മുഖക്കുരു മാറാന്‍
മുഖക്കുരുകൊണ്ട് വിഷമിക്കുന്നവരാണ് പലരും. പ്രത്യേകിച്ച് യുവതീയുവാക്കള്‍. മുഖക്കുരു ഒരു രോഗമല്ല. ഞെക്കിപ്പൊട്ടിക്കുകയോ കൈകൊണ്ട് തടവുകയോ ചെയ്യരുത്. മത്സ്യം, മാംസം, മുട്ട, വെണ്ണ, തൈര്, പരിപ്പ്, ചോക്ലറ്റ് എന്നിവ വര്‍ജിച്ചാല്‍ ഒരു പരിധിവരെ മുഖക്കുരുവിന് ആശ്വാസം കിട്ടും. പച്ചക്കറികളും പഴങ്ങളും പാലും പതിവായി കഴിക്കുന്നത് മുഖക്കുരുവിനെ അകറ്റിനിര്‍ത്താന്‍ സഹായിക്കും. പച്ചവെള്ളം കുടിക്കുന്നതും ശീലമാക്കുക.
മുഖകാന്തിക്ക്
രാമച്ചം, ഇരുവേലി, കസ്തൂരി മഞ്ഞള്‍, ഉഴുന്ന്, കടല, ചന്ദനം ഇവ സമമെടുത്ത് നന്നായി ഉണക്കിപ്പൊടിക്കുക. രാമച്ചം ഇട്ട് തിളപ്പിച്ച വെള്ളത്തില്‍ ഈ പൊടി കുഴച്ച് മുഖത്തും ദേഹത്തും തേച്ചുപിടിപ്പിക്കുക. അര മണിക്കൂര്‍ കഴിഞ്ഞ് കുളിക്കുക. ഇങ്ങനെ പതിവായി ചെയ്താല്‍ മുഖസൗന്ദര്യം വര്‍ധിക്കും.
നിത്യയൗവനത്തിന്
ത്രിഫല ദിവസവും സേവിക്കുന്നത് ആയുസ്സിനും ആരോഗ്യത്തിനും വളരെ ഗുണകരമാണ്. ഒരു കടുക്ക, രണ്ടു താന്നിക്ക, നാലു നെല്ലിക്ക എന്നിവ കുരുകളഞ്ഞ് എടുക്കുന്നതാണ് ത്രിഫല. ഇവ പൊടിച്ച് തേനില്‍ ചാലിച്ച് അത്താഴശേഷം ദിവസേന ഓരോ ടീസ്പൂണ്‍ വീതം കഴിച്ചാല്‍ വാര്‍ധക്യത്തില്‍പോലും രോഗങ്ങളെ അകറ്റാം. ശരീരത്തിന്‍െറ ബാഹ്യവും ആന്തരികവുമായ എല്ലാ പ്രവര്‍ത്തനങ്ങളും വളരെ കാര്യക്ഷമമായിത്തീരും.
അരിമ്പാറ
വൈറസ്മൂലമുണ്ടാകുന്ന രോഗമാണ് അരിമ്പാറ. ഇതൊഴിവാകാന്‍ കള്ളിപ്പാലില്‍ കടുക്ക അരച്ച് ശര്‍ക്കര ചേര്‍ത്ത് ലേപനം ചെയ്യുക.
ചുണങ്ങ്
ചുണങ്ങ് പകരുന്നതാണ്. ജീവകം എയുടെ കുറവുണ്ടായാല്‍ അതു പരിഹരിക്കണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.