പ്രവാസികളുടെ ഓർമകളിൽ ഉമ്മൻ ചാണ്ടി

മ​ല​പ്പു​റം: മു​ൻ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​യെ​ക്കു​റി​ച്ച് അ​ങ്ങ് മ​ണ​ലാ​ര​ണ്യ​ത്തി​ൽ​നി​ന്നു​ള്ള​വ​ർ​ക്കും പ​റ​യാ​നു​ണ്ട് ഒ​ട്ടേ​റെ ഓ​ർ​മ​ക​ൾ. സ​ഹാ​യ​ങ്ങ​ളാ​യും ഉ​പ​ദേ​ശ നി​ർ​ദേ​ശ​ങ്ങ​ളാ​യും

മു​ഖ്യ​മ​ന്ത്രി ആ​യി​രു​ന്ന കാ​ല​ത്തും നി​യ​മ​സ​ഭ സാ​മാ​ജി​ക​നാ​യി​രു​ന്ന​പ്പോ​ഴും പ്ര​വാ​സി​ക​ളുടെ

തോ​ളോ​ടു​തോ​ൾ ചേ​ർ​ന്നി​രു​ന്ന​യാ​ളാ​യി​രു​ന്നു അ​ദ്ദേ​ഹം. ഗ​ൾ​ഫി​ലെ വി​വി​ധ മേ​ഖ​ല​ക​ളി​ൽ ജോ​ലി ചെ​യ്യു​ന്ന ജി​ല്ല​യി​ലെ പ്ര​വാ​സി​ക​ൾ ‘മാ​ധ്യ​മ’​ത്തോ​ട് സം​സാ​രി​ക്കു​ന്നു...

നി​താ​ഖാ​ത്ത് കാ​ല​ത്തെ ഇ​ട​പെ​ട​ലി​ൽ നാ​ട്ടി​ലെ​ത്തി​യ​ത് ആ​യി​ര​ങ്ങ​ൾ -കെ.​ടി.​എ മു​നീ​ർ

( പ്ര​സി​ഡ​ന്‍റ് -ഒ.​ഐ.​സി.​സി സൗ​ദി വെ​സ്റ്റേ​ൺ റീ​ജ​ന​ൽ ക​മ്മി​റ്റി, ജി​ദ്ദ )

പ്ര​വാ​സി വി​ഷ​യ​ങ്ങ​ൾ കൈ​കാ​ര്യം ചെ​യ്യു​ന്ന​തി​ൽ അ​ദ്ദേ​ഹം കാ​ണി​ക്കു​ന്ന താ​ൽ​പ​ര്യം, നി​ല​പാ​ട്, അ​ത് നി​യ​മ​ത്തി​ന​പ്പു​റം മാ​നു​ഷി​ക​ത​ല​ങ്ങ​ൾ​കൂ​ടി ക​ണ്ടു​കൊ​ണ്ടാ​യി​രു​ന്നു. റി​യാ​ദി​ലു​ണ്ടാ​യ തീ​പി​ടി​ത്ത​ത്തി​ൽ മ​രി​ച്ച വ്യ​ക്തി​ക​ളു​ടെ കു​ടും​ബ​ങ്ങ​ൾ​ക്ക് സാ​മ്പ​ത്തി​ക സ​ഹാ​യം ന​ൽ​കി​യ​ത് അ​തി​നു​ള്ള വ​ലി​യ ഉ​ദാ​ഹ​ര​ണ​മാ​ണ്. നി​താ​ഖാ​ത്തി​ന്‍റെ സ​മ​യ​ത്ത് സൗ​ദി അ​റേ​ബ്യ​യി​ൽ​നി​ന്ന് ടി​ക്ക​റ്റ് ല​ഭി​ക്കാ​ൻ പ്ര​യാ​സ​പ്പെ​ട്ട ആ​ളു​ക​ൾ​ക്ക് നാ​ട്ടി​ലേ​ക്കെ​ത്താ​ൻ സ​ഹാ​യം ല​ഭ്യ​മാ​ക്കി​യ​ത് അ​ദ്ദേ​ഹ​ത്തി​നു മാ​ത്രം ചെ​യ്യാ​ൻ സാ​ധി​ച്ച​താ​ണ്. സൗ​ദി​യി​ൽ​നി​ന്ന് അ​ഞ്ഞൂ​റോ​ളം ആ​ളു​ക​ളെ​യാ​ണ് അ​ദ്ദേ​ഹ​ത്തി​ന്‍റെ ഇ​ട​പെ​ട​ലി​ലൂ​ടെ നാ​ട്ടി​ലെ​ത്തി​ച്ച​ത്. 2017 മേ​യി​ൽ ജി​ദ്ദ​യി​ൽ ഒ.​ഐ.​സി.​സി പ​രി​പാ​ടി​ക്ക് വ​ന്ന​പ്പോ​ൾ അ​ദ്ദേ​ഹ​ത്തോ​ടൊ​പ്പം ചെ​ല​വ​ഴി​ച്ച എ​ട്ടു മ​ണി​ക്കൂ​ർ എ​നി​ക്കും അ​ന്ന​വി​ടെ കൂ​ടി​യ​വ​ർ​ക്കും മ​റ​ക്കാ​നാ​വാ​ത്ത​താ​ണ്. 

