മലപ്പുറം: കേരള മാപ്പിള കലാ അക്കാദമി ചെയര്‍മാനും മുസ്‌ലിം ലീഗ് നേതാവും പ്രഭാഷകനുമായിരുന്ന പി.എച്ച്. അബ്ദുള്ള മാസ്റ്റർ നിര്യാതനായി. പരേതനായ ആക്കോട് ചണ്ണയിൽ പാലത്തിങ്ങൽ ഹസ്സന്റെ പുത്രനും ഹരിത മുൻ സംസ്ഥാന പ്രസിഡന്റും എം.എസ്.എഫ് സംസ്ഥാന ഭാരവാഹിയുമായ ആയിഷ ബാനുവിന്റെ പിതാവുമാണ്.
പരേതനായ പി.കെ. മുഹമ്മദ് ഹാജി ആക്കോടിന്‍റെ നേതൃത്വത്തിൽ ആരംഭിച്ച രാമനിലയം കരാറിനെതിരെയുള്ള രണ്ടാം ചാലിയാർ സമരത്തിൽ സജീവമായിരുന്നു അബ്ദുള്ള മാസ്റ്റർ.
രാവിലെ 10 മണി വരെ വസതിയിലും തുടർന്ന് കാരാട് ഇ.കെ. ഓഡിറ്റോറിയത്തിലും പൊതുദർശനത്തിന് സൗകര്യമുണ്ട്. 1.30ന് കാരാട് ജുമ മസ്ജിദിലും 2.30ന് ആക്കോട് ജുമ മസ്ജിദിലും മയ്യിത്ത് നമസ്കാരവും തുടർന്ന് ഖബറടക്കവും നടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.