കൂടുതൽ തുറമുഖങ്ങളിൽ സ്വകാര്യ പങ്കാളിത്തത്തിന്​ നീക്കം

തി​രു​വ​ന​ന്ത​പു​രം: സം​സ്ഥാ​ന​​ത്തെ കൂ​ടു​ത​ൽ തു​റ​മു​ഖ​ങ്ങ​ൾ സ്വ​കാ​ര്യ പ​ങ്കാ​ളി​ത്ത​ത്തോ​ടെ വി​ക​സി​പ്പി​ക്കാ​ൻ​ നീ​ക്കം. ബേ​പ്പൂ​ർ, അ​ഴി​ക്ക​ൽ, കൊ​ല്ലം തു​റ​മു​ഖ​ങ്ങ​ളി​ൽ പി.​പി.​പി (പൊ​തു, സ്വ​കാ​ര്യ പ​ങ്കാ​ളി​ത്തം) മാ​തൃ​ക​യി​ൽ വി​ക​സ​ന​ത്തി​ന്​ അ​നു​മ​തി തേ​ടി മാ​രി​ടൈം​ ബോ​ർ​ഡ്​ സ​ർ​ക്കാ​റി​നെ സ​മീ​പി​ക്കും.

പൊ​ന്നാ​നി തു​റ​മു​ഖം ​പി.​പി.​പി മാ​തൃ​ക​യി​ൽ വി​ക​സി​പ്പി​ക്കാ​ൻ മാ​രി​ടൈം ​ബോ​ർ​ഡി​ന്​ സ​ർ​ക്കാ​ർ ക​ഴി​ഞ്ഞ 14ന്​ ​അ​നു​മ​തി ന​ൽ​കി​യി​രു​ന്നു. താ​ൽ​പ​ര്യ​പ​ത്രം ക്ഷ​ണി​ക്കു​ന്ന​ത​ട​ക്കം ന​ട​പ​ടി​ക​ളു​മാ​യി മു​ന്നോ​ട്ടു​പോ​കാ​നും ബോ​ർ​ഡ്​ സി.​ഇ.​ഒ​ക്ക്​ അ​നു​വാ​ദം ന​ൽ​കി​യി​ട്ടു​ണ്ട്.

പൊ​ന്നാ​നി തു​റ​മു​ഖം ബി.​ഒ.​ടി വ്യ​വ​സ്ഥ​യി​ൽ വി​ക​സി​പ്പി​ക്കു​ന്ന​തി​ന്​ മ​ല​ബാ​ർ പോ​ർ​ട്​​സ്​ പ്രൈ​വ​റ്റ്​ ലി​മി​റ്റ​ഡു​മാ​യി ക​രാ​ർ ഉ​ണ്ടാ​ക്കി​യി​രു​ന്നെ​ങ്കി​ലും ല​ക്ഷ്യ​മി​ട്ട​പോ​ലെ കാ​ര്യ​ങ്ങ​ൾ മു​ന്നോ​ട്ടു​പോ​കാ​ത്ത​തി​നാ​ൽ ക​രാ​ർ റ​ദ്ദാ​ക്കു​ക​യാ​യി​രു​ന്നു.

സം​സ്ഥാ​ന സ​ർ​ക്കാ​റി​ന്‍റെ സാ​മ്പ​ത്തി​ക സ്ഥി​തി ചെ​റു​കി​ട-​ഇ​ട​ത്ത​രം തു​റ​മു​ഖ​ങ്ങ​ളു​ടെ വി​ക​സ​ന​ത്തി​ന്​ ആ​വ​ശ്യാ​നു​സൃ​തം പ​ണം ചെ​ല​വി​ടാ​ൻ ക​ഴി​യാ​ത്ത സാ​ഹ​ച​ര്യം സൃ​ഷ്ടി​ക്കു​ന്നു​ണ്ട്. കൂ​ടു​ത​ൽ ഫ​ണ്ട്​ കേ​​ന്ദ്ര​ത്തി​ൽ​നി​ന്ന്​ ല​ഭി​ക്കു​ന്ന​തി​നും പ​രി​മി​തി​ക​ളു​​ണ്ട്.