രാ​ത്രി 2.30ന് ​ഉ​റ​ങ്ങി രാ​വി​ലെ 6.30ന് ​ എ​ണീ​റ്റ് വ​ന്ന നേ​താ​വ് -റ​ഫീ​ഖ് കൂ​ട്ടി​ല​ങ്ങാ​ടി

( ദ​മ്മാം ഒ.​ഐ.​സി.​സി ഈ​സ്റ്റേൺ പ്രോ​വി​ൻ​സ് ട്ര​ഷ​റ​ർ )

2017ൽ ​ഉ​മ്മ​ൻ ചാ​ണ്ടി ദ​മ്മാ​മി​ൽ വ​ന്ന​പ്പോ​ഴാ​ണ് അ​ദ്ദേ​ഹ​ത്തെ കൂ​ടു​ത​ൽ അ​ടു​ത്ത​റി​യാ​ൻ സാ​ധി​ച്ച​ത്. ഒ​രു മ​നു​ഷ്യ​ന് സാ​ധാ​ര​ണ​ക്കാ​രി​ലേ​ക്ക് എ​ത്ര​മാ​ത്രം ഇ​റ​ങ്ങി​ച്ചെ​ല്ലാം എ​ന്ന് അ​ന്നാ​ണ് ശ​രി​ക്കും മ​ന​സ്സി​ലാ​യ​ത്. ത​ലേ​ന്ന് രാ​ത്രി 12 ക​ഴി​ഞ്ഞി​ട്ടാ​ണ് അ​ദ്ദേ​ഹം വി​മാ​ന​മി​റ​ങ്ങു​ന്ന​ത്. അ​ദ്ദേ​ഹ​ത്തെ സ്വീ​ക​രി​ക്കാ​ൻ എ​യ​ർ​പോ​ർ​ട്ടി​ൽ ജ​നം ത​ടി​ച്ചു​കൂ​ടി​യി​രു​ന്നു. പി​ന്നീ​ട് ഹോ​ട്ട​ൽ മു​റി​യി​ലെ​ത്തി, രാ​ത്രി ര​ണ്ടേ​മു​ക്കാ​ലി​നാ​ണ് കി​ട​ന്നു​റ​ങ്ങു​ന്ന​ത്. രാ​വി​ലെ 6.30ന് ​പ​രി​പാ​ടി​യി​ൽ പ​ങ്കെ​ടു​ക്കേ​ണ്ട​തു​ണ്ടെ​ന്ന് ഞാ​ൻ പ​റ​ഞ്ഞു. പി​റ്റേ​ന്ന് രാ​വി​ലെ ഞാ​ൻ ചെ​ന്ന് വി​ളി​ച്ച​പ്പോ​ൾ അ​ദ്ദേ​ഹം പ​റ​ഞ്ഞു, ഒ​രു 10 മി​നി​റ്റ് ക​ണ്ണ് തു​റ​ന്ന് കി​ട​ന്നോ​ട്ടെ എ​ന്ന്. കൃ​ത്യം 10 മി​നി​റ്റ് ക​ഴി​ഞ്ഞ​പ്പോ​ൾ അ​ദ്ദേ​ഹം ഒ​രു​ങ്ങി​വ​ന്നു. ഉ​റ​ക്ക​ക്ഷീ​ണ​മോ ആ​രോ​ഗ്യ പ്ര​ശ്ന​ങ്ങ​ളോ ഒ​ന്നു​മി​ല്ലാ​തെ അ​ന്ന് ആ ​പ​രി​പാ​ടി​യി​ൽ വ​ള​രെ സ​ജീ​വ​മാ​യാ​ണ് ഞ​ങ്ങ​ളോ​ടൊ​പ്പം ചെ​ല​വ​ഴി​ച്ച​ത്.  

