മതപരിവർത്തന നിരോധന നിയമം: ക്രിസ്ത്യൻ സംഘടനകൾ കോടതിയിലേക്ക്

ബം​ഗ​ളൂ​രു: ക​ർ​ണാ​ട​ക​യി​ലെ വി​വാ​ദ​മാ​യ മ​ത​പ​രി​വ​ർ​ത്ത​ന നി​രോ​ധ​ന നി​യ​മ​ത്തി​നെ​തി​രെ (ക​ർ​ണാ​ട​ക മ​ത സ്വാ​ത​ന്ത്ര്യ അ​വ​കാ​ശ സം​ര​ക്ഷ​ണ ബി​ൽ -2021) ക്രി​സ്ത്യ​ൻ സം​ഘ​ട​ന​ക​ൾ നി​യ​മ​ന​ട​പ​ടി സ്വീ​ക​രി​ക്കു​ന്നു. ഏ​ത് മ​ത​വും സ്വീ​ക​രി​ക്കാ​നു​ള്ള പൗ​ര​ന്മാ​രു​​ടെ മൗ​ലി​കാ​വ​കാ​ശ​ത്തെ ഹ​നി​ക്കു​ന്ന​താ​ണ് നി​യ​മ​മെ​ന്നും സം​സ്ഥാ​ന​ത്തെ ക്രി​സ്ത്യ​ൻ സ​മു​ദാ​യ​ത്തി​ന് ആ​ശ​ങ്ക​യു​ണ്ടാ​ക്കു​ന്ന​താ​ണി​തെ​ന്നും സ​മു​ദാ​യ നേ​താ​ക്ക​ൾ പ​റ​യു​ന്നു.

മ​തം​മാ​റ്റ നി​രോ​ധ​ന നി​യ​മം ക​ർ​ണാ​ട​ക​യി​ലെ എ​ല്ലാ ക്രി​സ്ത്യ​ൻ സ​മു​ദാ​യാം​ഗ​ങ്ങ​ൾ​ക്കും ആ​ശ​ങ്ക​യും ഭ​യ​വും ഉ​ള​വാ​ക്കു​ന്ന​താ​ണെ​ന്ന് ബാം​ഗ്ലൂ​ർ ആ​ർ​ച്ച്ഡ​യോ​സി​സ് പി.​ആ​ർ.​ഒ​യും വ​ക്താ​വു​മാ​യ ജെ.​എ. കാ​ന്ത്​​രാ​ജ് പ​റ​ഞ്ഞു. വി​ദ്യാ​ഭ്യാ​സം, ആ​രോ​ഗ്യം, സാ​മൂ​ഹി​ക സേ​വ​നം തു​ട​ങ്ങി​യ മേ​ഖ​ല​ക​ളി​ൽ സ​മു​ദാ​യം ചെ​യ്ത വി​ല​മ​തി​ക്കാ​നാ​വാ​ത്ത സേ​വ​ന​ങ്ങ​ൾ ക​ണ​ക്കി​ലെ​ടു​ക്കാ​തെ അ​വ​രെ ച​തി​ക്കു​ക​യാ​ണ് സ​ർ​ക്കാ​ർ ചെ​യ്ത​തെ​ന്ന് അ​ദ്ദേ​ഹം പ​റ​ഞ്ഞു.

നി​യ​മ​ത്തി​ൽ പ​റ​യു​ന്ന വ്യ​വ​സ്ഥ​ക​ൾ ക്രൂ​ര​വും വേ​ദ​ന​ജ​ന​ക​വു​മാ​ണ്. നി​യ​മ​ത്തി​ന്‍റെ സ്വ​ഭാ​വം ത​ന്നെ അ​ത്ത​ര​ത്തി​ലു​ള്ള​താ​ണെ​ന്നും വ​ക്താ​വ് പ​റ​ഞ്ഞു.

ബ​സ​വ​രാ​ജ് ബൊ​മ്മൈ മു​ഖ്യ​മ​ന്ത്രി​യാ​യി ചു​മ​ത​ല​യേ​റ്റ ശേ​ഷം സം​സ്ഥാ​ന​ത്ത് പ​ട​രു​ന്ന വ​ർ​ഗീ​യ അ​സ​ഹി​ഷ്ണു​ത​ക്ക് പി​ൻ​ബ​ലം ന​ൽ​കു​ന്ന​താ​ണ് പു​തി​യ നി​യ​മ​മെ​ന്നാ​ണ്​ വ്യാ​പ​ക ആ​രോ​പ​ണം ഉ​യ​രു​ന്ന​ത്.

