ബംഗളൂരു: ആട് മാംസം എന്ന നിലയിൽ രാജസ്ഥാനിൽ നിന്ന് ട്രെയിനിൽ എത്തുന്നത് നായിറച്ചിയെന്ന് ആക്ഷേപം. ഹോട്ടലുകളിൽ വിതരണം ചെയ്യുന്നതിന് വെള്ളിയാഴ്ച എത്തിയ പാർസലുകളിലെ സാമ്പ്ളുകൾ ആക്ഷേപത്തെത്തുടർന്ന് രാസപരിശോധനക്കയച്ചതായി ഭക്ഷ്യസുരക്ഷ അധികൃതർ ശനിയാഴ്ച അറിയിച്ചു. വെള്ളിയാഴ്ച വൈകീട്ട് ട്രെയിനിൽ എത്തിയ 90 പാർസലുകളിൽ ആട് മാംസമുണ്ടായിരുന്നു. ഇതിൽ നായിറച്ചിയുമുണ്ടെന്ന ആക്ഷേപമാണ് ഉയർന്നതെന്ന് ഭക്ഷ്യസുരക്ഷ കമീഷണറേറ്റ് പറഞ്ഞു. ആൾക്കൂട്ടം പ്രതിഷേധവുമായി രംഗത്തുവന്നു. പൊലീസ് സംഘത്തിന്റെ സംരക്ഷണത്തിൽ റെയിൽവേ സ്റ്റേഷനിൽ എത്തിയ ഭക്ഷ്യസുരക്ഷ ഉദ്യോഗസ്ഥർ റെയിൽവേ സ്റ്റേഷനിൽ നിന്നു തന്നെ മാംസം പിടിച്ചെടുക്കുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.