തൊടുപുഴ: പാലാ ഉപതെരഞ്ഞെടുപ്പിൽ ജയസാധ്യതയുള്ള സ്ഥാനാർഥിക്കാകും ചിഹ്നം അനുവദിക്കുകയെന്ന് പി.ജെ. ജോസഫ്. സമ വായത്തിലൂടെ യു.ഡി.എഫ് സ്ഥാനാർഥിയെ കണ്ടെത്തും. വ്യക്തിപരമായല്ല സ്ഥാനാർഥി നിർണയം.
യു.ഡി.എഫ് നേതൃത്വം ആലോചിച്ച് തീരുമാനിക്കുമെന്നും ഞായറാഴ്ച യോഗം ചേർന്ന് സ്ഥാനാർഥിയെ പ്രഖ്യാപിക്കാനാകുമെന്നും ജോസഫ് തൊടുപുഴയിൽ മാധ്യമ പ്രവർത്തകരോട് പറഞ്ഞു. നിഷ ജോസ് കെ.മാണിയാകുമോ സ്ഥാനാർഥിയെന്ന ചോദ്യത്തോട് അദ്ദേഹം പ്രതികരിച്ചില്ല.
പി.ജെ ജോസഫായിരിക്കും കേരള കോൺഗ്രസ് സ്ഥാനാർഥിയെ പ്രഖ്യാപിക്കുകയെന്ന് ജോയ് എബ്രഹാം അറിയിച്ചു.
കെ.എം മാണിയുടെ കുടുംബത്തിൽ നിന്ന് സ്ഥാനാർഥിയെ വേണമെന്നാണ് ജോസ് കെ മാണി വിഭാഗത്തിെൻറ ആവശ്യം. നിഷ ജോസിനെ സ്ഥാനാർഥിയാക്കാനും സമ്മർദ്ദമുണ്ട്. യു.ഡി.എഫ് നേതാക്കളുമായുള്ള കൂടിക്കാഴ്ചക്ക് ശേഷം സ്ഥാനാർഥിയെ നിർണയിക്കുമെന്നാണ് റിപ്പോർട്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.