വടകര (കോഴിക്കോട്): സംസ്ഥാനത്ത് ഒരാൾ കൂടി കോവിഡ് ബാധിച്ച് മരിച്ചു. വടകര പുതുപ്പണം വട്ടക്കണ്ടിയില്‍ മോഹനനാണ് (67) കോഴിക്കോട് മെഡിക്കല്‍ കോളജ് ആശുപത്രിയില്‍ മരിച്ചത്. വൃക്ക സംബന്ധമായ അസുഖത്തിനു ചികിത്സയിലായിരുന്ന ഇദ്ദേഹത്തെ കോവിഡ് ലക്ഷണത്തെ തുടര്‍ന്ന് ഒരാഴ്ച മുമ്പാണ് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചത്.
പ്രമേഹവും കലശലായ ഹൃദ്രോഗവും പിടിപെട്ട മോഹനെൻറ ആരോഗ്യ സ്ഥിതി മോശമായിരുന്നു. മെഡിക്കല്‍ കോളജ് ആശുപത്രിയില്‍ അഡ്മിറ്റായെങ്കിലും കോവിഡ് ഔദ്യോഗികമായി സ്ഥിരീകരിച്ചിരുന്നില്ലെന്നു പറയുന്നു. ഇന്നു പുലര്‍ച്ചെ മരണപ്പെട്ടതിനെ തുടര്‍ന്ന് നടത്തിയ സ്രവ പരിശോധനയിലാണ് കോവിഡ് പോസിറ്റീവായതും ഔദ്യോഗിക സ്ഥിരീകരണമുണ്ടായതും. തുടര്‍ന്ന് മൃതദേഹം കോവിഡ് പ്രോട്ടോക്കോള്‍ പ്രകാരം കോഴിക്കോട് കോര്‍പറേഷന്‍ ശ്മശാനത്തില്‍ സംസ്‌കരിക്കാന്‍ നടപടി സ്വീകരിച്ചതായി ആരോഗ്യ അധികൃതര്‍ അറിയിച്ചു.
വടകര മുനിസിപ്പല്‍ 27ാം വാര്‍ഡിലാണ് (ചീനംവീട്) ഇദ്ദേഹത്തിന്റെ വീട്. ഒരാഴ്ച മുമ്പു നഗരസഭയുടെ നേതൃത്വത്തില്‍ നടത്തിയ പരിശോധയിലാണ് ഇദ്ദേഹത്തിന് കോവിഡ് ബാധിച്ചിട്ടുണ്ടെന്ന് വ്യക്തമായത്. ഇദ്ദേഹത്തിെൻറ ബന്ധുവിനും രോഗം സ്ഥിരീകരിച്ചിരുന്നു. മോഹനെൻറ മരണത്തെ തുടര്‍ന്ന് ഈ മേഖലയില്‍ പ്രതിരോധ പ്രവർത്തനങ്ങൾ ഉൗർജിതമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.