കാറിൽ യുവതിയെ ചുട്ടുകൊന്ന സംഭവം: ഭാ​ര്യ​യെ കൊ​ല​പ്പെ​ടു​ത്തി​യ​തി​ൽ പ​ശ്ചാ​ത്താ​പ​മി​ല്ലെ​ന്ന് പ്ര​തി

കൊ​ല്ലം: ന​ടു​റോ​ഡി​ൽ കാ​റി​ൽ യു​വ​തി​യെ ചു​ട്ടു​കൊ​ന്ന സം​ഭ​വ​ത്തി​ൽ പ്ര​തി​യു​മാ​യി സം​ഭ​വ​സ്ഥ​ല​ത്ത്​ പൊ​ലീ​സ്​ തെ​ളി​വെ​ടു​പ്പ്​ ന​ട​ത്തി. കൊ​ട്ടി​യം ത​ഴു​ത്ത​ല​തു​ണ്ടി​ൽ മേ​ക്ക​തി​ൽ അ​നി​ല (44) കൊ​ല്ല​പ്പെ​ട്ട സം​ഭ​വ​ത്തി​ലാ​ണ്​ ഭ​ർ​ത്താ​വ് പ​ത്​​മ​രാ​ജ​നു​മാ​യി (60) പൊ​ലീ​സ്​ തെ​ളി​വെ​ടു​പ്പ്​ ന​ട​ത്തി​യ​ത്.

സം​ഭ​വം ന​ട​ന്ന കൊ​ല്ലം ചെ​മ്മാ​ൻ​മു​ക്കി​ൽ പ്ര​തി​യു​മാ​യി പൊ​ലീ​സെ​ത്തി. ആ​സൂ​ത്രി​ത​മാ​യി​രു​ന്നു കൊ​ല​പാ​ത​ക​മെ​ന്ന്​ പൊ​ലീ​സ്​ പ​റ​ഞ്ഞു. അ​നി​ല​യെ കൊ​ല​പ്പെ​ടു​ത്തി​യ​തി​ൽ പ്ര​തി​ക്ക്​ പ​ശ്ചാ​ത്താ​പ​മി​ല്ല. 14​ വ​യ​സ്സു​ള്ള മ​ക​ളു​ടെ കാ​ര്യ​ത്തി​ലാ​ണ്​ വി​ഷ​മ​മെ​ന്ന്​ പ്ര​തി പ​റ​ഞ്ഞ​താ​യി ​പൊ​ലീ​സ്​ വെ​ളി​പ്പെ​ടു​ത്തി.

ക​ട​പ്പാ​ക്ക​ട നാ​യേ​ഴ്​​സ്​ ആ​ശു​പ​ത്രി​ക്കു​സ​മീ​പം ‘​നി​ള ബേ​ക്കേ​ഴ്​​സ്’​ എ​ന്ന സ്ഥാ​പ​നം ന​ട​ത്തു​ക​യാ​യി​രു​ന്നു അ​നി​ല. ബി​സി​ന​സ്​ പാ​ർ​ട്ട്​​ണ​റാ​യ ഹ​നീ​ഷ്​ ലാ​ലു​മാ​യു​ള്ള ഇ​വ​രു​ടെ സൗ​ഹൃ​ദ​മാ​ണ്​ കൊ​ല​പാ​ത​ക​ത്തി​ന്​ പ്രേ​രി​പ്പി​ച്ച​ത്. ത​ന്നെ ഹ​നീ​ഷ്​ അ​നി​ല​യു​​ടെ മു​ന്നി​ലി​ട്ട്​ മ​ർ​ദി​ച്ചി​ട്ടും പി​ടി​ച്ചു​മാ​റ്റാ​ൻ പോ​ലും അ​വ​ർ ത​യാ​റാ​യി​ല്ലെ​ന്നും അ​ത്​ വി​ഷ​മി​പ്പി​ച്ചു​വെ​ന്നും പ​ത്​​മ​രാ​ജ​ൻ പൊ​ലീ​സി​നോ​ട്​ പ​റ​ഞ്ഞു. ര​ണ്ടു​ദി​വ​സം മു​മ്പാ​ണ്​ പ​ദ്മ​രാ​ജ​നെ അ​നി​ല​യു​ടെ ഹ​നീ​ഷ് ബേ​ക്ക​റി​യി​ൽ​വെ​ച്ച് മ​ർ​ദി​ച്ച​ത്.

