പരിക്കേറ്റ സാബു
കൊച്ചി: ബൈക്ക് യാത്രക്കിടെ കേബിള്‍ കഴുത്തില്‍ കുരുങ്ങി യാത്രക്കാർക്ക് പരിക്കേറ്റു. എറണാകുളം സൗത്ത് മഹാകവി ജി റോഡിൽ താമസിക്കുന്ന കെ.ബി. സാബുവിനും ഭാര്യ സിന്ധുവിനുമാണ് പരിക്കേറ്റത്. എറണാകുളം ചന്ദ്രശേഖരന്‍ മേനോന്‍ റോഡില്‍ കഴിഞ്ഞ ദിവസം ഉച്ചയോടെയായിരുന്നു അപകടം. സാബുവിന്റെ കഴുത്തിലാണ് കേബിൾ കുരുങ്ങിയത്. ഇതോടെ നിയന്ത്രണം നഷ്ടപ്പെട്ട് റോഡിലേക്ക് വീണ സാബുവും ഭാര്യയും തലനാരിഴക്കാണ് രക്ഷപ്പെട്ടത്.
റോഡിന്‍റെ നടുഭാഗത്തായി കേബിള്‍ താഴ്ന്നു കിടക്കുകയായിരുന്നുവെന്നും ഇത് കഴുത്തിൽ കുരുങ്ങി ബൈക്കിൽനിന്ന് താന്‍ പൊങ്ങി വീഴുകയായിരുന്നുവെന്നും സാബു പറഞ്ഞു. സിന്ധു റോഡിൽ തലയിടിച്ചാണ് വീണത്. ഹെൽമറ്റുള്ളതുകൊണ്ടാണ് ഇരുവരുടെയും ജീവൻ രക്ഷപ്പെട്ടത്. കഴുത്തിൽ കേബിൾ കുരുങ്ങി ആഴത്തിൽ മുറിവേറ്റ സാബു ചികിത്സയിലാണ്.
നഗരത്തില്‍ അലക്ഷ്യമായി താഴ്ന്നുകിടക്കുന്ന കേബിളുകള്‍ അപകടക്കുരുക്കാകുന്നതായി നേരത്തേതന്നെ വ്യാപക പരാതിയുണ്ട്. ഇക്കാര്യത്തിൽ വീഴ്ച വരുത്തിയ ഉദ്യോഗസ്ഥര്‍ക്കെതിരെ നടപടി ആവശ്യപ്പെട്ട് പൊലീസിനും കോര്‍പറേഷന്‍ സെക്രട്ടറിക്കും പരാതി നല്‍കാനാണ് സാബുവിന്റെ തീരുമാനം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.