ദുൽഖർ സൽമാൻ നായകനായി അനൂപ് സത്യൻ സംവിധാനം ചെയ്യുന്ന സിനിമയുടെ ചിത്രീകരണം പൂർത്തിയായി. പേരിടാത്ത ചിത്രത്തിൽ ദുൽഖറിനെ കൂടാതെ കല്യാണി പ്രിയദർശൻ, സുരേഷ് ഗോപി, ശോഭന, ഉർവശി എന്നിവരാണ് പ്രധാന വേഷങ്ങൾ കൈകാര്യം ചെയ്യുന്നത്.
ദുൽഖർ പ്രൊഡക്ഷൻസിന്‍റെ ബാനറിൽ എം സ്റ്റാർ ഫിലിംസും വേഫെറർ ഫിലിംസും സംയുക്തമായാണ് ചിത്രം നിർമിക്കുന്നത്. വേഫെറർ ഫിലിംസിന്‍റെ മൂന്നാമത്തെയും അനൂപ് സത്യന്‍റെ ആദ്യത്തെയും ചിത്രം കൂടിയാണിത്.
ചെന്നൈയിൽ താമസിക്കുന്ന രണ്ടു പേരുടെ കഥയാണ് പ്രമേയം, തമാശക്ക് പ്രധാന്യം നൽകിയുള്ള കുടുംബ ചിത്രത്തിന് അനൂപ് സത്യൻ തന്നെയാണ് തിരക്കഥ എഴുതിയത്. സന്തോഷ് വർമ ഗാനരചന നിർവഹിച്ച ചിത്രത്തിന് അൽഫോൺസ് ജോസഫ് സംഗീതം നൽകുന്നു. മുകേഷ് മുരളീധരനാണ് ഛായാഗ്രഹണം.
13 വർഷങ്ങൾക്ക് സുരേഷ് ഗോപി-ശോഭന ജോടി ഒന്നിക്കുന്നു എന്നതാണ് മറ്റൊരു പ്രത്യേകത. 2005ൽ റിലീസ് ആയ മകൾക്ക് എന്ന ചിത്രത്തിലാണ് സുരേഷ് ഗോപിയും ശോഭനയും അവസാനമായി ഒന്നിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.