ചൊ​വ്വാ​ഴ്ച രാ​ത്രി ബേ​ക്ക​റി അ​ട​ച്ച്​ ജീ​വ​ന​ക്കാ​ര​നാ​യി സോ​ണി എ​ന്ന യു​വാ​വി​നൊ​പ്പം കാ​റി​ൽ മ​ട​ങ്ങു​​മ്പോ​ഴാ​ണ് പി​ന്നാ​ലെ വാ​നി​ലെ​ത്തി​യ പ​ത്​​മ​രാ​ജ​ൻ വ​ണ്ടി ചേ​ർ​ത്ത്​ നി​ർ​ത്തി കാ​റി​ന്‍റെ ഡ്രൈ​വ​ർ സീ​റ്റി​ലി​രു​ന്ന അ​നി​ല​യു​ടെ മേ​ൽ പെ​ട്രോ​ളൊ​ഴി​ച്ച്​ തീ​കൊ​ളു​ത്തി​യ​ത്. പ​ത്​​മ​രാ​ജ​നും സോ​ണി​ക്കും പൊ​ള്ള​ലേ​റ്റു.

ഇ​രു വാ​ഹ​ന​ങ്ങ​ളും ക​ത്തി​ന​ശി​ച്ചു. അ​നി​ല​ക്കൊ​പ്പം ഹ​നീ​ഷ്​​ലാ​ലും ഉ​ണ്ടാ​കു​മെ​ന്ന ധാ​ര​ണ​യി​ലാ​ണ്​ പ​ത്​​മ​രാ​ജ​ൻ തീ​യി​ട്ട​ത്.​ ര​ണ്ടു​പേ​രെ​യും കൊ​ല്ലു​ക​യാ​യി​രു​ന്നു ല​ക്ഷ്യം. ​

ഹ​നീ​ഷ്​ ലാ​ലു​മാ​യു​ള്ള സൗ​ഹൃ​ദ​വും പാ​ർ​ട്ട്​​ണ​ർ​ഷി​പ്പും ഒ​ഴി​യ​ണ​മെ​ന്ന്​ പ​ത്​​മ​രാ​ജ​ൻ ആ​വ​ശ്യ​പ്പെ​ട്ടി​രു​ന്നു. പ​ഞ്ചാ​യ​ത്തം​ഗം സാ​ജ​ന്‍റെ മ​ധ്യ​സ്ഥ​ത​യി​ൽ ചൊ​വ്വാ​ഴ്ച പ​ക​ൽ ഇ​ക്കാ​ര്യം ച​ർ​ച്ച​ചെ​യ്യു​ക​യും ഹ​നീ​ഷ്​ മു​ട​ക്കി​യ ഒ​ന്ന​ര​ല​ക്ഷം മ​ട​ക്കി​കൊ​ടു​ത്ത്​ പാ​ർ​ട്ട്​​ണ​ർ​ഷി​പ്​ ഒ​ഴി​യാ​ൻ ധാ​ര​ണ​യാ​യ​തു​മാ​ണ്.

ഈ ​തു​ക പ​ത്​​മ​രാ​ജ​ൻ കൊ​ടു​ക്ക​ണ​മെ​ന്ന​തു സം​ബ​ന്ധി​ച്ചും അ​നി​ല​യു​മാ​യി ത​ർ​ക്ക​മു​ണ്ടാ​യെ​ങ്കി​ലും ഈ​മാ​സം 10ന്​ ​പ​ണം ന​ൽ​കാ​മെ​ന്നും​ ധാ​ര​ണ​യാ​യി. എ​ന്നാ​ൽ, മ​ണി​ക്കൂ​റു​ക​ൾ​​ക്ക്​ ശേ​ഷം​ കൊ​ല​പാ​ത​ക​ത്തി​ലേ​ക്കാ​ണ്​ കാ​ര്യ​ങ്ങ​ൾ എ​ത്തി​യ​ത്.

കൃത്യം വിശ്വസിക്കാൻ കഴിയാതെ നാട്ടുകാർ

കൊ​ട്ടി​യം: കൊ​ല്ലം ചെ​മ്മാം​മു​ക്കി​ൽ​വെ​ച്ച് കാ​റി​നു​ള്ളി​ൽ ഭാ​ര്യ​യെ ചു​ട്ടു​കൊ​ന്ന കേ​സി​ലെ പ്ര​തി പ​ത്മ​രാ​ജ​നെ​ക്കു​റി​ച്ച്​ നാ​ട്ടു​കാ​ർ​ക്ക്​ പ​റ​യാ​ൻ ന​ല്ല​ത്​ മാ​ത്രം. അ​യാ​ൾ ഇ​ത്ത​രം കൃ​ത്യം ന​ട​ത്തി​യെ​ന്ന​ത് ആ​ർ​ക്കും വി​ശ്വ​സി​ക്കാ​ൻ ക​ഴി​യു​ന്നി​ല്ല.

