തിരുവനന്തപുരം: തിങ്കളാഴ്ച മുതൽ സംസ്ഥാനത്തെ സ്വകാര്യ ആശുപത്രികളിൽ സമ്പൂർണ പണിമുടക്ക് നടത്തുമെന്ന് യുനൈറ്റഡ് നഴ്സസ് അസോസിയേഷൻ (യു.എൻ.എ) ഭാരവാഹികൾ അറിയിച്ചു. ചൊവ്വാഴ്ച ചേർന്ന സംസ്ഥാന കമ്മിറ്റി യോഗമാണ് ഇതു സംബന്ധിച്ച് തീരുമാനമെടുത്തത്. ഈ സമയത്തിനുള്ളിൽ സുപ്രീംകോടതി നിർദേശിച്ച 20,000 രൂപ അടിസ്ഥാന ശമ്പളം നൽകാൻ തയാറാകുന്ന മാനേജ്മെൻറുകളെ പണിമുടക്കിൽനിന്ന് ഒഴിവാക്കും.
ആ ദിവസം മുതൽ സെക്രട്ടേറിയറ്റിനു മുന്നിൽ സംസ്ഥാന കമ്മിറ്റി അംഗങ്ങൾ അനിശ്ചിതകാല നിരാഹാര സമരവും ആരംഭിക്കും. പ്രക്ഷോഭം സംബന്ധിച്ച കൂടുതൽ കാര്യങ്ങൾ ജൂൈല 13ന് ചേരുന്ന സംസ്ഥാന കൗൺസിലിൽ തീരുമാനിക്കുമെന്നും ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.