മുംബൈ: ബോളിവുഡ് താരം സൽമാൻ ഖാെൻറ കൂടെ സിനിമയിൽ ജോലിചെയ്യണമെന്ന് ആവശ്യപ്പെട്ട് സൽമാെൻറ പിതാവ് സലിം ഖാനെ ഭീഷണിപ്പെടുത്തിയ യുവാവിനെ യു.പിയിൽ അറസ്റ്റ് ചെയ്തു. അധോലോക നായകൻ ഛോട്ടാ ഷക്കീലിെൻറ ആളാണെന്നും സൽമാെനാപ്പം ജോലിചെയ്യാൻ അനുവദിച്ചില്ലെങ്കിൽ അതിെൻറ പ്രത്യാഘാതം അനുഭവിക്കേണ്ടി വരുമെന്നും സലിം ഖാനെ ഫോണിൽ ഭീഷണിപ്പെടുത്തിയ പ്രയാഗ്രാജിലെ ഷാറൂഖ് ഗുലാം നബിയാണ് അറസ്റ്റിലായത്.
ഇയാൾ സൽമാൻ ഖാെൻറ കടുത്ത ആരാധകനാണെന്നാണ് പ്രാഥമികമായി അറിയാൻ കഴിഞ്ഞതെന്നും കൂടുതൽ അന്വേഷണങ്ങൾ നടത്തിവരുകയാണെന്നും ബാന്ദ്ര പൊലീസ് അധികൃതർ പറഞ്ഞു.
ഇയാൾ ആദ്യം സൽമാെൻറ പി.എ ബിബാഷ് ഛായയെ വിളിച്ച്, താരത്തെ കാണാൻ അവസരമൊരുക്കണമെന്ന് ആവശ്യപ്പെട്ടുവെത്ര. ഇത് അനുവദിക്കാതെ വന്നപ്പോഴാണ് സലിം ഖാനെ വിളിച്ച് ഭീഷണിപ്പെടുത്തിയതെന്നും പി.എ പൊലീസിൽ നൽകിയ പരാതിയിൽ പറയുന്നു. സമൂഹമാധ്യമങ്ങളിൽനിന്നാണ് തനിക്ക് നമ്പർ കിട്ടിയതെന്ന ഷാറൂഖിെൻറ മൊഴി വിശ്വാസത്തിലെടുത്തിട്ടില്ലെന്നും പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.