തിരുവനന്തപുരം: മുഖ്യമന്ത്രി പിണറായി വിജയനെ കുറ്റമുക്തനാക്കിയ ലാവലിൻ കേസിലെ വിധി, വിധിന്യായത്തിലെ പിഴവാണെന്ന് പ്രതിപക്ഷനേതാവ് രമേശ് ചെന്നിത്തല. ലാവലിൻ ഇടപാടുമായി ബന്ധപ്പെട്ട അന്താരാഷ്ട്ര കരാർ മൂന്ന് വൈദ്യുതി ബോർഡ് ഉദ്യോഗസ്ഥർ വിചാരിച്ചാൽ നടക്കുമെന്ന് കരുതാനാവില്ല. ലാലു പ്രസാദിെനയും ജയലളിതയെയും കുറ്റമുക്തരാക്കിയ കീഴ്കോടതി വിധി മേൽകോടതി റദ്ദാക്കുകയായിരുന്നു.
വിധിക്കെതിരെ സി.ബി.െഎ അപ്പീൽ പോകുമെന്ന് അറിയിച്ച സാഹചര്യത്തിൽ പരമോന്നത കോടതിയാണ് അന്തിമതീരുമാനം എടുക്കേണ്ടത്. എന്തായാലും യാതൊരു അഴിമതിയും ഇല്ലെന്ന് ഇതേവരെ പറഞ്ഞ് കുഴിച്ചുമൂടിയ ലാവലിൻ കേസ് വീണ്ടും സജീവമായതിൽ സന്തോഷമുണ്ട്. ഇപ്പോഴെത്ത വിധി അന്തിമമാണെന്ന് ധരിക്കേണ്ട. മൂന്നുപേരെ വിചാരണ ചെയ്യാൻ തീരുമാനിച്ചതിലൂടെ ലാവലിൻ ഇടപാടിൽ അഴിമതിയുണ്ടെന്ന് വ്യക്തമായെന്നും ചെന്നിത്തല വാർത്തസമ്മേളനത്തിൽ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.