ജ​ന​ഹൃ​ദ​യ​ങ്ങ​ളി​ലെ പ്രി​യ നേ​താ​വ് -ഹൈ​ദ​ർ ചു​ങ്ക​ത്ത​റ

( ഇ​ന്ത്യ​ൻ ക​ൾ​ച്ച​റ​ൽ ആ​ൻ​ഡ് ആ​ർ​ട്സ് സൊ​സൈ​റ്റി -ഇ​ൻ​കാ​സ് ദോ​ഹ-​ഖ​ത്ത​ർ പ്ര​സി​ഡ​ന്‍റ് )

ഖ​ത്ത​റി​ൽ ജോ​ലി ചെ​യ്യ​വെ ഒ​രു കു​ടും​ബ​ത്തി​ന് സ​ഹാ​യം ആ​വ​ശ്യ​പ്പെ​ട്ട് ഒ​രി​ക്ക​ൽ ഉ​മ്മ​ൻ ചാ​ണ്ടി എ​ന്നെ വി​ളി​ച്ചു. ഞാ​ന​ത് ചെ​യ്തു​കൊ​ടു​ക്കാം എ​ന്ന് മ​റു​പ​ടി​യും ന​ൽ​കി. എ​ന്നാ​ൽ, പെ​ട്ടെ​ന്ന് നാ​ട്ടി​ൽ പോ​കേ​ണ്ട സാ​ഹ​ച​ര്യ​മു​ണ്ടാ​യി. നാ​ട്ടി​ൽ ചെ​ന്ന് അ​ദ്ദേ​ഹം പ​റ​ഞ്ഞ കു​ടും​ബ​ത്തി​ന് കൊ​ടു​ക്കാ​ൻ ഉ​ദ്ദേ​ശി​ച്ച സ​ഹാ​യ​വു​മാ​യി ഞാ​നും ചു​ങ്ക​ത്ത​റ​യി​ലു​ള്ള സു​ഹൃ​ത്തു​ക്ക​ളും കൂ​ടി പു​തു​പ്പ​ള്ളി​യി​ലെ അ​ദ്ദേ​ഹ​ത്തി​ന്‍റെ വീ​ട്ടി​ലെ​ത്തി.

