ശബരിമല: ശബരിമല തീർത്ഥാടകനെ കാട്ടാന ചവിട്ടി കൊന്നു. തമിഴ്നാട് സേലം സ്വദേശി പരമശിവം (35) ആണ് മരിച്ചത്. കോരുത്തോട്, മുക്കുഴിക്കു സമീപം ബുധനാഴ്ച പുലർച്ചെ ഒരു മണിയോടെയാണ് സംഭവം. ഏഴു വയസുകാരൻ അത്ഭുതകരമായി രക്ഷപെട്ടു
ശബരിമല തീർഥാടനത്തിന് എത്തിയ30 അംഗ സംഘത്തോടൊപ്പമായിരുന്നു പരമശിവം എത്തിയത്. 15 അംഗ സംഘം മാത്രമാണ് മുക്കുഴി യാത്ര പുറപ്പെട്ടത്. സംഘം കാൽ നടയാത്ര തുടരുന്നതിനിടയിൽ സംഘം കാട്ടാനക്ക് മുന്നിൽ പെടുകയായിരുന്നു. എല്ലാവരും ഓടി മാറിയെങ്കിലും മകനെ തോളിലേറ്റിയുളള യാത്രയിൽ പരമശിവനു രക്ഷപെടാനായില്ല.
പിന്നാലെത്തിയ ആന മകനെ തുമ്പികൈ കൊണ്ട് എടുത്തു മാറ്റിയ ശേഷം പരമശിവനെ ചവിട്ടി കൊല്ലുകയായിരുന്നു. ഏഴു വയസുകാരൻ നിലവിളിച്ചു നിന്നെങ്കിലും ആന ഒന്നും ചെയ്തില്ല. പെരുവന്താനം പൊലീസ് നടപടികളാരംഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.