ഉ​ത്ത​ർ​പ്ര​ദേ​ശ്, മ​ധ്യ​പ്ര​ദേ​ശ്, ഹി​മാ​ച​ൽ പ്ര​ദേ​ശ് എ​ന്നീ സം​സ്ഥാ​ന​ങ്ങ​ളും നേ​ര​ത്തേ സ​മാ​ന നി​യ​മം പാ​സാ​ക്കി​യി​രു​ന്നു. നി​യ​മ​ത്തി​നെ​തി​രെ നി​യ​മ​ന​ട​പ​ടി​ക​ൾ സ്വീ​ക​രി​ക്കു​മെ​ന്ന്​ ക​ർ​ണാ​ട​ക മേ​ഖ​ല കാ​ത്ത​ലി​ക് ബി​ഷ​പ്സ് കൗ​ൺ​സി​ൽ അ​ധ്യ​ക്ഷ​നും ബം​ഗ​ളൂ​രു ആ​ർ​ച്​ ബി​ഷ​പ്പു​മാ​യ പീ​റ്റ​ർ മ​ച്ചാ​ഡോ പ​റ​ഞ്ഞു. ഇ​തി​നാ​യി മ​തേ​ത​ര സം​ഘ​ട​ന​ക​ളു​മാ​യും മ​റ്റും കൂ​ടി​യാ​ലോ​ച​ന​ക​ൾ ന​ട​ത്തും. ക​ർ​ണാ​ട​ക​യി​ലെ എ​ല്ലാ ബി​ഷ​പ്പു​മാ​രും ക്രി​സ്ത്യ​ൻ നേ​താ​ക്ക​ളും ഇ​ക്കാ​ര്യ​ത്തി​ൽ ച​ർ​ച്ച​ക​ൾ ന​ട​ത്തു​മെ​ന്നും നി​യ​മ​ത്തി​നെ​തി​രെ കോ​ട​തി​യെ സ​മീ​പി​ക്കു​മെ​ന്നും അ​ദ്ദേ​ഹം പ​റ​ഞ്ഞു.

നി​യ​മ​ത്തി​നെ​തി​രെ മു​ഖ്യ​പ്ര​തി​പ​ക്ഷ ക​ക്ഷി​യാ​യ കോ​ൺ​ഗ്ര​സും രൂ​ക്ഷ​മാ​യി പ്ര​തി​ക​രി​ച്ചി​ട്ടു​ണ്ട്. തൊ​ഴി​ലി​ല്ലാ​യ്മ​യും വി​ല​ക്ക​യ​റ്റ​വും കൊ​ണ്ട്​ നാ​ട്​ ദു​രി​ത​ത്തി​ലാ​കു​മ്പോ​ൾ അ​ത്​ മ​റ​ക്കാ​നു​ള്ള ചെ​പ്പ​ടി വി​ദ്യ​ക​ളാ​ണ്​ സ​ർ​ക്കാ​ർ മ​തം​മാ​റ്റ​നി​രോ​ധ​നി​യ​മ​ത്തി​ലൂ​ടെ പ്ര​യോ​ഗി​ക്കു​ന്ന​തെ​ന്നാ​ണ് കോ​ൺ​ഗ്ര​സി​ന്റെ ആ​രോ​പ​ണം.

ഭ​ര​ണ​ഘ​ട​ന പൗ​ര​ന്മാ​ർ​ക്ക്​ ന​ൽ​കു​ന്ന മൗ​ലി​കാ​വ​കാ​ശ​ങ്ങ​ൾ ഹ​നി​ക്കു​ന്ന​താ​ണ്​ നി​യ​മ​മെ​ന്നാ​ണ്​ പ്ര​ധാ​ന വി​മ​ർ​ശ​ന​മു​യ​രു​ന്ന​ത്. മ​ത​പ​രി​വ​ർ​ത്ത​ന നി​രോ​ധ​ന ബി​ല്ലി​നെ​തി​രെ യു​നൈ​റ്റ​ഡ്​ ക്രി​സ്ത്യ​ൻ ഫോ​റം ക​ർ​ണാ​ട​ക ഹൈ​കോ​ട​തി​യി​ൽ നേ​ര​ത്തേ ത​ന്നെ പൊ​തു​താ​ൽ​പ​ര്യ ഹ​ര​ജി ന​ൽ​കി​യി​രു​ന്നു. ക​ഴി​ഞ്ഞ ഡി​സം​ബ​ർ 23നാ​ണ്​ സം​സ്ഥാ​ന​സ​ർ​ക്കാ​ർ മ​ത​പ​രി​വ​ർ​ത്ത​ന നി​രോ​ധ​ന ബി​ൽ കൊ​ണ്ടു​വ​ന്ന​ത്. ബി​ൽ ഇ​ന്ത്യ​ൻ ഭ​ര​ണ​ഘ​ട​ന​ക്കും മ​തേ​ത​ര ത​ത്ത്വ​ങ്ങ​ൾ​ക്കും എ​തി​രാ​ണെ​ന്നാ​ണ് ഹ​ര​ജി​യി​ൽ പ​റ​യു​ന്ന​ത്. ബി​ല്ലി​ലെ വ്യ​വ​സ്ഥ​ക​ൾ ന്യൂ​ന​പ​ക്ഷ​വി​ഭാ​ഗ​ങ്ങ​ൾ​ക്കെ​തി​രെ വെ​റു​പ്പ്​ പ​ട​ർ​ത്തു​ന്ന​തു​മാ​ണെ​ന്നും ഹ​ര​ജി​യി​ൽ പ​റ​യു​ന്നു​ണ്ട്.

