തുറവൂർ: മുതുകിൽ പുഴു ഉണ്ടെന്ന് പറഞ്ഞ് ശ്രദ്ധതെറ്റിച്ച് കാൽനടയാത്രക്കാരിയുടെ സ്വർണമാല കവർന്നയാൾ പിടിയിൽ. വയോധികയുടെ ഒന്നേമുക്കാൽ പവൻ സ്വർണമാല കവർന്ന് സ്കൂട്ടറിൽ കടന്നുകളഞ്ഞ അരൂർ പഞ്ചായത്ത് ഒമ്പതാം വാർഡ് കിഴക്കേ പണ്ടാരകാട്ടിൽ അൻസാറാണ് (42) പിടിയിലായത്. കുത്തിയതോട് പൊലീസാണ് പ്രതിയെ പിടികൂടിയത്.
ആലയ്ക്കാപറമ്പിൽ കോലത്തുപറമ്പ് ആനിയുടെ മാലയാണ് ഇയാൾ മോഷ്‌ടിച്ചത്. കഴിഞ്ഞ പത്താം തീയതി തുറവൂർ മഹാക്ഷേത്രത്തിനു തെക്കുവശം ഇടുങ്ങിയ റോഡിലൂടെ നടന്നു പോകുന്നതിനിടെ സ്‌കൂട്ടറിലെത്തിയ അൻസാർ, ആനിയുടെ മുതുകിൽ പുഴു ഇരിക്കുന്നതായി പറയുകയായിരുന്നു. ഇവർ പിന്നിലേക്ക് നോക്കുന്നതിനിടെ മാല പൊട്ടിച്ചു സ്കൂട്ടർ ഓടിച്ചുപോയി.
മോഷ്ടിച്ച ശേഷം പണയം വെച്ച മാല പിന്നീട് പൊലീസ് കണ്ടെടുത്തു. പ്രതിയെ ചേർത്തല ജുഡീഷ്യൽ ഒന്നാം ക്ലാസ്സ് മജിസ്ട്രേറ്റ് കോടതിയിൽ ഹാജരാക്കി. കുത്തിയതോട് സ്റ്റേഷൻ ഓഫിസർ അജയ് മോഹന്റെ നേതൃത്വത്തിലുള്ള പൊലീസ് സംഘമാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.