നൂ​റാം വാ​ർ​ഷി​കം; സ്കൂ​ൾ മാ​തൃ​ക നി​ർ​മി​ച്ച് പൂ​ർ​വ വി​ദ്യാ​ർ​ഥി

കൊ​ടു​ങ്ങ​ല്ലൂ​ർ: അ​റി​വി​ന്‍റെ ആ​ദ്യ​ക്ഷ​ര​ങ്ങ​ൾ പ​ക​ർ​ന്ന വി​ദ്യാ​ല​യ​ത്തി​ന്റെ നൂ​റാം വാ​ർ​ഷി​ക​ത്തിൽ പ​ഴ​യ മാ​തൃ​ക നി​ർ​മി​ച്ച് പൂ​ർ​വ വി​ദ്യാ​ർ​ഥി. എ​റി​യാ​ട് ഗ​വ. കേ​ര​ള​വ​ർ​മ ഹ​യ​ർ സെ​ക്ക​ൻ​ഡ​റി സ്കൂ​ളി​ലെ പ​ഴ​യ​കാ​ല നി​ർ​മി​തി​ക​ൾ ഇ​തേ വി​ദ്യാ​ല​യ​ത്തി​ലെ പൂ​ർ​വ വി​ദ്യാ​ർ​ഥി​യും ക​ലാ​പ്ര​തി​ഭ​യു​മാ​യ റ​ഹിം റൈ​യിം​സാ​ണ് മി​നി​യേ​ച്ച​ർ രൂ​പ​ത്തി​ൽ നി​ർ​മി​ച്ച​ത്. സ്കൂ​ളി​ന്റെ നൂ​റാം വാ​ർ​ഷി​കാ​ഘോ​ഷ സ​മാ​പ​ന സ​മ്മേ​ള​ന വേ​ദി​യി​ൽ ഇ​ത്​ ജ​ന​ശ്ര​ദ്ധ​യാ​ക​ർ​ഷി​ച്ചു.

ആ​ഘോ​ഷ പ​രി​പാ​ടി​ക​ൾ​ക്ക് നേ​തൃ​ത്വം ന​ൽ​കു​ന്ന അ​ലും​നി അ​സോ​സി​യേ​ഷ​ന് വേ​ണ്ടി​യാ​ണ് ഈ ​ക​ലാ​കാ​ര​ൻ പ​ഠി​ച്ചും ക​ളി​ച്ചും വ​ള​ർ​ന്ന സ്കൂ​ളി​ന്റെ പൂ​ർ​വ​മാ​തൃ​ക ത​യാ​റാ​ക്കി​യ​ത്. ഫോ​റെ​ക്സ് ഷീ​റ്റും മ​റ്റും ഉ​പ​യോ​ഗി​ച്ച്​ ഒ​രു മാ​സ​ത്തോ​ള​മെ​ടു​ത്താ​ണ് പൊ​ളി​ച്ചു​പോ​യ​തും അ​ല്ലാ​ത്ത​തു​മാ​യ 16 കെ​ട്ടി​ട​ങ്ങ​ൾ ത​യാ​റാ​ക്കി​യ​ത്. സ​ഹോ​ദ​രീ പു​ത്ര​ന്മാ​രാ​യ ഉ​മ​റു​ൽ ഫാ​റൂ​ക്കും മു​ഹ​മ്മ​ദ്‌ മു​ഖ്ത്താ​റും സ​ഹാ​യി​ക​ളാ​യി​രു​ന്നു. വ​ലി​യ സ്വീ​കാ​ര്യ​ത​യാ​ണ് സൃ​ഷ്ടി​ക്ക് ല​ഭി​ക്കു​ന്ന​ത്. അ​ന്താ​രാ​ഷ്ട്ര നി​ല​വാ​ര​ത്തി​ലേ​ക്ക് ഉ​യ​രു​ന്ന സ്കൂ​ളി​ൽ അ​ലു​മ്നി നി​ർ​മി​ക്കു​ന്ന മ്യൂ​സി​യ​ത്തി​ൽ ഇ​ത്​ സ്ഥാ​പി​ക്കും.