മ​ക​ളു​ടെ ആ​ത്മ​ഹ​ത്യ​ക്കു പി​ന്നി​ല്‍ ത​ട്ടി​പ്പു​സം​ഘ​മെ​ന്ന് മാ​താ​പി​താ​ക്ക​ള്‍

ക​ല്‍പ​റ്റ: പു​ല്‍പ​ള്ളി മ​ര​ക്ക​ട​വ് സ്വ​ദേ​ശി അ​തു​ല്യ വി​ത്സ​ൻ എ​റ​ണാ​കു​ളം പ​ച്ചാ​ള​ത്ത് വാ​ട​ക​വീ​ട്ടി​ല്‍ തൂ​ങ്ങി​മ​രി​ച്ച നി​ല​യി​ല്‍ ക​ണ്ട സം​ഭ​വ​ത്തി​ല്‍ വി​ദേ​ശ​ജോ​ലി വാ​ഗ്ദാ​നം ചെ​യ്ത് പ​ണം വാ​ങ്ങി ത​ട്ടി​പ്പു​ന​ട​ത്തി​യ ഭ​ര്‍ത്താ​വ് ഉ​ള്‍പ്പെ​ടു​ന്ന സം​ഘ​മാ​ണെ​ന്ന് പി​താ​വ് മ​ര​ക്ക​ട​വ് കി​ഴ​ക്ക​ഞ്ചേ​രി​യി​ല്‍ വി​ത്സ​ന്‍, ഭാ​ര്യ ഷൈ​നി എ​ന്നി​വ​ര്‍ വാ​ര്‍ത്ത​സ​മ്മേ​ള​ന​ത്തി​ല്‍ പ​റ​ഞ്ഞു.

ത​ട്ടി​പ്പു​സം​ഘം ഇ​ര​ക​ളി​ല്‍നി​ന്ന് അ​തു​ല്യ​യു​ടെ പേ​രി​ലു​ള്ള ബാ​ങ്ക് അ​ക്കൗ​ണ്ട് മു​ഖേ​ന പ​ണം കൈ​പ്പ​റ്റി​യി​രു​ന്നു. അ​തു​ല്യ​യു​ടെ അ​ക്കൗ​ണ്ടി​ലെ​ത്തു​ന്ന പ​ണം ത​ട്ടി​പ്പു​സം​ഘം മ​റ്റ് അ​ക്കൗ​ണ്ടു​ക​ളി​ലേ​ക്ക് മാ​റ്റു​ക​യാ​യി​രു​ന്നു. വി​ദേ​ശ ജോ​ലി വാ​ഗ്ദാ​നം ചെ​യ്ത് വാ​ങ്ങി​യ പ​ണ​ത്തി​ന് അ​തു​ല്യ​യു​ടെ മ​ര​ക്ക​ട​വ് വി​ലാ​സ​ത്തി​ലാ​ണ് ക​രാ​ര്‍ വെ​ച്ചി​രു​ന്ന​ത്. പ​ണം ന​ല്‍കി​യ​വ​ര്‍ ജോ​ലി​യും അ​തി​നാ​വ​ശ്യ​മാ​യ രേ​ഖ​ക​ളും കി​ട്ടാ​താ​യ​പ്പോ​ള്‍ അ​തു​ല്യ​യെ നി​ര​ന്ത​രം ഫോ​ണി​ല്‍ വി​ളി​ക്കാ​ന്‍ തു​ട​ങ്ങി. ഇ​തേ​ത്തു​ട​ര്‍ന്നു​ണ്ടാ​യ മാ​ന​സി​ക സ​മ്മ​ര്‍ദ​മാ​ണ് അ​ഞ്ച് വ​യ​സ്സു​ള്ള പെ​ണ്‍കു​ഞ്ഞി​ന്റെ മാ​താ​വാ​യ അ​തു​ല്യ​യെ ജീ​വ​നൊ​ടു​ക്കു​ന്ന​തി​ലേ​ക്ക് ന​യി​ച്ച​തെ​ന്നാ​ണ് ക​രു​തു​ന്ന​ത്.

