ജോധ്പൂർ: കൃഷ്ണമൃഗത്തെ വെടിവെച്ച് കൊന്നതുമായി ബന്ധപ്പെട്ട് ആയുധം കൈവശംവെച്ച കേസിൽ ബോളിവുഡ് നടൻ സൽമാൻ ഖാൻ ജോധ്പൂർ ജില്ല സെഷൻസ് കോടതിയിൽ ഹാജരായി. വിചാരണകോടതി നൽകിയ ജാമ്യ ഉടമ്പടി പരിശോധിക്കുന്നതിനായാണ് ഖാനെ സെഷൻസ് കോടതി വിളിച്ചുവരുത്തിയത്.
ഉച്ചക്ക് 12.30ഒാടെ ജോധ്പൂർ വിമാനത്താവളത്തിൽ ചാർേട്ടഡ് വിമാനത്തിൽ പറന്നിറങ്ങിയ ഖാൻ അഞ്ച് മിനിറ്റിനുള്ളിൽ കോടതിനടപടികൾ പൂർത്തിയാക്കി മടങ്ങുകയായിരുന്നു.
കേസിൽ ഖാനെ കുറ്റമുക്തനാക്കിയ വിചാരണകോടതിവിധി ചോദ്യംചെയ്ത് സംസ്ഥാനസർക്കാർ നൽകിയ ഹരജിയിലാണ് സെഷൻസ് കോടതി ഖാന് സമൻസ് അയച്ചിരുന്നത്. തുടർന്ന് ഹാജരായ അദ്ദേഹം കോടതിനിർദേശപ്രകാരം ജാമ്യ ഉടമ്പടിയിൽ ഒപ്പുവെച്ചു. കേസിൽ തുടർവാദം കേൾക്കുന്നതിനായി ഒക്ടോബർ അഞ്ചിലേക്ക് മാറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.