രാ​വി​ലെ​യാ​ണ് അ​വി​ടെ​യെ​ത്തി​യ​ത്. വി​ളി​ച്ച​പ്പോ​ൾ അ​വി​ടെ​നി​ന്ന് ഇ​പ്പോ​ൾ ഇ​റ​ങ്ങി​യ​തേ ഉ​ള്ളെ​ന്നും ഉ​ട​നെ വ​രാ​മെ​ന്നും പ​റ​ഞ്ഞു. സാ​റ് ബു​ദ്ധി​മു​ട്ടി ഇ​ങ്ങോ​ട്ടു വ​രേ​ണ്ട, എ​വി​ടെ​യാ​ണോ ഉ​ള്ള​ത് ഞ​ങ്ങ​ൾ അ​ങ്ങോ​ട്ട് വ​രാ​മെ​ന്ന് പ​റ​ഞ്ഞു. എ​ന്നാ​ൽ, ഞ​ങ്ങ​ളോ​ട് അ​വി​ടെ​ത്ത​ന്നെ കാ​ത്തു​നി​ൽ​ക്കാ​ൻ പ​റ​യു​ക​യാ​യി​രു​ന്നു. അ​ങ്ങ​നെ അ​ദ്ദേ​ഹം തി​രി​ച്ച് വീ​ട്ടി​ലേ​ക്കു​ത​ന്നെ വ​ന്നു. സാ​മ്പ​ത്തി​ക സ​ഹാ​യം കൊ​ടു​ക്കാ​ൻ ഉ​ദ്ദേ​ശി​ച്ചി​രു​ന്ന​വ​രെ നേ​രി​ട്ട് വി​ളി​ച്ച് അ​ത് കൊ​ടു​ത്തു​വി​ട്ടു. ക​വ​ള​പ്പാ​റ ദു​ര​ന്ത​സ​മ​യ​ത്ത് അ​ദ്ദേ​ഹം ജി​ല്ല​യി​ൽ വ​ന്ന​പ്പോ​ൾ എ​ല്ലാ​വി​ധ സ​ഹാ​യ​ങ്ങ​ൾ അ​ന്ന് ചെ​യ്തു​കൊ​ടു​ക്കാ​ൻ സാ​ധി​ച്ച​ത് ഏ​റെ ചാ​രി​താ​ർ​ഥ്യ​ത്തോ​ടെ ഓ​ർ​ക്കു​ന്നു. ഖ​ത്ത​റി​ൽ ഇ​ൻ​കാ​സി​ന്‍റെ പ്ര​വ​ർ​ത്ത​ന​വു​മാ​യി ബ​ന്ധ​പ്പെ​ട്ട് പ്ര​വ​ർ​ത്തി​ക്കു​മ്പോ​ഴൊ​ക്കെ അ​ദ്ദേ​ഹ​ത്തെ പ​ല​ത​വ​ണ കാ​ണാ​നും ഇ​ട​പെ​ടാ​നും സാ​ധി​ച്ചി​ട്ടു​ണ്ട്.

വി​മാ​ന​ത്തി​ലെ ഒ​രു​മി​ച്ചു​ള്ള യാ​ത്ര മ​റ​ക്കാ​നാ​വി​ല്ല -നാ​സ​ർ വ​ളാ​ഞ്ചേ​രി

( കെ.​എം.​സി.​സി വ​ളാ​ഞ്ചേ​രി ന​ഗ​ര​സ​ഭ പ്ര​സി​ഡ​ന്‍റ് )

ഉ​മ്മ​ൻ ചാ​ണ്ടി​യോ​ടൊ​പ്പം വി​മാ​ന​ത്തി​ൽ ഒ​ന്നി​ച്ച് യാ​ത്ര​ചെ​യ്യാ​ൻ സാ​ധി​ച്ച​ത് ജീ​വി​ത​ത്തി​ൽ മ​റ​ക്കാ​നാ​വാ​ത്ത ഓ​ർ​മ​ക​ളി​ലൊ​ന്നാ​ണ്. കു​വൈ​ത്തി​ൽ​നി​ന്ന് കൊ​ച്ചി​യി​ലേ​ക്കു​ള്ള യാ​ത്ര​ക്കി​ടെ​യാ​ണ് ഒ​രു​മി​ച്ച് യാ​ത്ര ചെ​യ്ത​ത്. ഒ​രു​പാ​ട് സ​മ​യം സം​സാ​രി​ച്ചു. പ്ര​വാ​സി​ക​ളു​മാ​യി ബ​ന്ധ​പ്പെ​ട്ട പ്ര​ശ്ന​ങ്ങ​ൾ വി​വ​രി​ച്ച​പ്പോ​ൾ അ​നു​കൂ​ല ന​ട​പ​ടി ഉ​ണ്ടാ​ക്കാ​ൻ ശ്ര​മി​ക്കു​മെ​ന്ന് മ​റു​പ​ടി ന​ൽ​കി. പ്ര​വാ​സി വി​ഷ​യ​ത്തി​ൽ അ​ദ്ദേ​ഹ​ത്തി​ന് ഒ​രു​പാ​ട് ആ​ശ​ങ്ക​ക​ളു​ണ്ടാ​യി​രു​ന്നു. കൊ​ച്ചി​യി​ൽ വി​മാ​ന​മി​റ​ങ്ങി​യ​പ്പോ​ൾ വീ​ണ്ടും കാ​ണ​ണ​മെ​ന്ന് പ​റ​ഞ്ഞാ​ണ് അ​ദ്ദേ​ഹം തി​രു​വ​ന​ന്ത​പു​ര​ത്തേ​ക്ക് തി​രി​ച്ച​ത്. 

