അർജുനെ കണ്ടെത്താൻ അമ്മ ഷീല പോരാടിയത് രോഗശയ്യയിൽനിന്ന്

കോ​ഴി​ക്കോ​ട്: ജീ​വ​നോ​ടെ​യ​ല്ലെ​ങ്കി​ലും അ​ർ​ജു​നെ തി​രി​ച്ചു​കി​ട്ടാ​ൻ അ​മ്മ ഷീ​ല​ക്ക് രോ​ഗ​ശ​യ്യ​യി​ൽ കി​ട​ന്ന് പോ​രാ​ടേ​ണ്ടി​വ​ന്ന​ത് മാ​സ​ങ്ങ​ൾ. ജൂ​ലൈ 16ന് ​ഷി​രൂ​രി​ൽ മ​ണ്ണി​ടി​ച്ചി​ലു​ണ്ടാ​യ വി​വ​രം അ​റി​ഞ്ഞ അ​ന്നു​മു​ത​ൽ ആ​ശ​ങ്ക​യി​ലാ​യ കു​ടും​ബം പി​റ്റേ​ന്ന് ചേ​വാ​യൂ​ർ പൊ​ലീ​സി​ൽ പ​രാ​തി ന​ൽ​കി. മ​ക​നെ ക​ണ്ടെ​ത്താ​നു​ള്ള ഒ​രു​നീ​ക്ക​വും ഇ​ല്ലാ​തി​രു​ന്ന​തി​നാ​ൽ എം.​കെ. രാ​ഘ​വ​ൻ എം.​പി​യു​ടെ ഓ​ഫി​സി​ലെ​ത്തി പ​രാ​തി ന​ൽ​കി​യ​തോ​ടെ​യാ​ണ് അ​ങ്കോ​ള സ്റ്റേ​ഷ​നി​ൽ കാ​ണാ​താ​യ പ​രാ​തി​പോ​ലും സ്വീ​ക​രി​ച്ച​ത്. ഓ​രോ ദി​വ​സ​വും തി​ര​ച്ചി​ൽ ​വൈ​കി​യ​തോ​ടെ ഷീ​ല​യു​ടെ മ​ന​സ്സ് പി​ട​ഞ്ഞു. ത​ന്റെ അ​വ​സ്ഥ ആ​ർ​ക്കും വ​ര​രു​തെ​ന്നു​പ​റ​ഞ്ഞ ഷീ​ല കേ​ന്ദ്ര, സം​സ്​​ഥാ​ന സ​ർ​ക്കാ​റു​ക​ളി​ലു​ള്ള വി​ശ്വാ​സം ന​ഷ്ട​പ്പെ​ടു​ക​യാ​ണെ​ന്നു​വ​രെ പ​റ​ഞ്ഞു. കാ​ണാ​താ​യി അ​ഞ്ചു​ദി​വ​സം ക​ഴി​ഞ്ഞി​ട്ടും സൈ​ന്യ​ത്തെ ഇ​റ​ക്കാ​ത്ത​ത് ചോ​ദ്യം ചെ​യ്ത് പ്ര​ധാ​ന​മ​ന്ത്രി​ക്കും മു​ഖ്യ​മ​ന്ത്രി​ക്കും ഇ-​മെ​യി​ൽ സ​ന്ദേ​ശ​മ​യ​ച്ചു.

