നാൽപതോളം കുഞ്ഞുങ്ങളുടെ പോറ്റമ്മയായി സിസ്റ്റർ തെരേസ

ഇ​ര​വി​പു​രം: ഇ​ര​വി​പു​രം കാ​രു​ണ്യ​തീ​ര​ത്തി​ലെ ആ​രോ​രു​മി​ല്ലാ​ത്ത കു​ഞ്ഞു​ങ്ങ​ളു​ടെ​യും കു​ട്ടി​ക​ളു​ടെ​യും പോ​റ്റ​മ്മ​യാ​ണ്​ ച​ങ്ങ​നാ​ശ്ശേ​രി സ്വ​ദേ​ശി സി​സ്റ്റ​ർ തെ​രേ​സ. കു​ട്ടി​ക​ൾ അ​മ്മേ എ​ന്ന് വി​ളി​ക്കു​മ്പോ​ഴു​ള്ള സം​തൃ​പ്തി പ​റ​ഞ്ഞ​റി​യി​ക്കാ​നാ​വാ​ത്ത​താ​ണ​ന്ന്​ അ​വ​ർ പ​റ​യു​ന്നു.

അ​ന്തേ​വാ​സി​ക​ളാ​യ 40 ഓ​ളം കു​ഞ്ഞു​ങ്ങ​ൾ​ക്ക് ഈ ​അ​മ്മ പ​ക​രു​ന്ന സ്നേ​ഹം അ​ള​വ​റ്റ​താ​ണ്. ഇ​ന്ന​ത്തെ സു​ദി​നം മാ​തൃ​ദി​ന​മാ​യി ക​ട​ന്നെ​ത്തു​മ്പോ​ൾ ക​രു​ണ​യു​ടെ കാ​ണാ​ക്കാ​ഴ്ച​ക​ളി​ൽ നി​റ​യു​ക​യാ​ണ് ഈ ​സ്നേ​ഹ​മ​ന്ദി​രം. ദൈ​വ​ത്തി​ന്‍റെ മാ​ലാ​ഖ​യാ​യി നാ​ല് പ​തി​റ്റാ​ണ്ട് പി​ന്നി​ടു​ന്ന ഈ ​കാ​വ​ൽ മാ​ലാ​ഖ അ​മ്മേ എ​ന്ന കു​ഞ്ഞു​ങ്ങ​ളു​ടെ വി​ളി​യി​ൽ അ​ഭി​മാ​ന​ത്തി​ന്റെ ചി​റ​കി​ലേ​റു​ക​യാ​ണ്.

2001 ലാ​ണ് ഇ​ര​വി​പു​ര​ത്ത്​ ഒ​രു കു​ട്ടി​യു​മാ​യി കാ​രു​ണ്യ​തീ​രം ചാ​രി​റ്റ​ബി​ൾ ട്ര​സ്റ്റ് സ്ഥാ​പി​ക്കു​ന്ന​ത്. ആ​ദ്യം വാ​ട​ക​ക്കെ​ട്ടി​ട​ത്തി​ൽ ആ​യി​രു​ന്നെ​ങ്കി​ലും പി​ന്നീ​ട് സു​മ​ന​സ്സു​ക​ളു​ടെ സ​ഹാ​യ​ത്തോ​ടെ സ്ഥ​ലം വാ​ങ്ങി കെ​ട്ടി​ടം നി​ർ​മി​ച്ചു. പെ​റ്റ​മ്മ​യു​ടെ സ്നേ​ഹ​ത്തെ​ക്കാ​ൾ വ​ലി​യ സ്നേ​ഹ​മാ​ണ് കു​ഞ്ഞു​ങ്ങ​ൾ​ക്ക് ഇ​വി​ടെ നി​ന്ന്​ ല​ഭി​ക്കു​ന്ന​ത്. ഒ​രു സ​മ​യം നി​ര​വ​ധി പേ​രാ​ണ് അ​മ്മേ എ​ന്ന് വി​ളി​ച്ചു​കൊ​ണ്ട് അ​ടു​ത്തേ​ക്കെ​ത്തു​ന്ന​ത്.

അ​ഞ്ചു​മു​ത​ൽ 18 വ​യ​സ്സ് വ​രെ​യു​ള്ള കു​ട്ടി​ക​ൾ ഇ​വി​ടെ​യു​ണ്ട്. ഒ​രു മാ​താ​വി​ൽ നി​ന്ന്​ ല​ഭി​ക്കേ​ണ്ട സ്നേ​ഹ​വാ​ത്സ​ല്യ​ങ്ങ​ൾ സി​സ്റ്റ​ർ തെ​രേ​സ​യി​ൽ​നി​ന്ന്​ ഇ​വ​ർ​ക്ക് ല​ഭി​ക്കു​ന്നു​ണ്ട്. പ​ഠ​ന​ത്തി​ലും മു​ന്നി​ലു​ള്ള കു​ട്ടി​ക​ളി​ൽ പ​ല​രും ഫു​ൾ എ ​പ്ല​സ് വാ​ങ്ങി​യാ​ണ് വി​ജ​യി​ക്കു​ന്ന​ത്.

കു​ട്ടി​ക​ളു​ടെ മാ​ന​സി​കോ​ല്ലാ​സ​ത്തി​നാ​യു​ള്ള എ​ല്ലാ സൗ​ക​ര്യ​ങ്ങ​ളും ഇ​വ​ർ ചെ​യ്തു​കൊ​ടു​ക്കാ​റു​ണ്ട്. അ​മ്മ​മാ​ർ​ക്കാ​യി ഓ​ൾ​ഡ്​ ഏ​ജ് ഹോ​മും ഇ​തോ​ടൊ​പ്പം ഇ​വ​ർ ന​ട​ത്തു​ന്നു​ണ്ട്. 20 വ​ർ​ഷ​ത്തോ​ളം ഇ​റ്റ​ലി​യി​ലെ കോ​ൺ​വെ​ന്റി​ലാ​യി​രു​ന്ന സി​സ്റ്റ​ർ തെ​രേ​സ മ​ട​ങ്ങി​യെ​ത്തി​യാ​ണ് കാ​രു​ണ്യ​തീ​രം ആ​രം​ഭി​ച്ച​ത്.