ഡിയോൺ ബിനോയി
അടിമാലി: കുത്തിറക്കവും കൊടുംവളവും നിറഞ്ഞ റോഡിൽ നിയന്ത്രണംവിട്ട സ്കൂട്ടർ കൊക്കയിലേക്ക് മറിഞ്ഞ് യുവാവ് മരിച്ചു. കോതമംഗലം പെരുമണ്ണൂർ കിഴക്കേഭാഗത്ത് വീട്ടിൽ ഡിയോൺ ബിനോയിയാണ് (24) മരിച്ചത്.
ചെമ്മണ്ണാർ-ഗ്യാപ് റോഡിൽനിന്ന് ഇറങ്ങിവരുമ്പോൾ ബൈസൺവാലി ചൊക്രമുടിക്ക് സമീപം ചൊവ്വാഴ്ച രാവിലെ 11നാണ് അപകടം. കോതമംഗലത്തുനിന്ന് മൂന്നാറിൽ വിനോദസഞ്ചാരത്തിന് എത്തിയതായിരുന്നു ഡിയോണും സുഹൃത്ത് വിശാഖും.
ബൈസൺവാലി ചൊക്രമുടിക്ക് സമീപം മറിഞ്ഞ സ്കൂട്ടർ, മരിച്ച ഡിയോൺ ബിനോയി
നിയന്ത്രണം നഷ്ടപ്പെട്ട സ്കൂട്ടർ കൊടുംവളവ് തിരിയാതെ 30 അടി താഴ്ചയിലേക്ക് പതിക്കുകയായിരുന്നു. ശബ്ദം കേട്ട് ഓടിക്കൂടിയ നാട്ടുകാർ ഇരുവരെയും അടിമാലി ആശുപത്രിയിൽ എത്തിച്ച് പ്രാഥമിക ചികിത്സ നൽകിയ ശേഷം കോതമംഗലം ആശുപത്രിയിലേക്ക് കൊണ്ടുപോയി.
കോതമംഗലത്തുവെച്ചാണ് ഡിയോൺ മരിച്ചത്. കൂടെയുണ്ടായിരുന്ന സുഹൃത്ത് കോതമംഗലം കുത്തുകുഴി കല്ലായികുന്നത്ത് വിശാഖ് രാജൻ (25) ആലുവയിലെ സ്വകാര്യ ആശുപത്രിയിൽ ചികിത്സയിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.