ഹാ​വേ​രി​യി​ൽ ന​ഴ്സി​ന്റെ കൊ​ല​പാ​ത​കം; ര​ണ്ട് പ്ര​തി​ക​ൾ​ കൂ​ടി അ​റ​സ്റ്റി​ൽ

ബം​ഗ​ളൂ​രു: ഹാ​വേ​രി ര​ത്തി​ഹ​ള്ളി താ​ലൂ​ക്കി​ലെ മ​സൂ​രു സ്വ​ദേ​ശി​യാ​യ ന​ഴ്സ് സ്വാ​തി ബ്യാ​ദ​ഗി​യെ (22) കൊ​ല​പ്പെ​ടു​ത്തി​യ കേ​സി​ൽ ര​ണ്ടു​പേ​രെ കൂ​ടി പൊ​ലീ​സ് അ​റ​സ്റ്റ് ചെ​യ്തു. നേ​ര​ത്തേ അ​റ​സ്റ്റി​ലാ​യ ഒ​ന്നാം പ്ര​തി നി​യാ​സി​ന് പു​റ​മെ വി​ന​യ്, ദു​ർ​ഗാ​ചാ​രി എ​ന്നി​വ​രെ​യാ​ണ് വെ​ള്ളി​യാ​ഴ്ച രാ​ത്രി ഹ​ല​ഗേ​രി പൊ​ലീ​സ് അ​റ​സ്റ്റ് ചെ​യ്ത​ത്. ഈ ​മാ​സം ആ​റി​നാ​ണ് റാ​ണി​ബെ​ന്നൂ​ർ പ​ട്ടേ​പു​ര ഗ്രാ​മ​ത്തി​ലെ തും​ഗ​ഭ​ദ്ര ന​ദി​യി​ൽ സ്വാ​തി​യെ മ​രി​ച്ച​നി​ല​യി​ൽ ക​ണ്ടെ​ത്തി​യ​ത്.

അ​ജ്ഞാ​ത മൃ​ത​ദേ​ഹം എ​ന്ന നി​ല​യി​ൽ സം​സ്ക​രി​ച്ച ശേ​ഷം പു​റ​ത്തു​വ​ന്ന പോ​സ്റ്റ്മോ​ർ​ട്ടം റി​പ്പോ​ർ​ട്ടി​ൽ സം​ഭ​വം കൊ​ല​പാ​ത​ക​മാ​ണെ​ന്ന് അ​റി​യു​ക​യാ​യി​രു​ന്നു. ഈ​മാ​സം 11ന് ​സ്വാ​തി​യെ തി​രി​ച്ച​റി​ഞ്ഞു​വെ​ന്ന് ഹാ​വേ​രി പൊ​ലീ​സ് സൂ​പ്ര​ണ്ട് അ​ൻ​ഷു കു​മാ​ർ പ​റ​ഞ്ഞു. അ​തി​നി​ടെ സം​ഭ​വ​ത്തി​ന് പി​ന്നി​ൽ ല​വ് ജി​ഹാ​ദ് ആ​രോ​പി​ച്ച് മു​ൻ മു​ഖ്യ​മ​ന്ത്രി​യും ബി.​ജെ.​പി എം.​പി​യു​മാ​യ ബ​സ​വ​രാ​ജ് ബൊ​മ്മൈ രം​ഗ​ത്തു​വ​ന്നു. ഇ​തു​വ​രെ​യു​ള്ള അ​ന്വേ​ഷ​ണ​ത്തി​ൽ ല​വ് ജി​ഹാ​ദ് സൂ​ച​ന​യി​ല്ലെ​ന്ന് എ​സ്.​പി പ്ര​തി​ക​രി​ച്ചു.