കോഴിക്കോട്: കുതിരവട്ടം മാനസികാരോഗ്യ കേന്ദ്രത്തിൽ നിന്ന് അന്തേവാസിയായ 17കാരി ഓടുപൊളിച്ച് പുറത്തുപോയി. ഇന്ന് പുലർച്ചെയാണ് സംഭവം. ഇവരെ കണ്ടെത്താനായി അന്വേഷണം തുടങ്ങി.
അന്തേവാസികൾ പുറത്തുകടക്കുന്ന സംഭവം കുതിരവട്ടത്ത് ആവർത്തിക്കുകയാണ്. ഇന്നലെ വൈകീട്ട് ശുചിമുറിയുടെ വെന്‍റിലേഷൻ തകർത്ത് യുവാവ് രക്ഷപ്പെട്ടിരുന്നു. ഇയാളെ ഷൊർണൂരിൽ കണ്ടെത്തി. ദിവസങ്ങൾക്ക് മുമ്പ് ഒരു പുരുഷനും സ്ത്രീയും ചാടിപ്പോയിരുന്നു. ഇരുവരെയും പിന്നീട് കണ്ടെത്തി.
മാനസികാരോഗ്യ കേന്ദ്രത്തിൽ സുരക്ഷാവീഴ്ച വ്യാപകമാണെന്ന ആരോപണമുണ്ട്. കഴിഞ്ഞയാഴ്ച മാഹാരാഷ്ട്ര സ്വദേശിയായ സ്ത്രീയെ ഇവിടെ മരിച്ച നിലയിൽ കണ്ടെത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.