സൗ​ദി​യി​ൽ മു​ദ്രാ​വാ​ക്യ​വു​മാ​യി സ്വീ​ക​രി​ച്ച പ്ര​വാ​സി​ക​ൾ -വി.പി. സിയാസ്

( സൗ​ദി ഇം​ബാ​ല ബി​സി​ന​സ് ഗ്രൂ​പ് ചെ​യ​ർ​മാ​ൻ )

രാ​ഷ്ട്രീ​യ നേ​താ​ക്ക​ളെ മു​ദ്രാ​വാ​ക്യം വി​ളി​ച്ച് സ്വീ​ക​രി​ക്കു​ന്ന രീ​തി സൗ​ദി അ​റേ​ബ്യ​യി​ലി​ല്ല. എ​ന്നാ​ൽ, ഒ​രി​ക്ക​ൽ ഉ​മ്മ​ൻ ചാ​ണ്ടി വ​ന്ന​പ്പോ​ൾ ജ​നം എ​യ​ർ​പോ​ർ​ട്ടി​ൽ മു​ഴ​ക്കി​യ മു​ദ്രാ​വാ​ക്യം ശ​രി​ക്കും ഞെ​ട്ടി​പ്പി​ക്കു​ന്ന​താ​യി​രു​ന്നു. ഒ​രു നേ​താ​വി​നും അ​ത്ര​യും ഹ​ർ​ഷാ​ര​വ​ത്തോ​ടെ​യു​ള്ള സ്വീ​ക​ര​ണം അ​വി​ടെ ല​ഭി​ച്ചി​ട്ടു​ണ്ടാ​വി​ല്ല. എ​യ​ർ​പോ​ർ​ട്ട് മു​ത​ൽ ഓ​ഡി​റ്റോ​റി​യം വ​രെ ആ​ളു​ക​ൾ അ​ദ്ദേ​ഹ​ത്തെ അ​നു​ഗ​മി​ച്ചു​കൊ​ണ്ടി​രു​ന്നു. സൗ​ദി​യി​ൽ എ​ന്‍റെ മേ​ഖ​ല ഓ​ഡി​റ്റോ​റി​യ​ങ്ങ​ളാ​യി​രു​ന്നു. ഒ​ട്ടു​മി​ക്ക നേ​താ​ക്ക​ളും സൗ​ദി​യി​ൽ വ​രു​മ്പോ​ൾ ഈ ​ഓ​ഡി​റ്റോ​റി​യ​ങ്ങ​ളി​ൽ വ​രാ​റു​ണ്ട്. അ​ന്ന് മു​ഴു​വ​ൻ സ​മ​യ​വും അ​ദ്ദേ​ഹ​ത്തി​ന്‍റെ കൂ​ടെ​ത്ത​ന്നെ ചെ​ല​വ​ഴി​ക്കാ​ൻ എ​നി​ക്കാ​യി. അ​ദ്ദേ​ഹ​ത്തി​ന്‍റെ കൈ​യി​ൽ​നി​ന്ന് സാ​മൂ​ഹി​ക സേ​വ​ന​ത്തി​നു​ള്ള യെ​ങ് ബി​സി​ന​സ് മെ​ൻ അ​വാ​ർ​ഡ് വാ​ങ്ങാ​ൻ സാ​ധി​ച്ച​ത് വ​ലി​യ ഭാ​ഗ്യ​മാ​യി കാ​ണു​ന്നു. മ​ക​ൾ​ക്കും അ​ദ്ദേ​ഹ​ത്തി​ന്‍റെ കൈ​യി​ൽ​നി​ന്ന് ഉ​പ​ഹാ​രം വാ​ങ്ങാ​ൻ സാ​ധി​ച്ചു. അ​ന്ന് മൂ​ന്നോ നാ​ലോ പ​രി​പാ​ടി​ക​ളി​ൽ അ​ദ്ദേ​ഹം പ​ങ്കെ​ടു​ത്തെ​ങ്കി​ലും ഒ​രി​ക്ക​ൽ​പോ​ലും ക്ഷീ​ണി​ത​നാ​യി ക​ണ്ടി​ല്ല.