ലൈം​ഗി​കാ​തി​ക്ര​മ​​ത്തെ തു​ട​ർ​ന്ന്​ മ​നോ​നി​ല തെ​റ്റി; പെൺകുട്ടിയെ ചികിത്സിക്കാൻ കോടതി ഉത്തരവ്

തി​രു​വ​ന​ന്ത​പു​രം: 'എ​നി​ക്ക് ക​രാ​ട്ടേ പ​ഠി​ക്ക​ണം, എ​ന്നെ പി​ടി​ച്ച​വ​നെ ഇ​ടി​ക്ക​ണം'.... ഇ​നി​യും എ​ന്തൊ​ക്കെ​യോ പ​റ​യ​ണ​മെ​ന്നു​ണ്ടെ​ങ്കി​ലും അ​വ​ളു​ടെ ശ​ബ്ദം ഇ​ട​റി. ത​ന്‍റെ ജീ​വി​തം ത​ക​ർ​ത്ത അ​തി​ക്ര​മം ഓ​ർ​ത്ത് അ​വ​ൾ നി​ശ​ബ്ദ​യാ​യി.

തി​രു​വ​ന​ന്ത​പു​രം അ​തി​വേ​ഗ സ്പെ​ഷ​ൽ കോ​ട​തി​യി​ലാ​യി​രു​ന്നു വൈ​കാ​രി​ക​മാ​യ ഈ ​നി​മി​ഷ​ങ്ങ​ൾ. പോ​ക്സോ കേ​സി​ൽ മൊ​ഴി ന​ൽ​കാ​ൻ എ​ത്തി​യ, ലൈം​ഗി​കാ​തി​ക്ര​മ​​ത്തെ തു​ട​ർ​ന്ന്​ മ​നോ​നി​ല തെ​റ്റി​യ പെ​ൺ​കു​ട്ടി​യു​ടേ​താ​യി​രു​ന്നു ഈ ​വാ​ക്കു​ക​ൾ. കോ​ട​തി​യു​ടെ സാ​ക്ഷി​ക്കൂ​ട്ടി​ൽ​നി​ന്ന് ഒ​ന്നും പ​റ​യാ​നാ​കാ​തെ അ​വ​ൾ വി​തു​മ്പി. സം​ഭ​വ​ത്തെ​ക്കു​റി​ച്ച് ജ​ഡ്ജി ആ​ർ. ജ​യ​കൃ​ഷ്ണ​ൻ ചോ​ദി​ച്ച​പ്പോ​ഴാ​ണ് ഇ​ത്ര​യും പ​റ​ഞ്ഞ​ത്. മ​നോ​നി​ല ത​ക​ർ​ന്ന പെൺകുട്ടിക്ക്​ വി​ദ​ഗ്​​ധ ചി​കി​ത്സ ആ​വ​ശ്യ​മു​ണ്ടെ​ന്ന് സ്പെ​ഷ​ൽ പ​ബ്ലി​ക്ക് പ്രോ​സി​ക്യൂ​ട്ട​ർ ആ​ർ.​എ​സ്. വി​ജ​യ് മോ​ഹ​ൻ കോ​ട​തി​യോ​ട് ആ​വ​ശ്യ​പ്പെ​ട്ടു. ഇ​ത് പ​രി​ഗ​ണി​ച്ച് ഇ​ര​ക്ക്​ അ​ടി​യ​ന്ത​ര ചി​കി​ത്സ ന​ൽ​ക​ണ​മെ​ന്ന് കോ​ട​തി ഉ​ത്ത​ര​വി​ട്ടു.

മെ​ഡി​ക്ക​ൽ കോ​ള​ജി​ലെ സൈ​ക്കാ​ട്രി വി​ഭാ​ഗ​ത്തി​ൽ ചി​കി​ത്സ ന​ട​ത്താ​ൻ വേ​ണ്ട ന​ട​പ​ടി​ക​ൾ എ​ടു​ക്ക​ണ​മെ​ന്നും നി​ർ​ദേ​ശി​ച്ചു.2013 ൽ ​ആ​റാം ക്ലാ​സി​ൽ പ​ഠി​ക്കു​മ്പോ​ഴാ​ണ് ഈ ​പ​തി​ന​ഞ്ചു​കാ​രി​യു​ടെ ജീ​വി​തം മാ​റി​മ​റി​ഞ്ഞ​ത്. ജ​ന്മ​നാ മാ​ന​സി​ക​വെ​ല്ലു​വി​ളി നേ​രി​ടു​ന്ന കു​ട്ടി​യെ സ​മീ​പ​വാ​സി​ക​ളാ​യ ര​ണ്ടു​പേ​ർ ബ​ലാ​ത്സം​ഗം ചെ​യ്തു. മാ​ന​സി​ക വെ​ല്ലു​വി​ളി​യു​ള്ള മാ​താ​വ്​ ത​ട​ഞ്ഞി​ട്ടും പ്ര​തി​ക​ൾ ഈ ​പെ​ൺ​കു​ട്ടി​യെ വെ​റു​തെ വി​ട്ടി​ല്ല. ശ്ര​മം എ​തി​ർ​ത്ത​പ്പോ​ൾ ക്രൂ​ര​മാ​യി മ​ർ​ദ​ന​വു​മേ​റ്റു.

ഈ ​സം​ഭ​വ​ത്തി​നു​ശേ​ഷം കു​ട്ടി​യു​ടെ മാ​ന​സി​ക​നി​ല കൂ​ടു​ത​ൽ ത​ക​ർ​ന്നു. മാ​താ​വും 90 വ​യ​സ്സാ​യ അ​മ്മൂ​മ്മ​യും മാ​ത്ര​മാ​ണ് ഏ​ക ആ​ശ്ര​യം. കു​ട്ടി​യെ ചി​കി​ത്സ​ക്ക് കൊ​ണ്ടു​പോ​കാ​ൻ ആ​രു​മി​ല്ല. അ​തി​നു​ള്ള സാ​മ്പ​ത്തി​ക സ്ഥി​തി​യു​മി​ല്ല. കു​റ​ച്ച് വ​ർ​ഷ​ങ്ങ​ളാ​യി സം​സാ​രി​ക്കു​ന്നി​ല്ല.

കു​ട്ടി​യെ ചി​കി​ത്സി​ക്കാ​ൻ അ​യ​ക്ക​ണോ​യെ​ന്ന് മാ​താ​വി​നോ​ടും അ​മ്മൂ​മ്മ​യോ​ടും കോ​ട​തി ആ​രാ​ഞ്ഞ​പ്പോ​ൾ ഇ​രു​വ​രും സ​മ്മ​തി​ച്ചു. തു​ട​ർ​ന്ന് കു​ട്ടി​ക്ക് ചി​കി​ത്സ​ക്ക് വേ​ണ്ട സ​ഹാ​യം ന​ൽ​ക്കാ​ൻ കോ​ട​തി പൂ​ജ​പ്പു​ര പൊ​ലീ​സി​ന് നി​ർ​ദേ​ശം ന​ൽ​കി.