ബത്തേരി ഗാന്ധി ജങ്ഷനിലെ ഓവുചാൽ നിർമാണം ഇഴയുന്നു

സു​ൽ​ത്താ​ൻ ബ​ത്തേ​രി: ചു​ള്ളി​യോ​ട് റോ​ഡി​ൽ ഗാ​ന്ധി ജ​ങ്ഷ​നി​ലെ ഓ​വു​ചാ​ൽ നി​ർ​മാ​ണം ഇ​ഴ​യു​ന്നു. ബ​സ് സ്റ്റാ​ൻ​ഡി​ന്‍റെ ഭാ​ഗ​ത്തേ​ക്ക് പോ​കു​മ്പോ​ൾ വ​ല​തു​വ​ശ​ത്താ​ണ് സ്ലാ​ബ് വാ​ർ​പ്പ് ന​ട​ക്കു​ന്ന​ത്. എ​ന്നാ​ൽ, ഇ​ട​തു​വ​ശ​ത്ത് 100 മീ​റ്റ​റോ​ളം ഭാ​ഗ​ത്ത് പ​ഴ​യ സ്ലാ​ബ് പൊ​ളി​ച്ചി​ട്ട​ത​ല്ലാ​തെ പ​ണി തു​ട​ങ്ങി​യി​ട്ടി​ല്ല.

ഫെ​ഡ​റ​ൽ ബാ​ങ്ക് മു​ത​ൽ വ​ൺ​വേ റോ​ഡ് വ​രെ ഓ​വു​ചാ​ലി​ന്‍റെ തു​റ​ന്നു​കി​ട​ക്കു​ന്ന മി​ക്ക​യി​ട​ത്തും മ​ലി​ന​ജ​ലം കെ​ട്ടി​ക്കി​ട​ക്കു​ന്ന​ത് യാ​ത്ര​ക്കാ​ർ​ക്കും വ്യാ​പാ​രി​ക​ൾ​ക്കും പ്ര​യാ​സ​മു​ണ്ടാ​ക്കു​ക​യാ​ണ്.ചെ​റി​യ മ​ഴ​യ​ത്തും ഗാ​ന്ധി ജ​ങ്ഷ​ൻ വെ​ള്ള​ത്തി​ന​ടി​യി​ലാ​കാ​റു​ണ്ട്. ഇ​തൊ​ഴി​വാ​ക്കാ​നാ​ണ് ഓ​വു​ചാ​ൽ ന​വീ​ക​രി​ക്കു​ന്ന​ത്.

ബൈ​പാ​സ് റോ​ഡ് മു​ത​ൽ റ​ഹീം മെ​മ്മോ​റി​യ​ൽ വ​ൺ​വേ റോ​ഡ് വ​രെ​യാ​ണ് പ​ണി തു​ട​ങ്ങി​വെ​ച്ചി​ട്ടു​ള്ള​ത്. വ​ള​രെ കു​റ​ച്ച് തൊ​ഴി​ലാ​ളി​ക​ൾ മാ​ത്ര​മാ​ണു​ള്ള​ത്. കൂ​ടു​ത​ൽ നി​ർ​മാ​ണ​വും രാ​ത്രി​യാ​ണ്. സു​ൽ​ത്താ​ൻ ബ​ത്തേ​രി ന​ഗ​ര​ത്തി​ൽ ഏ​റ്റ​വും താ​ഴ്ന്ന പ്ര​ദേ​ശ​മാ​ണ് ഗാ​ന്ധി ജ​ങ്ഷ​ൻ. അ​തി​നാ​ൽ ന​ഗ​ര​ത്തി​ലെ വി​വി​ധ ഇ​ട​ങ്ങ​ളി​ൽ​നി​ന്നു​ള്ള മാ​ലി​ന്യം ഇ​വി​ടെ ഒ​ഴു​കി​യെ​ത്തും.