റോഡിലെ കുഴി വെട്ടിക്കാൻ ശ്രമിക്കവെ ബൈക്കിൽ നിന്ന് തെറിച്ചുവീണ് വീട്ടമ്മക്ക് ദാരുണാന്ത്യം

പയ്യോളി: റോഡിലെ കുഴി വെട്ടിക്കാൻ ശ്രമിക്കുന്നതിനിടെ ബൈക്കിൽ നിന്നും തെറിച്ച് വീണ് വീട്ടമ്മക്ക് ദാരുണാന്ത്യം. അയനിക്കാട് ചുള്ളിയിൽ രാജന്റെ ഭാര്യ ഷൈലജ (52)യാണ് മരിച്ചത്.

വെള്ളിയാഴ്ച രാവിലെ ഒമ്പതോടെ കിഴൂർ തുറശ്ശേരികടവിന് സമീപം ഉല്ലാസ് നഗറിലാണ് അപകടമ​ുണ്ടായത്. മകളുടെ വീടിന്റെ തറക്കല്ലിടലിന് മകന്റെ കൂടെ ബൈക്കിൽ പോകുമ്പോൾ ആയിരുന്നു അപകടം. റോഡിലെ കുഴി വെട്ടിച്ചെടുക്കുന്നതിനിടെ ഷൈലജ ബൈക്കിൽ നിന്ന് തെറിച്ചു വീഴുകയായിരുന്നു.

ഉടൻ വടകര സഹകരണ ആശുപത്രിയിലും തുടർന്ന് കോഴിക്കോട്ടെ സ്വകാര്യ ആശുപത്രിയിലും എത്തിച്ചെങ്കിലും മരിച്ചു. മക്കൾ: സനൂപ്, ഷൈജ, വിഘ്നേഷ്. മരുമക്കൾ: അഖിന, വിജീഷ്. മൃതദേഹം ശനിയാഴ്ച ഉച്ചയ്ക്ക് പന്ത്രണ്ടിന് വീട്ടുവളപ്പിൽ സംസ്കരിക്കും.