തി​ര​ച്ചി​ൽ സ​ർ​ക്കാ​ർ നി​ർ​ത്തി​വെ​ച്ച​തി​നെ​തി​രെ പ്ര​തി​ക​രി​ച്ച അ​ർ​ജു​ന്റെ മാ​താ​വി​ന് സ​മൂ​ഹം ഒ​ന്ന​ട​ങ്കം ചെ​വി​കൊ​ടു​ത്തു. ‘‘എ​ന്റെ മ​ന​സ്സി​ലെ അ​വ​സ്ഥ എ​ന്താ​ണെ​ന്നു​പോ​ലും എ​നി​ക്ക​റി​യി​ല്ല, ക​ർ​ണാ​ട​ക​യി​ലെ ര​ക്ഷാ​സം​വി​ധാ​ന​ത്തി​ൽ വി​ശ്വാ​സം ന​ഷ്ട​പ്പെ​ട്ടു. അ​വ​ൻ എ​വി​ടെ​യോ കു​ടു​ങ്ങി​ക്കി​ട​ക്കു​ക​യാ​ണെ​ന്ന അ​വ​സ്ഥ ഓ​ർ​ക്കു​​മ്പോ​ൾ പെ​ട്ടെ​ന്ന് ഭ​യം വ​രു​ക​യാ​ണ്. ര​ക്ഷ​ക്കു​വേ​ണ്ടി അ​വ​ൻ വി​ളി​ച്ചു കൂ​വു​ക​യോ ആ​ർ​ക്കു​ക​യോ എ​ന്തൊ​ക്കെ​യോ ചെ​യ്യു​ന്നു​ണ്ടാ​വും. ആ​രും അ​റി​യു​ന്നു​ണ്ടാ​വി​ല്ല. ആ​രെ​ങ്കി​ലും ഇ​പ്പം​വ​രും ഇ​പ്പം​വ​രും എ​ന്ന് ബോ​ധം​പോ​കും​വ​രെ ചി​ന്തി​ക്കു​ന്നു​ണ്ടാ​കും’’ -ഷീ​ല​യു​ടെ ഓ​രോ​വാ​ക്കും മ​ല​യാ​ളി​ക​ളു​ടെ ഉ​ള്ളു​ല​ച്ചു.

ക​ഴി​ഞ്ഞ ഏ​​പ്രി​ലി​ൽ അ​പ​സ്മാ​ര​ത്തെ​ത്തു​ട​ർ​ന്നു​ള്ള വീ​ഴ്ച​മൂ​ലം ത​ല​ക്ക് പ​രി​ക്കേ​റ്റ് ഷീ​ല ചി​കി​ത്സ​യി​ലാ​യി​രു​ന്നു. അ​ർ​ജു​ന്റെ അ​വ​ധി​നോ​ക്കി ശ​സ്ത്ര​ക്രി​യ ന​ട​ത്തി വി​ശ്ര​മി​ക്കു​ന്ന​തി​നി​ടെ​യാ​ണ് മ​ണ്ണി​ടി​ച്ചി​ലി​ൽ അ​ർ​ജു​നെ കാ​ണാ​താ​വു​ന്ന​ത്. ഇ​തോ​ടെ രോ​ഗം മു​ർ​ച്ഛി​ച്ചു. ത​ല​വേ​ദ​ന കൂ​ടാ​തി​രി​ക്കാ​ൻ ബ​ന്ധു​ക്ക​ൾ ന​ന​ഞ്ഞ തു​ണി കെ​ട്ടി​ക്കൊ​ടു​ക്കു​മെ​ന്ന​ല്ലാ​തെ ആ​ധി​യും വേ​ദ​ന​യും കൂ​ടി​വ​ന്ന​തേ​യു​ള്ളൂ. കേ​ര​ള​ത്തി​ലെ സ​ന്ന​ദ്ധ​പ്ര​വ​ർ​ത്ത​ക​രെ​യും ബ​ന്ധു​ക്ക​ളെ​യും ക​ട​ക്കാ​ൻ അ​നു​വ​ദി​ക്കാ​ത്ത​തി​നെ​യും ചോ​ദ്യം ചെ​യ്യേ​ണ്ടി​വ​ന്നു ഷീ​ല​ക്ക്.

മാ​ധ്യ​മ​ങ്ങ​ളു​ടെ മു​ന്നി​ൽ ഒ​രി​ക്ക​ൽ​പോ​ലും ക​ര​യാ​തെ പി​ടി​ച്ചു നി​ന്ന ഷീ​ല മു​ങ്ങ​ൽ വി​ദ​ഗ്ധ​ൻ ഈ​ശ്വ​ർ മ​ൽ​പെ അ​ർ​ജു​നെ കാ​ണാ​താ​യി 34ാം ദി​വ​സം വീ​ട്ടി​ലെ​ത്തി​യ​പ്പോ​ൾ എ​ല്ലാ നി​യ​ന്ത്ര​ണ​വും വി​ട്ട് പൊ​ട്ടി​ക്ക​ര​ഞ്ഞു.