അനിൽ അക്കര, ടി.എൻ പ്രതാപൻ
തൃശൂർ: ലൈഫ് മിഷൻ ഭവനപദ്ധതിയിലെ അഴിമതി പുറത്തുകൊണ്ടുവരാൻ നിയമപരമായ ഇടപെടൽ നടത്തുന്ന അനിൽ അക്കര എം.എൽ.എക്ക് പൊലീസ് സംരക്ഷണം ഏർപ്പെടുത്തണമെന്ന് കെ.പി.സി.സി രാഷ്ട്രീയകാര്യ സമിതി അംഗം ടി.എൻ. പ്രതാപൻ എം.പി. അനിൽ അക്കര എം.എൽ.എയെ അപായപ്പെടുത്തുമെന്ന് ഫോണിലൂടെയും വീടിൻെറ പരിസരത്തെത്തിയും ഭീഷണിപ്പെടുത്തുന്ന സാഹചര്യത്തിൽ പൊലീസ് സംരക്ഷണം ഏർപ്പെടുത്തണമെന്ന് ആഭ്യന്തര സെക്രട്ടറിക്കും ഡി.ജി.പിക്കും നൽകിയ കത്തിൽ ആവശ്യപ്പെടുന്നു.
എം.എൽ.എയെ അപായപ്പെടുത്താൻ ഡി.വൈ.എഫ്.ഐയെ കൂടാതെ വാടക സംഘങ്ങളെയും ഇറക്കിയതായി എം.പി ആരോപിച്ചു. ഭീഷണിപ്പെടുത്തിയാലും ആക്രമിച്ചാലും പിറകോട്ട് പോവില്ല. ഭരണകൂട പിന്തുണയോടെയുള്ള നീക്കമാണ് എം.എൽ.എക്കെതിരെ നടക്കുന്നത്.
രാഷ്ട്രീയമായാണെങ്കിൽ കോൺഗ്രസ് നേരിടുകയും സംരക്ഷണം നൽകുകയും ചെയ്യും. മറിച്ചായതിനാലാണ് സംരക്ഷണം ആവശ്യപ്പെടുന്നതെന്ന് എം.പി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.