സം​ഭ​വ​ത്തി​ല്‍ വി​ശ​ദാ​ന്വേ​ഷ​ണം ന​ട​ത്തി ത​ട്ടി​പ്പു​സം​ഘ​ത്തെ നി​യ​മ​ത്തി​നു മു​ന്നി​ല്‍ കൊ​ണ്ടു​വ​രാ​നും ജോ​ലി​ക്കു​വേ​ണ്ടി ന​ല്‍കി​യ പ​ണം ബ​ന്ധ​പ്പെ​ട്ട​വ​ര്‍ക്ക് തി​രി​കെ ല​ഭ്യ​മാ​ക്കാ​നും ന​ട​പ​ടി ആ​വ​ശ്യ​പ്പെ​ട്ട് പൊ​ലീ​സ് അ​ധി​കാ​രി​ക​ള്‍ക്കു​ൾ​പ്പെ​ടെ പ​രാ​തി ന​ല്‍കി​യ​താ​യി മാ​താ​പി​താ​ക്ക​ള്‍ പ​റ​ഞ്ഞു. മ​ര​ക്ക​ട​വി​ല്‍ താ​മ​സി​ക്കു​ന്ന കാ​സ​ർ​കോ​ട് സ്വ​ദേ​ശി​യാ​യ കൊ​ച്ചു​പു​ര​ക്ക​ല്‍ വി​പി​നാ​ണ് അ​തു​ല്യ​യു​ടെ ഭ​ര്‍ത്താ​വ്. അ​തു​ല്യ​യു​ടെ ഉ​ട​മ​സ്ഥ​ത​യി​ല്‍ ബ​ത്തേ​രി​യി​ല്‍ പ്ര​വ​ര്‍ത്തി​ച്ചി​രു​ന്ന സ്ഥാ​പ​നം മ​റ​യാ​ക്കി​യാ​ണ് ത​ട്ടി​പ്പു​സം​ഘം വി​ദേ​ശ ജോ​ലി വാ​ഗ്ദാ​നം ചെ​യ്ത് ആ​ളു​ക​ളി​ല്‍നി​ന്നു പ​ണം കൈ​പ്പ​റ്റി​യി​രു​ന്ന​ത്. ഒ​രു വ​ര്‍ഷം മു​മ്പ് ഈ ​സ്ഥാ​പ​നം പൂ​ട്ടാ​ന്‍ അ​തു​ല്യ നി​ര്‍ബ​ന്ധി​ത​യാ​യി. ഒ​മ്പ​ത് മാ​സം മു​മ്പാ​ണ് എ​റ​ണാ​കു​ള​ത്ത് സ്വ​കാ​ര്യ സ്ഥാ​പ​ന​ത്തി​ല്‍ അ​ക്കൗ​ണ്ട​ന്റാ​യി ജോ​ലി​ക്കു ക​യ​റി​യ​ത്.

ജോ​ലി​ക്കു​വേ​ണ്ടി പ​ണം ന​ല്‍കി​യ​വ​രു​ടേ​താ​യി ക​ണ്ണൂ​ര്‍, എ​റ​ണാ​കു​ളം, പാ​ല​ക്കാ​ട്, തൃ​ശൂ​ര്‍ ഉ​ള്‍പ്പെ​ടെ പ്ര​ദേ​ശ​ങ്ങ​ളി​ല്‍നി​ന്നു ഫോ​ണ്‍വി​ളി​ക​ള്‍ വ​രു​ന്നു​ണ്ട്. ത​ട്ടി​പ്പി​ന്റെ വ്യാ​പ്തി​യി​ലേ​ക്കാ​ണ് ഇ​ത് വി​ര​ല്‍ ചൂ​ണ്ടു​ന്ന​ത്. പ​ല​രും പൊ​ലീ​സി​ല്‍ പ​രാ​തി ന​ല്‍കി​യ​താ​യി വി​വ​ര​മു​ണ്ട്. അ​തു​ല്യ​യു​ടെ അ​ക്കൗ​ണ്ടി​ല്‍ എ​ത്തു​ക​യും ട്രാ​ന്‍സ്ഫ​ര്‍ ചെ​യ്യു​ക​യും ചെ​യ്ത പ​ണ​ത്തി​ന്റെ വി​വ​രം അ​റി​യു​ന്ന​തി​ന് ബാ​ങ്കി​ല്‍ ബ​ന്ധ​പ്പെ​ട്ടെ​ങ്കി​ലും ല​ഭി​ച്ചി​ല്ല. അ​ക്കൗ​ണ്ടി​ല്‍ 4,000 രൂ​പ ബാ​ല​ന്‍സു​ണ്ടെ​ന്ന വി​വ​രം മാ​ത്ര​മാ​ണ് ഉ​ദ്യോ​ഗ​സ്ഥ​ര്‍ വെ​ളി​പ്പെ​ടു​ത്തി​യ​തെ​ന്നും ഇ​വ​ർ പ​റ​ഞ്ഞു.