ഈ ​സാ​ഹ​ച​ര്യ​ത്തി​ലാ​ണ്​ തു​റ​മു​ഖ​ങ്ങ​ളു​​ടെ വി​ക​സ​ന​ത്തി​ന്​ പൊ​തു, സ്വ​കാ​ര്യ പ​ങ്കാ​ളി​ത്തം വ്യാ​പ​ക​മാ​ക്കാ​നു​ള്ള ആ​ലോ​ച​ന.

സാ​ഗ​ർ​മാ​ല പ​ദ്ധ​തി പ്ര​കാ​രം കേ​ന്ദ്ര​ത്തി​ൽ​നി​ന്ന്​ തു​റ​മു​ഖ പ​ദ്ധ​തി​ക​ളി​ൽ 50 ശ​ത​മാ​നം സാ​മ്പ​ത്തി​ക സ​ഹാ​യം ല​ഭി​ക്കു​മെ​​ങ്കി​ലും വി​ക​സ​ന ആ​വ​ശ്യ​ങ്ങ​ൾ​ക്ക്​ ഇ​തു പ​ര്യാ​പ്​​ത​മ​ല്ല. തു​റ​മു​ഖ പ​ദ്ധ​തി​ക​ളി​ൽ നൂ​റു​ശ​ത​മാ​നം സാ​മ്പ​ത്തി​ക സ​ഹാ​യം ന​ൽ​കാ​നാ​വി​​ല്ലെ​ന്ന്​ കേ​ന്ദ്രം വ്യ​ക്ത​മാ​ക്കി​യി​ട്ടു​മു​ണ്ട്. ഈ ​സാ​ഹ​ച​ര്യ​ത്തി​ലാ​ണ്​ വി​വി​ധ തു​റ​മു​​ഖ​ങ്ങ​ളു​ടെ വി​ക​സ​ന​ത്തി​ന്​ സ്വ​കാ​ര്യ പ​ങ്കാ​ളി​ത്ത​ത്തി​നു വ​ഴി തേ​ടു​ന്ന​ത്.

വി​ഴി​ഞ്ഞം തു​റ​മു​ഖം സ്വ​കാ​ര്യ പ​ങ്കാ​ളി​ത്ത​ത്തോ​ടെ ഉ​ദ്​​ഘാ​ട​ന സ​ജ്ജ​മാ​വു​ന്ന ഘ​ട്ട​ത്തി​ൽ സം​സ്ഥാ​ന​ത്തെ മ​റ്റു തു​റ​മു​ഖ​ങ്ങ​​ളും വി​ക​സി​പ്പി​ക്കേ​ണ്ട​ത്​ അ​നി​വാ​ര്യ​മാ​ണെ​ന്നാ​ണ്​ സ​ർ​ക്കാ​ർ നി​ല​പാ​ട്​. സ്വ​കാ​ര്യ പ​ങ്കാ​ളി​ത്ത​ത്തോ​ടെ​യു​ള്ള നി​ർ​മാ​ണ പ്ര​വ​ർ​ത്ത​ന​ങ്ങ​ൾ, ന​ട​ത്തി​പ്പ്, ച​ര​ക്കു​നീ​ക്കം എ​ന്നി​വ സ​മ​യ​ബ​ന്ധി​ത​മാ​യി ന​ട​പ്പാ​ക്കാ​നാ​വു​മെ​ന്നാ​ണ് സം​സ്ഥാ​ന​ത്തെ തു​റ​മു​ഖ​ങ്ങ​ളു​ടെ ചു​മ​ത​ല​യു​ള്ള​ കേ​ര​ള മാ​രി​ടൈം ബോ​ർ​ഡ്​ വി​ല​യി​രു​ത്ത​ൽ.