തിരുവനന്തപുരം: സംസ്ഥാനത്ത് ഒരു മാസത്തെ ക്ഷേമ പെൻഷൻ കൂടി വിതരണം ചെയ്യാൻ സർക്കാർ തീരുമാനിച്ചു. ജൂലൈ 14 മുതൽ വിതരണം ആരംഭിക്കും. സാമൂഹിക സുരക്ഷ പെൻഷൻ നൽകാനായി 768 കോടിയും ക്ഷേമനിധി ബോർഡ് പെൻഷൻ നൽകാനായി 106 കോടിയും ഉൾപ്പെടെ 874 കോടി രൂപ ഇതിനായി അനുവദിച്ചു. സംസ്ഥാനത്തെ 60 ലക്ഷത്തിലധികം പേർക്ക് 1600 രൂപ വീതമാണ് പെൻഷൻ നൽകുന്നതെന്ന് മന്ത്രി കെ.എൻ. ബാലഗോപാൽ അറിയിച്ചു.
പെൻഷൻ വിതരണം കൂടി ലക്ഷ്യമിട്ട് 1000 കോടി രൂപ കഴിഞ്ഞ ദിവസം കടമെടുത്തിരുന്നു. ഏപ്രിൽ മാസത്തെ ക്ഷേമ പെൻഷനാകും വിതരണം ചെയ്യുക. മാർച്ചിലെ പെൻഷൻ ജൂണിൽ വിതരണം ചെയ്തിരുന്നു. മേയ്, ജൂൺ മാസത്തെ പെൻഷൻ കൂടി വിതരണം ചെയ്യാൻ ബാക്കിയാണ്. ഇത് ഓണത്തിന് നൽകാനാണ് ധനവകുപ്പ് ലക്ഷ്യമിടുന്നത്
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.