സെ​പ്​​റ്റം​ബ​ർ 15ന്​ ​ചേ​ർ​ന്ന നി​യ​മ​നി​ർ​മാ​ണ കൗ​ൺ​സി​ലാ​ണ്​ നി​യ​മം പാ​സാ​ക്കി​യ​ത്. ​

ഉ​പ​രി​സ​ഭ​യാ​യ നി​യ​മ​നി​ർ​മാ​ണ കൗ​ൺ​സി​ലി​ലും നി​യ​മം പാ​സാ​യ​തോ​ടെ ഗ​വ​ർ​ണ​ർ ഒ​പ്പി​ടു​ക​യും നി​യ​മം പ്രാ​ബ​ല്യ​ത്തി​ലാ​കു​ക​യും ചെ​യ്യും. ഏ​ഴ്​ മ​ണി​ക്കൂ​ർ നീ​ണ്ട ച​ർ​ച്ച​ക്കൊ​ടു​വി​ൽ മു​ഖ്യ​പ്ര​തി​പ​ക്ഷ ക​ക്ഷി​യാ​യ കോ​ൺ​ഗ്ര​സി​ന്‍റെ പ്ര​തി​ഷേ​ധ​ത്തി​നി​ടെ​യാ​ണ്​ ശ​ബ്​​ദ​വോ​ട്ടോ​ടെ ബി​ൽ പാ​സാ​ക്കി​യ​ത്.

നി​ർ​ബ​ന്ധി​ത മ​ത​പ​രി​വ​ർ​ത്ത​ന​ത്തി​ന് 10 വ​ർ​ഷം വ​രെ ത​ട​വ് ഉ​ൾ​പ്പെ​ടെ​യു​ള്ള ക​ടു​ത്ത ശി​ക്ഷ ഉ​റ​പ്പാ​ക്കു​ന്ന​താ​ണ് നി​യ​മം. തെ​റ്റി​ദ്ധ​രി​പ്പി​ക്ക​ൽ, നി​ർ​ബ​ന്ധി​ക്ക​ൽ, ച​തി, സ്വാ​ധീ​നം, ബ​ല​പ്ര​യോ​ഗം, വ​ശീ​ക​ര​ണം, വി​വാ​ഹം, പ​ണ​മോ മ​റ്റു സാ​ധ​ന​ങ്ങ​ളോ വാ​ഗ്ദാ​നം ചെ​യ്യു​ക തു​ട​ങ്ങി​യ മാ​ർ​ഗ​ങ്ങ​ളി​ലൂ​ടെ ഒ​രാ​ളെ ഒ​രു മ​ത​ത്തി​ൽ​നി​ന്ന് മ​റ്റൊ​രു മ​ത​ത്തി​ലേ​ക്ക് മാ​റ്റു​ന്ന​ത് കു​റ്റ​കൃ​ത്യ​മാ​യി പ​രി​ഗ​ണി​ക്കും. മ​തം​മാ​റ്റ​ത്തി​ന് വേ​ണ്ടി​യു​ള്ള വി​വാ​ഹ​ങ്ങ​ൾ അ​സാ​ധു​വാ​ക്കു​ക​യും കു​റ്റ​കൃ​ത്യ​മാ​ക്കു​ക​യും ചെ​യ്യും. മ​തം മാ​റാ​ൻ ആ​ഗ്ര​ഹി​ക്കു​ന്ന​യാ​ൾ ര​ണ്ടു മാ​സം മു​മ്പ് ജി​ല്ല ഡെ​പ്യൂ​ട്ടി ക​മീ​ഷ​ണ​ർ​ക്ക് (ഡി.​സി) അ​പേ​ക്ഷ ന​ൽ​ക​ണ​മെ​ന്ന വ്യ​വ​സ്ഥ​യു​മു​ണ്ട്. എ​സ്.​സി, എ​സ്.​ടി വി​ഭാ​ഗ​ത്തി​ൽ നി​ന്നോ പ്രാ​യ​പൂ​ർ​ത്തി​യാ​കാ​ത്ത​വ​രെ​യോ സ്ത്രീ​ക​ളെ​യോ മ​റ്റു മ​ത​ങ്ങ​ളി​ലേ​ക്ക് മാ​റ്റാ​ൻ ശ്ര​മി​ക്കു​ന്ന​വ​ർ​ക്ക് മൂ​ന്നു വ​ർ​ഷം മു​ത​ൽ പ​ത്തു​വ​ർ​ഷം വ​രെ ത​ട​വും അ​ര​ല​ക്ഷ​ത്തി​ൽ കു​റ​യാ​ത്ത പി​ഴ​യു​മാ​ണ് ശി​ക്ഷ.

