വടകര: വീട്ടമ്മയെ ബോംബെറിഞ്ഞ് പരിക്കേൽപിച്ച കേസിൽ രണ്ടുപേർ അറസ്റ്റിൽ. തലശ്ശേരി കതിരൂർ പൊന്ന്യം തെക്കേ തയ്യിൽ എം.കെ. റംഷാദ് (29), തലശ്ശേരി പൊന്ന്യം പുലരി വായനശാലയിൽ പാറപ്പുറത്ത് നരോൺ ഹൗസിൽ ഷംജിത്ത് (27) എന്നിവരെയാണ് വടകര സി.ഐ ടി.പി. സുമേഷ് അറസ്റ്റ് ചെയ്തത്. 2023 ഫെബ്രുവരിയിൽ വടകര പുതുപ്പണം കറുകപ്പാലത്ത് താമസിക്കുന്ന വീട്ടമ്മയെ ബോബെറിഞ്ഞ് പരിക്കേൽപിച്ച സംഭവത്തിലാണ് അറസ്റ്റ്.
പരാതിക്കാരിയുടെ മകൾ പ്രണയിച്ച് വിവാഹം കഴിച്ചശേഷം ബന്ധം ഒഴിവാക്കി മറ്റൊരു വിവാഹം കഴിച്ചതിന്റെ വിരോധത്തിലാണ് ആക്രമണം നടത്തിയത്. ആക്രമണത്തിന് ഉപയോഗിച്ച ബൈക്കും പൊലീസ് കസ്റ്റഡിയിലെടുത്തു. വടകര ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതിയിൽ ഹാജരാക്കിയ റംഷാദിനെ റിമാൻഡ് ചെയ്തു. ഷംജിത്തിനെ വെള്ളിയാഴ്ച കോടതിയിൽ ഹാജരാക്കും. അന്വേഷണസംഘത്തിൽ സീനിയർ സി.പി.ഒമാരായ ഗണേശൻ, റിനീഷ് കൃഷ്ണ, രാജേഷ്, സിവിൽ പൊലിസ് ഓഫിസർമാരായ ബിജേഷ്, ഷാജി എന്നിവരും ഉണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.