പ്രവീണ്‍
ശ്രീകണ്ഠപുരം: ഭര്‍തൃമതിയായ യുവതിയുടെ നഗ്നചിത്രം മൊബൈല്‍ ഫോണിലൂടെ പ്രചരിപ്പിച്ച യുവാവിനെ കുടിയാന്മല എസ്.ഐ ജെ. പ്രദീപും സംഘവും അറസ്റ്റുചെയ്തു. കര്‍ണാടക കൊപ്പാല്‍ ഹനംസാഗറിലെ എസ്.എ. പ്രവീണിനെയാണ്(26) അറസ്റ്റുചെയ്തത്.
ചെമ്പേരിക്കടുത്ത 24കാരിയുടെ പരാതിയിലാണ് അറസ്റ്റ്. 2017ല്‍ യുവതി കര്‍ണാടകയില്‍ പഠനത്തിന് പോയിരുന്നു. അവിടെ വെച്ച് പ്രവീണുമായി പരിചയപ്പെട്ടുവത്രെ. ആ സമയം പ്രവീണ്‍ യുവതിയുടെ ഫോട്ടോയെടുത്തിരുന്നു. പിന്നീട് യുവതി വിവാഹിതയായി. ആ വിരോധത്തിന് ഫോട്ടോ മോര്‍ഫ് ചെയ്ത് നഗ്നചിത്രങ്ങള്‍ പ്രചരിപ്പിച്ചുവെന്നായിരുന്നു പരാതി.
കര്‍ണാടകയിലെ സമ്പന്ന കുടുംബാംഗമാണ് പ്രവീണ്‍. ഇയാളെ പിടികൂടാന്‍ കര്‍ണാടക പൊലീസിെൻറ സഹായം തേടിയെങ്കിലും അവര്‍ സഹകരിച്ചില്ല.
ഇതേത്തുടര്‍ന്ന് തളിപ്പറമ്പ് ഡിവൈ.എസ്.പി ടി.കെ. രത്‌നകുമാര്‍ പ്രത്യേക സംഘത്തെ പ്രതിയെ പിടികൂടാന്‍ നിയോഗിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.