ഹരിപ്പാട്: സംസ്ഥാനത്ത് രാത്രികാല സർവിസ് നടത്തുന്ന നാല് എക്സപ്രസ് ട്രെയിനുകളിൽ മൂന്നെണ്ണത്തിൽ ശനിയാഴ്ച മുതൽ റിസർവേഷൻ ഇല്ലാത്ത കോച്ചുകൾ പുനഃസ്ഥാപിക്കും. കോവിഡ് കാല ലോക്ഡൗണിൽ നിർത്തലാക്കിയ രാത്രികാല വണ്ടികളിലാണ് റിസർവേഷൻ ഇല്ലാത്ത യാത്രക്കാർക്ക് പ്രയോജനപ്രദമായി കോച്ചുകൾ തിരിച്ചെത്തുന്നത്.
തിരുവനന്തപുരം - മംഗളൂരു മലബാർ എക്സ്പ്രസ്, മാവേലി എക്സ്പ്രസ്, മംഗളൂരു - ചെന്നൈ മെയിൽ എന്നിവയിൽ ശനിയാഴ്ച മുതൽ എല്ലാ ദിവസവും റിസർവേഷൻ ഇല്ലാത്ത കോച്ചുകൾ ഉണ്ടാകും. തിരുവനന്തപുരം-മംഗളൂരു വെസ്റ്റ് കോസ്റ്റ് എക്സ്പ്രസിൽ ജനുവരി 17 മുതൽ റിസർവേഷൻ ഇല്ലാത്ത സാധാരണ കോച്ചുകൾ പുനഃസ്ഥാപിക്കും.
റിസർവേഷൻ ഇല്ലാത്ത കോച്ചുകൾ പുനഃസ്ഥാപിക്കുന്നതിനാൽ എല്ലാ റെയിൽവേ സ്റ്റേഷനുകളിലും സാധാരണ യാത്രാ ടിക്കറ്റുകൾ നൽകാനുള്ള സംവിധാനം പുനഃക്രമീകരിക്കണമെന്ന് ദക്ഷിണ റെയിൽവേ ബന്ധപ്പെട്ട ഡിവിഷണൽ മാനേജർമാർക്ക് അടിയന്തിര നിർദേശം നൽകിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.