അബ്ദുറഹ്മാൻ
ഉമ്മുൽഖുവൈൻ: ഗ്യാസ് സിലിണ്ടർ പൊട്ടിത്തെറിച്ച് ഗുരുതരമായി പരിക്കേറ്റ മലപ്പുറം സ്വദേശി മരിച്ചു. പരപ്പനങ്ങാടി ചെട്ടിപ്പടി സ്വദേശി തറയിൽ അബ്ദുറഹ്മാൻ (61) ആണ് മരിച്ചത്. ഉമ്മുൽഖുവൈനിലെ താമസയിടത്ത് ദിവസങ്ങൾക്ക് മുമ്പായിരുന്നു ദുരന്തം. ഗ്യാസ് സിലിണ്ടറിൽനിന്നുള്ള പൈപ്പ് എലി കടിച്ചതിനെ തുടർന്ന് ഗ്യാസ് ചോർച്ച സംഭവിച്ചതാണ് ദുരന്തകാരണം.
രാവിലെ അടുക്കളയിൽ ചായ ഉണ്ടാക്കാൻ പോയതായിരുന്നു. ലൈറ്റിന്റെ സ്വിച്ച് ഓണാക്കിയപ്പോൾ പൊട്ടിത്തെറിക്കുകയിരുന്നു. ശരീരം മുഴുവൻ പൊള്ളലേറ്റ നിലയിലായിരുന്നു. ആദ്യം ഉമ്മുൽഖുവൈൻ ആശുപത്രിയിലും പിന്നീട് അബൂദബി മഫ്റഖ് ആശുപത്രിയിലുമെത്തിച്ചു. ദിവസങ്ങളോളം ഗുരുതരാവസ്ഥയിലായിരുന്നു. 27 വർഷമായി പ്രവാസിയാണ്.
ഭാര്യ: ആരിഫ. മക്കൾ: ഉബൈദ്, മുഹമ്മദ് സിയാദ് (അജ്മാൻ), മുഹമ്മദ് ജുനൈദ് (ഷാർജ), റസാനത്ത്. മരുമക്കൾ: സുമയ്യ, ഫസ്ന, നിഹാല, ഖാലിദ്. ഖബറടക്കം നാട്ടിൽ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.