യം കാ​ട്ടി​യ ഈ ​മി​ടു​ക്കി എ​ട്ടാം വ​യ​സ്സു മു​ത​ൽ ശാ​സ്ത്രീ​യ​മാ​യി നൃ​ത്തം അ​ഭ്യ​സി​ക്കാ​ൻ തു​ട​ങ്ങി​യി​രു​ന്നു. ര​ണ്ടാം ക്ലാ​സ്​ മു​ത​ൽ ഏ​ഴാം ക്ലാ​സ്​ വ​രെ ക​ലോ​ത്സ​വ​ങ്ങ​ളി​ൽ സാ​ന്നി​ധ്യ​മ​റി​യി​ച്ചു. ഹൈ​സ്കൂ​ൾ സ​മ​യ​ത്ത്​ പ​ക്ഷേ, ക​ലോ​ത്സ​വ​വേ​ദി​ക​ളി​ൽ മ​ത്സ​രി​ച്ചി​രു​ന്നി​ല്ല. സ്കൂ​ൾ ത​ല സെ​ല​ക്​​ഷ​നു​ക​ളൊ​ക്കെ ഏ​ക​പ​ക്ഷീ​യ​മാ​യി മാ​റി​യ​തോ​ടെ ഉ​ണ്ടാ​യ മ​ടു​പ്പി​ൽ​നി​ന്നാ​യി​രു​ന്നു ആ ​പി​ന്മാ​റ്റ​മെ​ന്ന്​ വൈ​ഷ്ണ​വി പ​റ​ഞ്ഞു.

ന​ല്ലൊ​രു ഗാ​യി​ക​യു​മാ​ണ്​ വൈ​ഷ്ണ​വി. എ​ട്ടാം വ​യ​സ്സു​മു​ത​ൽ സം​ഗീ​തം അ​ഭ്യ​സി​ച്ചി​ട്ടു​ണ്ട്. ഡി.​ഫാ​മി​ന്​ പ​ഠി​ക്കു​ന്ന സ​മ​യ​ത്ത്​ ഡ​ൽ​ഹി​യി​ൽ ഒ​രു ആ​ഗോ​ള സാം​സ്​​കാ​രി​ക സം​ഗ​മ​ത്തി​ൽ നൃ​ത്ത​സം​ഘ​ത്തി‍െൻറ ഭാ​ഗ​മാ​കാ​ൻ തെ​ര​ഞ്ഞെ​ടു​ക്ക​പ്പെ​ട്ടി​രു​ന്നു. 10 ദി​വ​സ​ത്തെ പ്രോ​ഗ്രാ​മി​നി​ട​യി​ൽ മേ​തി​ൽ ദേ​വി​ക, വി​നീ​ത്​ എ​ന്നി​വ​ര​ട​ക്ക​മു​ള്ള​വ​രു​ടെ ശി​ക്ഷ​ണം ല​ഭി​ക്കാ​ൻ ക​ഴി​ഞ്ഞു.

ഇ​നി ​മോ​ഹി​നി​യാ​ട്ട​ത്തി​ൽ പി​എ​ച്ച്.​ഡി ചെ​യ്യ​ണ​മെ​ന്നാ​ണ്​ വൈ​ഷ്ണ​വി​യു​ടെ വ​ലി​യ ആ​ഗ്ര​ഹം. കാം​ബോ​ജി നാ​ട്യ​ക​ലാ സ​ര​സ്വ​തി​ക്ഷേ​​ത്ര എ​ന്ന പേ​രി​ൽ നൃ​ത്ത​വി​ദ്യാ​ല​യം തു​ട​ങ്ങി കു​ട്ടി​ക​ളെ പ​രി​ശീ​ലി​പ്പി​ക്കു​ന്നു​ണ്ട്. കോ​വി​ഡ്​ കാ​ല​ത്ത്​ ഓ​ൺ​ലൈ​നി​ലാ​ണ്​ ക്ലാ​സു​ക​ൾ. വ​യ​നാ​ട്ടി​ൽ ക​ല​യി​ൽ അ​തി ത​ൽ​പ​ര​രാ​യി​ട്ടും പ​രി​ശീ​ലി​ക്കാ​നാ​വാ​തെ ​പോ​കു​ന്ന​വ​ര​ട​ക്ക​മു​ള്ള ഒ​ട്ടേ​റെ കു​ട്ടി​ക​ളെ പ​ഠി​പ്പി​ക്ക​മെ​ന്നാ​ണ്​ ആ​ഗ്ര​ഹ​മെ​ന്നും വൈ​ഷ്ണ​വി പ​റ​ഞ്ഞു.