കൊല്ലം: കോവിഡ് പ്രതിരോധത്തിൽ ലോകമാതൃകയാണ് എൽ.ഡി.എഫ് സർക്കാറെന്ന് ആർ. ബാലകൃഷ്ണപിള്ള. ആ നേട്ടം തകർക്കാനാണ് പ്രതിപക്ഷ ശ്രമമെന്നും കോവിഡ് പ്രതിരോധം പൊളിക്കാനാണ് ചെന്നിത്തലയുടേയും യു.ഡി.എഫിന്‍റേയും ശ്രമമെന്നും അദ്ദേഹം പറഞ്ഞു.
എൽ.ഡി.എഫുമായി ഒരു അഭിപ്രായ വ്യത്യാസവുമില്ല. തന്‍റെ പാർട്ടി എൽ.ഡി.എഫിനൊപ്പം ഉറച്ചു നിൽക്കും. എൽ.ഡി.എഫിൽ നിന്ന് വിട്ടുപോകുന്ന പ്രശ്നമില്ല. തങ്ങളെ പ്രതീക്ഷിച്ചിരിക്കുന്ന
ആരെങ്കിലും ഉണ്ടെങ്കിൽ ആ വെള്ളം അങ്ങ് വാങ്ങി വെക്കുന്നതാണ് നല്ലതെന്നും ബാലകൃഷ്ണപിള്ള വ്യക്തമാക്കി.
പൊളിഞ്ഞ് തകർന്ന വണ്ടിയായ യു.ഡി.എഫിൽ ആരെങ്കിലും കയറുമോ എന്ന് കെ.ബി ഗണേഷ് കുമാർ എം.എൽ.എ. താൻ യു.ഡി.എഫുമായി ചർച്ച നടത്തി എന്ന വാർത്ത പച്ചക്കള്ളമാണ്. ഈ പ്രചാരണത്തിന് പിന്നിൽ ചില യു.ഡി.എഫ് നേതാക്കളാണ്. പാർട്ടിയെ തകർക്കാനാണ് ഇവരുടെ ശ്രമം. എൽ.ഡി.എഫിൽ തന്‍റെ പാർട്ടിക്ക് പൂർണ സംതൃപ്തിയാണുള്ളത്. എൽ.ഡി.എഫിൽ തങ്ങളുടെ പാർട്ടി പ്രവർത്തകർക്ക് മികച്ച പരിഗണനയാണ് ലഭിക്കുന്നതെന്നും ഗണേഷ് കുമാർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.