പൊ​തു​വി​ഭാ​ഗ​ത്തി​ലു​ള്ള​വ​രെ മ​തം മാ​റ്റി​യാ​ൽ മൂ​ന്നു വ​ർ​ഷം മു​ത​ൽ അ​ഞ്ചു​വ​ർ​ഷം വ​രെ ജ​യി​ൽ​ശി​ക്ഷ​യും 25,000 രൂ​പ പി​ഴ​യും ല​ഭി​ക്കും. കൂ​ട്ട മ​ത​പ​രി​വ​ർ​ത്ത​ന​ത്തി​ന് മൂ​ന്നു വ​ർ​ഷം മു​ത​ൽ പ​ത്തു​വ​ർ​ഷം വ​രെ ജ​യി​ൽ​ശി​ക്ഷ​യും ഒ​രു ല​ക്ഷം രൂ​പ വ​രെ പി​ഴ​യും ല​ഭി​ക്കാ​മെ​ന്ന​താ​ണ് വ്യ​വ​സ്ഥ. ചു​രു​ക്ക​ത്തി​ൽ, ഏ​ത്​ ത​ര​ത്തി​ലു​ള്ള മ​തം മാ​റ്റ​വും നി​യ​മ​ത്തി​ന്‍റെ പ​രി​ധി​യി​ലാ​വു​ന്ന ത​ര​ത്തി​ലു​ള്ള​വ​യാ​ണ്​ ഇ​തി​ലെ വ്യ​വ​സ്ഥ​ക​ൾ. ക​ഴി​ഞ്ഞ വ​ർ​ഷം ഡി​സം​ബ​റി​ൽ ക​ർ​ണാ​ട​ക നി​യ​മ​സ​ഭ ബി​ൽ പാ​സാ​ക്കി​യി​രു​ന്നു. എ​ന്നാ​ൽ ഉ​പ​രി​സ​ഭ​യാ​യ നി​യ​മ​നി​ർ​മാ​ണ കൗ​ൺ​സി​ലി​ൽ ബി.​ജെ.​പി​ക്ക്​ ഭൂ​രി​പ​ക്ഷ​മി​ല്ലാ​ത്ത​തി​നാ​ൽ ബി​ൽ ഓ​ർ​ഡി​ന​ൻ​സാ​യാ​ണ് അ​വ​ത​രി​പ്പി​ച്ച​ത്.

മ​ത​പ​രി​വ​ർ​ത്ത​ന നി​രോ​ധ​ന നി​യ​മം സാ​മൂ​ഹി​ക വി​ഭ​ജ​ന​ത്തി​നും സ്പ​ർ​ധ​ക്കും വ​ഴി​വെ​ക്കു​മെ​ന്നും ഓ​ർ​ഡി​ന​ൻ​സി​ൽ ഒ​പ്പി​ട​രു​തെ​ന്നും ആ​വ​ശ്യ​പ്പെ​ട്ട് ബം​ഗ​ളൂ​രു ആ​ർ​ച് ബി​ഷ​പ്​ ഡോ. ​പീ​റ്റ​ർ മ​ച്ചാ​ഡോ ഗ​വ​ർ​ണ​ർ​ക്ക് നി​വേ​ദ​നം ന​ൽ​കി​യി​രു​ന്നു. എ​ന്നാ​ൽ ഇ​തി​ന് തൊ​ട്ടു​പി​റ​കെ ഗ​വ​ർ​ണ​ർ ഓ​ർ​ഡി​ന​ൻ​സി​ന് അ​നു​മ​തി ന​ൽ​കു​ക​യാ​യി​രു​ന്നു.