കൊ​ട്ടി​യം ടൗ​ൺ എ​സ്.​എ​ൻ.​ഡി.​പി ശാ​ഖ സെ​ക്ര​ട്ട​റി​യാ​യി​രു​ന്നു പ​ത്മ​രാ​ജ​ൻ. ഇ​യാ​ളു​ടെ ആ​ദ്യ ഭാ​ര്യ മ​രി​ച്ച ശേ​ഷ​മാ​ണ് അ​നി​ല​യെ വി​വാ​ഹം ചെ​യ്ത​ത്. ഇ​രു​വ​രു​ടെ​യും വീ​ടു​ക​ൾ അ​ടു​ത്ത​ടു​ത്താ​ണ്.

പ​ദ്മ​രാ​ജ​ൻ കാ​റും വ​സ്തു​വും വീ​ടും എ​ല്ലാം അ​യാ​ളു​ടെ അ​ധ്വാ​ന​ത്തി​ലൂ​ടെ വാ​ങ്ങി​യ​ത് അ​നി​ല​യു​ടെ പേ​രി​ലാ​ണ്. എ​ന്നാ​ൽ, കു​ടും​ബ​ജീ​വി​ത​ത്തി​ൽ ഇ​വ​ർ​ക്കി​ട​യി​ൽ പ​ല അ​സ്വാ​ര​സ്യ​ങ്ങ​ളും നി​ല​നി​ന്നി​രു​ന്നു. ക​ഴി​ഞ്ഞ​മാ​സ​വും ഇ​രു​വ​രും ത​മ്മി​ൽ വ​ഴ​ക്കു​ണ്ടാ​യി. തു​ട​ർ​ന്ന്, അ​നി​ല കൊ​ട്ടി​യം പൊ​ലീ​സി​ൽ പ​ദ്മ​രാ​ജ​ൻ മ​ർ​ദി​ച്ച​താ​യി ആ​രോ​പി​ച്ചു പ​രാ​തി ന​ൽ​കി.

പ​ദ്മ​രാ​ജ​ൻ വീ​ട്ടി​ൽ ക​യ​റാ​ൻ പാ​ടി​ല്ലെ​ന്ന് പൊ​ലീ​സ് നി​ർ​ദേ​ശി​ച്ച​തി​നെ തു​ട​ർ​ന്ന് ര​ണ്ട്​ ദി​വ​സം ഹോ​ട്ട​ലി​ൽ മു​റി​യി​ലാ​ണ് താ​മ​സി​ച്ച​ത്. ശേ​ഷം, പൊ​തു​പ്ര​വ​ർ​ത്ത​ക​രും മ​റ്റും ഇ​ട​പെ​ട്ടാ​ണ് പ​ദ്മ​രാ​ജ​ന് വീ​ട്ടി​ൽ പ്ര​വേ​ശി​ക്കാ​ൻ അ​വ​സ​ര​മൊ​രു​ക്കി​യ​ത്. ഈ ​സം​ഭ​വം പ​ദ്മ​രാ​ജ​നെ ഏ​റെ പ്ര​കോ​പി​പ്പി​ച്ചി​രു​ന്നു.

ബി​സി​ന​സ്​ പാ​ർ​ട്ട്​​ണ​ർ ഹ​നീ​ഷു​മാ​യി പ​ഞ്ചാ​യ​ത്ത്​ അം​ഗ​ത്തി​ന്‍റെ മ​ധ്യ​സ്ഥ​തി​ൽ ന​ട​ന്ന ഒ​ത്തു​തീ​ർ​പ്പ്​ ച​ർ​ച്ച​ക്ക്​ ശേ​ഷം കാ​റി​ൽ പ​ത്മ​രാ​ജ​നും അ​നി​ല​യും പ​ഞ്ചാ​യ​ത്ത് അം​ഗ​വും കൂ​ടി ചെ​മ്മാ​ൻ മു​ക്കി​ന​ടു​ത്തു​ള്ള വാ​ട​ക വീ​ട്ടി​ലെ​ത്തു​ക​യും ഫാ​ൻ, പാ​ച​ക​വാ​ത​ക എ​ന്നി​വ കൊ​ട്ടി​യ​ത്തെ വീ​ട്ടി​ലേ​ക്ക് കൊ​ണ്ടു​വ​രി​ക​യും ചെ​യ്തി​രു​ന്നു. ശേ​ഷ​മാ​ണ് അ​നി​ല തി​രി​കെ പോ​യ​ത്. ശേ​ഷ​മാ​ണ് രാ​ത്രി​യി​ൽ കൊ​ല​പാ​ത​കം ന​ട​ന്ന​ത്.

