അപകടത്തിൽപെട്ട പിക്കപ് വാനും ലോറിയും
പത്തനംതിട്ട: പത്തനംതിട്ട-കോഴഞ്ചേരി റോഡിൽ പുന്നലത്ത് പടിക്ക് സമീപം പച്ചക്കറി ലോറിയും പിക്കപ് വാനും കൂട്ടിയിടിച്ച് രണ്ടുപേർ മരിച്ചു. പുന്നപ്ര സ്വദേശി അഖിൽ, നീലഗിരി സ്വദേശി അജിത് എന്നിവരാണ് മരിച്ചത്. ആലപ്പുഴ മുതുകുളം സ്വദേശി സുർജിത്തിന് സാരമായി പരിക്കേറ്റു. രാവിലെ ആറ് മണിയോടെയാണ് അപകടം.
പച്ചക്കറിയുമായി വരികയായിരുന്ന ലോറിയും കുട്ടനാട് കണ്ണകി ക്രിയേഷൻസ് ഗാനമേള ട്രൂപ്പിന്‍റെ ലൈറ്റ് ആൻഡ് സൗണ്ട് വാഹനവുമാണ് കൂട്ടിയിടിച്ചത്. അപകടത്തിൽ ഗാനമേള ട്രൂപ്പിന്‍റെ വാഹനം പൂർണമായും തകർന്നു.
രണ്ടു വാഹനങ്ങളുടേയും ഡ്രൈവർമാരാണ് മരിച്ചതെന്നാണ് വിവരം. ഗുരുതരമായി പരിക്കേറ്റ സൗണ്ട് എഞ്ചിനീയറാണ് ചികിത്സയിലുള്ളത്. പിക്കപ്പ് വാൻ പുന്നപ്ര സ്വദേശികളുടേതാണ്. സീതത്തോട് നിന്ന് നാടൻ പാട്ട് അവതരിപ്പിച്ച് മടങ്ങിവരികയായിരുന്നു ഇവർ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.