കൂറ്റനാട്: സി.പി.എമ്മിന്‍റെ ഭീഷണിക്കും ഫാഷിസത്തിനും മുമ്പിൽ കീഴടങ്ങില്ലെന്ന് വി.ടി. ബൽറാം എം.എൽ.എ. അതിശക്തമായ പ്രവർത്തനങ്ങളുമായി മുന്നോട്ടു പോകും. വ്യാപക അക്രമങ്ങളും കല്ലേറുമാണ് ഡി.വൈ.എഫ്.ഐ നടത്തിയത്. ആക്രമണത്തിന് ആയുധങ്ങൾ ഉപയോഗിച്ചിട്ടുണ്ടെന്നും ബൽറാം ആരോപിച്ചു.
തനിക്ക് ആവശ്യമായ സുരക്ഷ ഒരുക്കുന്ന കാര്യത്തിൽ പൊലീസ് പരാജയപ്പെട്ടു. ആക്രമണത്തിൽ തനിക്ക് പരിക്കില്ല. പ്രവർത്തകരുടെ സംരക്ഷണയിലാണ് പരിപാടിയിൽ പങ്കെടുത്തത്. യു.ഡി.എഫ് -കോൺഗ്രസ് പ്രവർത്തകരുടെ കരുത്തിൽ ജനപ്രതിനിധി എന്ന നിലയിൽ മുന്നോട്ടു പോകുമെന്നും ബൽറാം മാധ്യമങ്ങളോട് വ്യക്തമാക്കി.
പാലക്കാട് കൂറ്റനാട് കാഞ്ഞിരത്താണിയിലെ ഒരു സ്വകാര്യ സ്ഥാപനത്തിന്‍റെ ഉദ്ഘാടനം നിർവഹിക്കാൻ എത്തിയ ബൽറാമിന് നേരെ ഡി.വൈ.എഫ്.ഐ പ്രതിഷേധിക്കുകയും കല്ലേറ് നടത്തുകയും ചെയ്തിരുന്നു. സംഭവത്തിൽ കോൺഗ്രസ് പ്രവർത്തകർക്കും സ്ത്രീകൾ ഉൾപ്പെടെ പൊതുജനങ്ങൾക്കും പൊലീസുകാർക്കും പരിക്കേറ്റിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.