മൃ​ത​ദേ​ഹം സം​സ്ക​രി​ച്ചു

പാ​രി​പ്പ​ള്ളി മെ​ഡി​ക്ക​ൽ കോ​ള​ജി​ൽ പോ​സ്റ്റ്മോ​ർ​ട്ടം ന​ട​പ​ടി​ക​ൾ​ക്കു​ശേ​ഷം ബു​ധ​നാ​ഴ്ച ഉ​ച്ച​ക്ക് ര​ണ്ടി​ന് വീ​ട്ടി​ലെ​ത്തി​ച്ച അ​നി​ല​യു​ടെ മൃ​ത​ദേ​ഹം പൊ​തു​ദ​ർ​ശ​ന​ത്തി​ന് ശേ​ഷം വീ​ട്ടു​വ​ള​പ്പി​ൽ സം​സ്ക​രി​ച്ചു. സം​ഭ​വ​മ​റി​ഞ്ഞ് നി​ര​വ​ധി പേ​ർ ത​ഴു​ത്ത​ല വ​ഞ്ചി മു​ക്കി​ന് കി​ഴ​ക്കു​ള്ള ഇ​വ​രു​ടെ വീ​ട്ടി​ലെ​ത്തി. മ​ക​ൾ അ​പ​ർ​ണ​യാ​ണ് അ​ന്ത്യ​ക​ർ​മ​ങ്ങ​ൾ ന​ട​ത്തി​യ​ത്. സം​സ്കാ​ര ച​ട​ങ്ങു​ക​ൾ​ക്കു ശേ​ഷം ഇ​വ​രു​ടെ വീ​ട്ടി​ലെ​ത്തി​യ പൊ​ലീ​സ് സം​ഘം പ​ത്മ​രാ​ജ​ൻ പെ​ട്രോ​ൾ വാ​ങ്ങി​യ ക​ന്നാ​സും മൊ​ബൈ​ൽ​ഫോ​ണും ക​ണ്ടെ​ടു​ത്തു മ​ട​ങ്ങി.

‘മ​ക​ൾ പ​ഠി​ക്ക​ണം, അച്​ഛ​നോ​ട് ക്ഷ​മി​ക്ക​ണം’

മ​ക​ൾ പ​ഠി​ക്ക​ണം, വി​ഷ​മി​ക്ക​രു​ത് അഛ​നോ​ട് ക്ഷ​മി​ക്ക​ണം, സ്വ​ന്ത​മാ​യി മൊ​ബൈ​ൽ ഫോ​ൺ ഉ​പ​യോ​ഗി​ക്ക​രു​തെ​ന്ന് മ​ക​ളോ​ട് പ​റ​യ​ണം -പൊ​ലീ​സ് ക​സ്റ്റ​ഡി​യി​ലി​രി​ക്കെ പ​ഞ്ചാ​യ​ത്ത് അം​ഗം​ത്തോ​ട് പ​ത്മ​രാ​ജ​ൻ പ​റ​ഞ്ഞ വാ​ക്കു​ക​ളാ​ണ്.

ശ്രീ​വി​നാ​യ​കാ കാ​റ്റ​റി​ങ് എ​ന്ന പേ​രി​ൽ കാ​റ്റ​റി​ങ് ന​ട​ത്തി​വ​രി​ക​യാ​യി​രു​ന്ന പ​ത്മ​രാ​ജ​ൻ ഈ ​മാ​സം 15ന് ​അ​ടു​ത്തു​ള്ള ഒ​രു വി​വാ​ഹ​ത്തി​ന് കാ​റ്റ​റി​ങ് ന​ട​ത്തു​ന്ന​തി​നാ​യി 22,000 രൂ​പ അ​ഡ്വാ​ൻ​സ് വാ​ങ്ങി​യി​രു​ന്നു. ത​നി​ക്ക് മ​റ്റൊ​രാ​ൾ ന​ൽ​കാ​നു​ള്ള 50,000 രൂ​പ​യും ചേ​ർ​ത്ത് 72000 രൂ​പ വി​വാ​ഹം ന​ട​ക്കേ​ണ്ട വീ​ട്ടു​കാ​ർ​ക്ക് ന​ൽ​ക​ണ​മെ​ന്നും ഗ്രാ​മ​പ​ഞ്ചാ​യ​ത്തം​ഗ​ത്തോ​ട് പ​റ​ഞ്ഞു.