വീട്ടമ്മമാർക്ക് ചില സമയ പാഠങ്ങൾ

ആഴ്ചയുടെ അവസാനം വിലപ്പെട്ടതാണ്. അടുത്ത ഒരാഴ്ചത്തേക്ക് അത്യാവശ്യം വേണ്ടതെല്ലാം ഒരുക്കിവെക്കാന്‍ വീക്കെന്‍ഡുകള്‍ ഉപയോഗിക്കുക. മീനും ഇറച്ചിയുംപോലും മസാലപുരട്ടി ഫ്രിഡ്ജിൽ തയാറാക്കിവെക്കാം.
ഏറ്റവും നന്നായി മനസ്സും തലച്ചോറും പ്രവർത്തിക്കുന്നത് പുലർച്ചയാണ്. ആ സമയം നന്നായി ഉപയോഗിക്കുക. നേരത്തേ ഉണരുന്നത് ശീലമാക്കുക. കുടുംബത്തിൽ എല്ലാവരെയും അത് ശീലിപ്പിക്കുക. വീട്ടമ്മമാത്രം രാവിലെ ഉണരുന്ന രീതി മാറേണ്ടതുണ്ട്.
കുടുംബത്തിലെ ജോലികൾ വിഭജിച്ചു നൽകുക. കുട്ടികൾക്കുപോലും ചെറിയ ചുമതലകൾ നൽകുക. ഉത്തരവാദിത്തങ്ങൾ ഏറ്റെടുത്ത സമയത്തിനുള്ളിൽ ചെയ്തുതീർക്കാനുള്ള കഴിവ് ആൺ-പെൺകുട്ടികളിൽ വളർത്തിക്കൊണ്ടുവരുക.
കുടുംബത്തിൽ എല്ലാവരെയും ചിട്ടയുള്ളവരാക്കുക. വീട് ആര് അലങ്കോലമാക്കിയാലും പരിഹരിക്കേണ്ട ഉത്തരവാദിത്തം പലപ്പോഴും വീട്ടമ്മയുടെ ചുമലിലാവും എത്തുക. അതുകൊണ്ട് വൃത്തിയുടെ പാഠങ്ങള്‍ എല്ലാവരെയും ശീലിപ്പിക്കുക.
ഓരോ ദിവസവും ഉറങ്ങുംമുമ്പ് അടുത്ത ദിവസം മനസ്സിൽ പ്ലാൻചെയ്യുക. ഓരോ ആഴ്ചയുടെ തുടക്കത്തിലും ആ ആഴ്ചത്തെ പ്രധാന കാര്യങ്ങൾ മനസ്സിൽ പ്ലാന്‍ ചെയ്യുക. അത്യാവശ്യം വേണ്ടതെല്ലാം കുറിച്ചുവെക്കുക.
വിനോദത്തിനും ചുറ്റിക്കറങ്ങാനും ഉല്ലസിക്കാനും ഷോപ്പിങ്ങിനുമൊക്കെ സമയം മാറ്റിവെക്കുക. പ്രധാന കാര്യങ്ങൾക്കിടയിൽ ഇതിനായി സമയം മാറ്റിവെക്കേണ്ടിവരുന്നത് ഒഴിവാക്കുക.
ഓര്‍മിപ്പിക്കാനും പ്ലാൻ ചെയ്യാനും റിെെമന്‍ഡര്‍, പ്ലാനിങ് മൊെെബൽ ആപ്പുകൾ ധാരാളമുണ്ട്. അവ ഉപയോഗിക്കാം.
ഷോപ്പിങ്ങിനുമുമ്പ് വാങ്ങേണ്ട സാധനങ്ങളുടെ ലിസ്റ്റ് തയാറാക്കി അതു മാത്രം വാങ്ങിനോക്കൂ. സമയവും പണവും ലാഭിക്കുന്നത് അറിയാനാവും. ലിസ്റ്റ് നൽകിയാൽ സാധനങ്ങൾ വീട്ടിലെത്തിക്കുന്ന കടകൾ ഇന്ന് ധാരാളമുണ്ട്. അത്തരം സാധ്യതകൾ ഉപയോഗിക്കുക.
ചെേയ്യണ്ട കാര്യങ്ങൾക്ക് അത്യാവശ്യം, ആവശ്യം, പിന്നീട് ചെയ്യാവുന്നത് എന്നിങ്ങനെ മുൻഗണന നിശ്ചയിക്കുക. പിന്നീട് ചെയ്യാനായി നീട്ടിവെക്കാൻ കഴിയുന്ന കാര്യങ്ങൾ അങ്ങനെ ചെയ്യുക. സഹായം ചോദിക്കാൻ സ്ത്രീകള്‍ മടിക്കരുത്. ജീവിതപങ്കാളിയോട്, കുടുംബത്തിലെ മറ്റ് അംഗങ്ങളോട് ഒക്കെ മടിക്കാതെ സഹായം ചോദിക്കുക.
ആരോഗ്യം എപ്പോഴും ശ്രദ്ധിക്കുക. രോഗസൂചനകളെ സ്ത്രീകള്‍ ഒരിക്കലും അവഗണിക്കരുത്. എത്ര തിരക്കുള്ള ജീവിതത്തിലും സ്വന്തം കാര്യങ്ങൾക്കായി സമയം മാറ്റിവെക്കുക. എന്നും നന്നായി ഉറങ്ങുക.
ഇൻറര്‍നെറ്റ് ഉപയോഗിക്കാൻ വീട്ടമ്മമാർ നിർബന്ധമായും പഠിച്ചിരിക്കണം. ഏതാണ്ട് എല്ലാ ബില്ലുകളും ഇന്ന് ഒാൺലൈൻ വഴി അടക്കാന്‍ കഴിയും. ഷോപ്പിങ് നടത്താനും ഡോക്ടറുടെ അപ്പോയിൻമെൻറ് എടുക്കാനും ഇന്ന് ഒാണ്‍െെലനിലൂടെ കഴിയും. ധാരാളം സമയം ഇതിലൂടെ ലാഭിക്കാം.
സമൂഹമാധ്യമങ്ങളുെട ഉപയോഗം നിയന്ത്രിക്കുക. ദിവസത്തിൽ പലതവണ വാട്സ്ആപ്പിലും ഫേസ്‌ബുക്കിലും ചുറ്റിത്തിരിയുന്നത് ഒഴിവാക്കുക. നമ്മളറിയാതെ അവ നമ്മുടെ സമയം ചോർത്തും. ചെയ്തുകൊണ്ടിരിക്കുന്ന കാര്യത്തില്‍നിന്ന് ശ്രദ്ധതിരിക്കും. സമൂഹമാധ്യമങ്ങളിലെ ഇടപെടലുകൾ നമ്മുടെ കരിയറിനും ജീവിതത്തിനും ഗുണമുള്ളതാക്കി മാറ്റുക.
മൂഡ് ഉള്ളപ്പോൾ ഏകാഗ്രതയോടെ കൂടുതൽ കാര്യങ്ങൾ ചെയ്യുക. എത്രനേരം ചെയ്യുന്നു എന്നതല്ല, എങ്ങനെ ചെയ്യുന്നു എന്നതാണ് പ്രധാനം. എല്ലാം പെര്‍ഫെക്ട് ആവണം എന്ന നിർബന്ധം ഒഴിവാക്കുക. അപൂര്‍ണതകൾ മനുഷ്യസഹജമാണ്. അതില്‍ അമിതമായ ആധി വേണ്ട.
ഒന്നിനുമായല്ലാതെ ചിലതു ചെയ്യാന്‍ ശ്രമിക്കുക. ഒരു പുതിയ ഭാഷ പഠിക്കാൻ നോക്കുക. അല്ലെങ്കില്‍ അപൂര്‍വമായ ഒരു ഹോബി കണ്ടെത്തുക. അതൊക്കെ ജീവിതത്തിന് പുതിയ ഉൗർജം നല്‍കും.
ഉള്ള സമയത്തെ സന്തോഷകരമാക്കുക. അടുക്കള ജോലിക്കിടെ പാട്ടുകേൾക്കാം. ജോലി ചെയ്യുമ്പോൾത്തന്നെ ടി.വിയിൽ അന്നത്തെ വാർത്തകൾ ശ്രദ്ധിക്കാം. ഇങ്ങനെ സമയത്തെ കൂട്ടിച്ചേർത്തു പ്രയോജനപ്പെടുത്തുക.

വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.

വീട്ടമ്മമാർക്ക് ചില സമയ പാഠങ്ങൾ

ഉപ്പിന്‍റെ ഉപയോഗം കൂടിയാൽ...!

ആരോഗ്യകരമായ കായിക ജീവിതം: കായിക ലക്ഷ്യങ്ങൾ സാക്ഷാത്കരിക്കാം

എന്താണ് ഡയബറ്റിക് ന്യൂറോപ്പതി? എങ്ങനെ പ്രതിരോധിക്കാം

അറിയാം, പ്രമേഹത്തെക്കുറിച്ചെല്ലാം...

കുട്ടിക്കളിയല്ല, കുട്ടികളിലെ പ്രമേഹം

ഊർജ്ജസ്വലരായിരിക്കാം... ആസ്റ്ററിനൊപ്പം

ആരോഗ്യരംഗത്ത് പുതുവിപ്ലവമായി മില്ലറ്റ്സ്

കുട്ടികളുടെ ആരോഗ്യം ശ്രദ്ധിക്കുക; മെഡിയോർ ഹോസ്പിറ്റലിൽ ചെക്കപ്പ്...

'മോഡേൺ റിസൊല്യൂഷൻസ്'; ആവശ്യമായ ആരോഗ്യ സംരക്ഷണ ഉപകരണങ്ങൾ പരിചയപ്പെടാം

ഹെപ്പറ്റൈറ്റിസ് കരുതൽ വേണം

'ഇത് പ്രവർത്തിക്കാനുള്ള സമയമാണ്'; ഹെപ്പറ്റൈറ്റിസിനെതിരെ കരുതൽ വേണം

ജിം പരിശീലകൻ കൂടുതൽ ഭാരമെടുക്കാൻ നിർബന്ധിച്ചു, യുവാവിന്‍റെ പേശികൾ...

വീ​ട്ട​മ്മ​മാ​ർക്ക് ചില സ​മ​യ ​പാ​ഠ​ങ്ങ​ൾ

വീട്ടമ്മമാർക്ക് ചില സമയ പാഠങ്ങൾ