മംഗളൂരു: നഗരത്തിൽ ഉർവ പൊലീസ് സ്റ്റേഷൻ പരിധിയിൽ വീട്ടിൽ നടന്ന കവർച്ച കേസിൽ മൂന്ന് പ്രതികളെ അറസ്റ്റ് ചെയ്തു. ബംഗളൂരു സ്വദേശികളായ വെങ്കിടേഷ് എന്ന വെങ്കി (21), എം. സാഗർ (21), കെ. രൻജീദ് (20) എന്നിവരാണ് ബംഗളൂരു ഗംഗൗഡനഹള്ളിയിൽ അറസ്റ്റിലായത്. ഇവരിൽ നിന്ന് 4.64 ലക്ഷം രൂപ വിലവരുന്ന സ്വർണാഭരണങ്ങൾ പിടിച്ചെടുത്തു. ഈ മാസം ആറിന് കൊടികൈയിലെ അടച്ചിട്ട വീട്ടിൽ പകൽ സമയം പൂട്ട് തകർത്ത് കയറിയാണ് മോഷണം നടത്തിയത്. ഇവർ ഉപയോഗിച്ച സ്കൂട്ടറും കസ്റ്റഡിയിലെടുത്തു. ഉർവ സ്റ്റേഷൻ ഇൻസ്പെക്ടർ ഭാരതി, എസ്.ഐമാരായ എച്ച്.വി. ഹരീഷ്, എ. അനിത എന്നിവരുടെ നേതൃത്വത്തിലായിരുന്നു അറസ്റ്റ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.