ശ​ബ​രി​മ​ല; അന്നദാനത്തിൽ പ​ങ്കെടുത്തത്​ ആറരലക്ഷം തീർഥാടകർ

ശ​ബ​രി​മ​ല: മ​ണ്ഡ​ല​കാ​ല​ത്ത് ആ​റ​ര​ല​ക്ഷ​ത്തോ​ളം ഭ​ക്ത​ർ​ക്ക്​ അ​ന്ന​മേ​കി ദേ​വ​സ്വം ബോ​ർ​ഡി​ന്റെ അ​ന്ന​ദാ​ന മ​ണ്ഡ​പം.

ശ​ബ​രി​മ​ല ദ​ർ​ശ​ന​ത്തി​നെ​ത്തു​ന്ന ഭ​ക്ത​ർ​ക്ക്​ സൗ​ജ​ന്യ ഭ​ക്ഷ​ണം ന​ൽ​കു​ന്ന ദേ​വ​സ്വം ബോ​ർ​ഡി​ന്റെ അ​ന്ന​ദാ​ന മ​ണ്ഡ​പ​ത്തി​ൽ പ്ര​തി​ദി​നം 17,000 പേ​രാ​ണ് മൂ​ന്നു​നേ​ര​ങ്ങ​ളി​ലാ​യി ഭ​ക്ഷ​ണ​ത്തി​ന് എ​ത്തു​ന്ന​ത്. ഇ​ക്കു​റി മ​ണ്ഡ​ല​കാ​ലം ആ​രം​ഭി​ച്ച​തു മു​ത​ൽ വെ​ള്ളി​യാ​ഴ്ച രാ​വി​ലെ വ​രെ 6,35,000 പേ​ർ അ​ന്ന​ദാ​ന​ത്തി​ൽ പ​ങ്കെ​ടു​ത്തി​ട്ടു​ണ്ടെ​ന്ന് സ്പെ​ഷ​ൽ ഓ​ഫി​സ​ർ എ​സ്. സു​നി​ല്‍കു​മാ​ർ പ​റ​ഞ്ഞു. ശ​ബ​രി​മ​ല​യി​ലെ​ത്തു​ന്ന ഭ​ക്ത​രി​ല്‍നി​ന്നും മ​റ്റു​ള്ള​വ​രി​ൽ​നി​ന്നു​മു​ള്ള സം​ഭാ​വ​ന​യാ​യി 87 ല​ക്ഷം രൂ​പ​യാ​ണ് അ​ന്ന​ദാ​ന പ​ദ്ധ​തി​ക്കാ​യി ല​ഭി​ച്ച​ത്. മാ​ളി​ക​പ്പു​റം ക്ഷേ​ത്ര​ത്തി​നു സ​മീ​പ​മാ​ണ് ആ​ധു​നി​ക​രീ​തി​യി​ൽ പ​ണി​ക​ഴി​പ്പി​ച്ച ദേ​വ​സ്വം ബോ​ര്‍ഡി​ന്റെ അ​ന്ന​ദാ​ന മ​ണ്ഡ​പം. ഒ​രു​നേ​രം 7000 പേ​ര്‍ക്ക് ഇ​വി​ടെ ഭ​ക്ഷ​ണം ക​ഴി​ക്കാ​ൻ സാ​ധി​ക്കും. മൂ​ന്നു ഷി​ഫ്റ്റു​ക​ളി​ലാ​യി 240 പേ​രാ​ണി​വി​ടെ ജോ​ലി​ചെ​യ്യു​ന്ന​ത്. പ്ര​ഭാ​ത ഭ​ക്ഷ​ണ​മാ​യി ഉ​പ്പു​മാ​വ്, ക​ട​ല​ക്ക​റി, ചു​ക്കു​കാ​പ്പി, ചു​ക്കു​വെ​ള്ളം എ​ന്നി​വ രാ​വി​ലെ 6.30 മു​ത​ല്‍ 11 മ​ണി വ​രെ വി​ത​ര​ണം ചെ​യ്യും.

ഉ​ച്ച​ക്ക് 12 മു​ത​ല്‍ 3.30 വ​രെ പു​ലാ​വ്, അ​ച്ചാ​ർ, സാ​ല​ഡ്, ചു​ക്കു​വെ​ള്ളം എ​ന്നി​വ​യും രാ​ത്രി​ഭ​ക്ഷ​ണ​മാ​യി വൈ​കീ​ട്ട് 6.30 മു​ത​ല്‍ 11.15 വ​രെ ക​ഞ്ഞി പ​യ​ര്‍ എ​ന്നി​വ​യു​മാ​ണ് ന​ല്‍കു​ന്ന​ത്. ദി​വ​സ​വും മൂ​ന്നു​നേ​രം പു​ല്‍ത്തൈ​ലം അ​ട​ക്ക​മു​ള്ള​വ ഉ​പ​യോ​ഗി​ച്ച് യ​ന്ത്ര​സ​ഹാ​യ​ത്തോ​ടെ മ​ണ്ഡ​പം അ​ണു​മു​ക്ത​മാ​ക്കും.

പാ​ത്ര​ങ്ങ​ൾ ഇ​ല​ക്​​ട്രി​ക്ക​ല്‍ ഡി​ഷ് വാ​ഷ​റു​പ​യോ​ഗി​ച്ച് ക​ഴു​കാ​നു​ള്ള സം​വി​ധാ​ന​വു​മൊ​രു​ക്കി​യി​ട്ടു​ണ്ട്.