തിരുവനന്തപുരം: കൈക്കൂലിക്കേസിൽ പ്രതിയായി ഒളിവിൽ കഴിയവെ സർവിസിൽ തിരികെ എത്തിയ മലിനീകരണ നിയന്ത്രണ ബോർഡ് എൻജിനീയർ ജോസ് മോനെ സസ്പെന്‍ഡ് ചെയ്തു. കൈക്കൂലിക്കേസിൽ ഒളിവിൽ തുടരവെ ജോസ് മോൻ സർവിസിൽ തിരികെ എത്തിയത് വിവാദമായിരുന്നു.
മലിനീകരണ നിയന്ത്രണ ബോർഡ് സർട്ടിഫിക്കറ്റ് ലഭ്യമാക്കാൻ കോട്ടയത്തെ വിവിധ വ്യവസായികളിൽനിന്ന് കൈക്കൂലി വാങ്ങിയതിനാണ് ജോസ് മോനെ വിജിലൻസ് പ്രതിചേർത്തത്. പണം വാങ്ങുന്നതിനിടെ കോട്ടയം മലിനീകരണ നിയന്ത്രണ ബോർഡ് എൻജിനീയർ ഹാരിസിനെ വിജിലൻസ് പിടികൂടിയിരുന്നു. ഈ കേസിലാണ് ജോസ് മോനെ രണ്ടാം പ്രതിയാക്കിയത്.
എന്നാൽ ജോസ് മോൻ അഴിമതിക്കേസിൽ പ്രതിയായ കാര്യം ബോർഡിനെയോ പരിസ്ഥിതിവകുപ്പിനെയോ വിജിലൻസ് അറിയിച്ചില്ലെന്ന ന്യായത്തിലാണ് സർവിസിൽ തിരികെ എത്തിയത്. വിവാദമായതോടെ ജോസ് മോനെതിരെ വിജിലൻസ് ഡയറക്ടർ വകുപ്പിന് റിപ്പോർട്ട് നൽകുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.